喵!主人真係矛盾!
噚日主人生日，佢一返到屋企，我就豎起條尾喵咗佢幾聲，佢就以為我同佢講生日快樂，仲鬼咁開心，即刻去廚房攞咗兩粒三文魚粒粒俾我食，當係獎勵我叻，哼!又話唔準我食零食，自己又俾我，你哋話佢係咪矛盾!
你哋睇下我成條懶蟲咁瞓係地下，就知我肥嘅原因，除咗係為食之外，仲有懶啦!所以大哥成日都追住我等我跑多D，主人一返屋企就要同我玩三人足球，做貓有時都好似主人咁矛盾，望咗成日都係等主人返屋企，但係佢返到屋企，我就要做運動，唉!都唔知想佢早D返定遲D返好!
不過主人話運動對各位減磅戰友好緊要架，除咗用多D肚腩仔嘅肥膏之外，仲可以令新陳代謝快D，一舉兩得架! 各位戰友，努力啦!
留言
You should be thankful to your master. She loves you very much and cares about your health. That's why she controls your food intake and "forces" you to do exercise. Let's try our best to show her that WE CAN DO IT!
WS
Good morning!
你個主人真係好愛鍚你同哥哥架(個人覺得佢對你係口硬心軟)! 佢同我每次見面, 打開話匣子都係用:"哎呀! Milo又重咗..."/ "嗰隻衰毛..."
啍! 佢居然唔係關心我呢個過去嘅戰友喎! 原因: 我哋班新舊戰友經過你主人& 佢班同事不斷咁"哦"(即係語重心長咁灌輸正確嘅飲食態度)係會慢慢將飲食習慣改變, 達到運動與飲食取得平衡; 但係你同哥哥因為係動物, 始終都係需要你主人助你哋一把才可控制體重. (我都唔知幾想約Cynthia 同我一齊做運動呀, 不過時間唔啱咋!)
努力加油呀!
mimi~