營養師黃凱詩的生活點滴

2009年10月17日星期六

終於可以休息下...星期一再搏過

當一個人壓力大,想發洩嘅時候會做咩呢?有D人會想食嘢!但係我會買書!

今日做到8點先收工(其實公司今日收4點),無咩胃口,於是去咗打書釘,點知間書局周圍貼滿減價Poster,大鑊!今次肯定流血不止,如我所料...買咗咁多

返到屋企,同兩隻衰毛玩下先,今日戰友話想睇大細毛合照,好啦! 攞個相機同佢哋照張相先,睇吓兩隻毛靜靜雞講咩先!

細毛: 大哥,呢粒啡色嘢係咩尼架,食唔食得架?

大毛: 好心你唔好咁為食啦!肥死你呀! 好似係個波尼架,唔食得!

細毛:但係主人攪咩呀!無端端抱我哋坐埋一齊...

大毛:我都唔知喎...驚驚呀!
細毛:正一無膽鬼...可能同我哋拍片表演呢?海洋公園d海獅同我講如果表演完會有得食架,唔緊要啦!乖乖哋坐一陣先啦!

細毛:都話表演完有得食啦!主人快d啦!慢吞吞,我自己攞!

仲有呀! 你哋d留言睇哂喇!多謝你哋嘅支持同鼓勵,感謝你哋幫我叉滿電,我以後覺得好失落嘅時候,會入尼睇番d留言,當快速充電器用,不過真係好感動呀! 其實我好多愁善感,係好處又係唔好處啦!好處係我好鍾意諗嘢,唔好處係太鍾意諗嘢,自己估下點解啦!

7 則留言:

匿名 說...

你好可愛,同你主人一樣!

匿名 說...

果日聽你電台個節目, 聽到你個節目講點整碗仔翅, 超勁開心, 可惜我跑緊步無得mark低份量, 希望有機會你會post出黎啦! anwway, 聽你做節目發覺你同其他營養師唔同o既地方, 你唔係一味話人咁唔得咁又唔可以食, 而係好似朋友咁, 將你知o既野仔細咁分享俾我地聽, 令人好輕鬆自在, 相信呢個就你吸引人o既地方, 偶像偶像, 你要加油呀 =]

希望你身體同精神上o既疲累快快一掃而空 ^^

symavis

匿名 說...

我鐘意你嘅原因,都係因為你真係好唔同,減緊肥嘅時候,你有時又會好認真,好專注咁研究俾咩餐單我,但係有時見你,又會古靈精怪嘻嘻哈哈,所以覺得你好迷人,個人好真,同你講嘢,就好似同一個認識咗好耐嘅朋友一齊咁,希望你今日好好休息,儲滿能量,將更加資訊帶俾大家!
julie

匿名 說...

很開心看見Moo Moo 和米路乖乖地排排座的合照。

相信妳要付出不少努力和技巧才可撮合牠們。

WS

Starry 說...

超可愛的呢!!!好想抱下2隻毛毛,不如每成功減到1磅就比我抱一次呀?^^

匿名 說...

唔知點解,越聽得多你嘅節目,越睇得多你嘅書,就越來越喜歡你,說真的,或許就是你的魅力吧!會無限量支持你!

winnie 說...

兩隻毛同主人一樣咁古靈精怪