跳至主要內容

警告:日日上磅,好傷身呀!

幾星期前,戰友送咗幾張心意卡俾我,其中一張,想同大家分享。

卡上寫上:『今天的魚今天食,明天的魚唔準食!』唔知係咪講緊減磅戰友嘅心態呢! 即是話俾大家知,營養師安排的餐單份量其實已經足夠當天使用,明天的份量就唔好食喇!即是唔好偷食啦!

但其實卡背面仲有這一句,馬太福音6:34『所以,不要為明天憂慮,因為明天自有明天的憂慮;一天的難處一天當就夠了。』

其實這是一句聖經的金句,但今日想借來用一用。

無端端點解同大家講D咁玄嘅說話?! 因為我發現太多戰友,經常自行係屋企磅重,跟住又對磅數的上上落落,既擔心又憂慮。點解唔好自己磅呢?因為一天的磅數實在有太多變化,而減磅的過程中,一星期先會輕1-2磅,即是說每日只有0.2222的微調,個磅唔會察覺到,所以日日磅,會令自己壓力好大,其實你搵得我哋減肥,一個星期已經會磅兩次,已經足夠,而且有多一個人同你分擔同分析體重的改變嘛!日日上磅,好傷身呀!

一個人一天已經有好多憂慮,所以將你的減磅責任交俾營養師,你只需乖乖地做運動,跟足餐單已經完成你的工作啦!

信我啦!唔好再日日磅喇! 因為成日對住個磅數會好大壓力!我相信我比任何一個人都對清楚,因為我日日對住廿幾個(戰友)嘅磅數,我好明白體重帶來的壓力有幾大!

留言

匿名說…
你都講得幾好!明天開始唔磅啦!上你公司先磅!
匿名說…
你啱!我之前有日日上磅架!真係好有壓力.好!我今日開始唔係屋企上磅!多謝提醒!
匿名說…
當你每日去廁所後都經過2個不同種類既磅,你會唔會不期然心思思想上去磅一磅呢?這對我來說真是一個好大既誘惑呢!
王師奶說…
哈...好開心啊!
你將心意卡放上blog度鼓勵各位戰友:)

係呀!減磅期間真係會日日咁磅, 壓力真係好大, 但如果戰友們跟足營養師吩咐既餐單, 聽聽話話唔偷食, 咪唔駛成日掛住上磅驚住體重上升啦, hehehe?! :P

ps 我完全明白你地既感受, haha ;)
Thanks for sharing. U r right, life is short we should enjoy.
匿名說…
Happy Birthday! Wish you all the best! Enjoy today!
匿名說…
生日快樂!祝你講座場場爆滿!
Starry說…
生日快樂!闔家平安!生意興隆!長做長有!
匿名說…
生日快樂!! 開開心心理!!

jOYCE FOK
匿名說…
希望你今日可以早啲收工去開開心心慶祝啦,雖然你唔係跟我嘅,有啲失望,不過仍然係你嘅粉絲,祝生日快樂,工作愉快!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。