營養師黃凱詩的生活點滴

2009年10月15日星期四

科學實驗--叮叮蝦片

有時候,同減磅戰友見面,最開心嘅,隨佐係可以同佢哋經歷由肥到瘦嘅過程之外,仲有係可以工作之餘,同大家談笑風生,仲有互相交流下美食心得。

上星期,我哋有個開心大發現,有位戰友同我哋講,佢發現係售賣印尼食物店舖內,有D未經油炸嘅蝦片,可以放入微波爐叮,50秒之後就有大大塊無油叮叮蝦片食。

我D求知慾咁強,一定要自己試下啦! 係咪好心急呢?

哩包就係未發大嘅蝦片喇! 完全沒有脂肪的,食3大片=1份五穀!

準備好未,首先要有一個微波爐、一張Kitchen Paper,跟住就將蝦片放係張Kitchen Paper四個角,記住一定要放係4個角,如果唔係又會濃又會有火花,放好之後就叮50秒,1秒都唔好多(但留意每個微波爐的火力有d出入,我公司個微波爐係最cheap嘅,600蚊1個,火力應該唔高)。

放4個角,唔好放中間

叮50秒好喇!
由40秒開始,你會見到蝦片慢慢長大,好得意,你哋睇下。


不過各位小朋友,記住要有家長指引,整嘅時候小心d睇住佢,一唔對路,例如有火花就即刻stop,就ok哂! 都好好味...

睇下車厘子個為食樣!

5 則留言:

匿名 說...

真係服咗你,剛剛做完講座,仲唔休息下,你估你係鐵人咩!

匿名 說...

朋友介紹我聽你嘅講座,所以我聽咗今晚的,佢真係無介紹錯,因為你嘅講座,真係有一種魔力,俾你攝咗入去,其實真係唔知點解,總之你真係講得好好!我會再帶D屋企人同朋友參加,因為真係好值得!

匿名 說...

何解會有火花出現? 因為啲油?

匿名 說...

又比你捉到我個為食樣tim, haha:P


車厘子

Starry 說...

車厘子:
獨食易肥呀!你應該搵金美及我地幫你分擔下.大家一定好樂意的.