跳至主要內容

同事的生日蛋糕

今日其實係放假嘅!但唔知點解又返咗公司。

如果大家仲記得,一年前嘅今日,我食咗一個好好味嘅蛋糕,佢叫做Mango Cream,係數碼x送來的生日蛋糕,我素來都唔太愛蛋糕,因為覺得佢好甜,但係哩個無咁甜,所以係我摰愛。

前幾日又收到這份生日賀禮,就諗住帶返公司同同事一齊食, 今朝我攞住張餅卡返公司,好為食嘅車厘子一見到就問:『吓!有蛋糕食呀!你諗住攞咩餅呀?』佢個額頭刻住『朱古力』三個字,跟住我就問:『咁你想食咩?』車厘子陰陰笑話:『好似全公司除咗你之外,都鐘意食朱古力蛋糕!』跟住我問:『咁攞chocolate mousse啦!但係邊個去攞?』大家望一望自己schedule,異口同聲講:『今日個個都約滿哂客,除左你之外,無人得閒!』
左手邊個蛋糕仔係我嘅,右手邊就係車厘子個蛋糕:〈
於是我自己去cova攞咗個車厘子鐘意食嘅chocolate mousse,我唯有自己俾$買咗一件Mango Cream!
唔講仲以為係車厘子生日!!!
唔係淨係我話佢為食,大家睇下張相就知,成日覺得自己仲細,新陳代謝快,10年之後,唔知會點呢?哈哈哈哈!

但其實我今日好開心,好多謝大家送來的祝福,無言感激!

留言

匿名說…
有冇咁快POST出嚟呀? 我剛才E咗張吊住妳尾,偷影妳"孤單取生日餅"嘅相比妳添. 都叫妳唔好起我工作範圍出現喇, 一出現就比我影到妳! 生日快樂呀壽星女, 唔好唔開心喇!
匿名說…
好鬼攪笑,生日快樂!
匿名說…
差D唔記得祝你開開心心!車厘子就好啦!有個咁好嘅老細!
匿名說…
Cynthia生日快樂!! 你今日返公司真係太好啦, 咁我又有蛋糕食:D 其實都唔一定要買chocolate mousse架, 你鐘意芒果, 可以買個大既芒果蛋糕嘛...反正我係甜野都唔放過!Anyway多謝你又令我開心多一次
比你話得多, 唸下唸下, 可能遲多幾年我D肥就會一次過"發"出黎, 唸起都怕怕呀! 但係依家我都係忍唔到口wo...

祝你願望成真! 公司生意愈來愈旺!


車厘子
匿名說…
Cynthia, 請唔請人啫? 我唔做秘書轉行做打雜都得架.
匿名說…
車厘子你就好啦......(又有)野食喇....仲要食到咁滋味....咩意思先...哼...
Cynthia:生日快樂呀.....祝妳一年可以返多幾次鄉下狂掃貨...哈哈...


同事...金美*o*
匿名說…
我都係咁話,咁無情嘅香港地,都有咁嘅老細!
匿名說…
金美, 又係妳自已話妳咁甜美,所以唔好甜品. 妳今日都有愛心飯盒食喇,連Cynthia 都冇得食呀! :D
王師奶說…
好羨慕啊...車厘子有個咁好既老細, cynthia, 生日快樂啊!!! ;)
匿名說…
我有愛心飯盒食,都係Dora你姐...傻豬黎既

金美
匿名說…
我都係你嘅粉絲,初初知道唔可以跟你减肥都有d唔開心,但諗深一層,你人就得一個,唔通做死你咩!所以我都明白,第一次見過你已經心滿意足,我會甘心做你背後的粉絲,生日快樂!
匿名說…
好彩趕得切啫!牛一開開心心,但要保重身體,仲有好多戰友等住你幫架!

昔日無咗30磅脂肪的Winnie
匿名說…
生日快樂!
匿名說…
Happy birthday to u! Happy birthday to u! Happy birthday to u....! Happy birthday to u! 又大一歲! 祝你心想事成!
匿名說…
遲了半小時的生日祝福,祝你越來越受歡迎,書籍長賣長有,恭喜!
匿名說…
今天太忙了,忘了留mesg 講聲生日快樂!
祝你日日都咁開心!

Fanny =)
匿名說…
遲來的生日快樂!

29/10將會聽妳的講左的粉絲上
匿名說…
有心唔怕遲~
生日快樂呀!!!!!
各位朋友:

多謝你們的祝福,希望你哋睇Blog睇得開心d啦!我會將更多資訊及歡樂帶俾大家,希望你哋鍾意啦!
匿名說…
Sure!

WS
匿名說…
heheh...遲來的生日快樂呀!!!...一次過要追返咁多篇文章先發現原來 10/9 係你生日...今日要黎見你..有d擔心tim!!!!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。