跳至主要內容

緊湊的日程


今個星期非常充實，點解...因為星期二、三同四晚晚晚都有講座，所以如果我真係無時間寫Blog，或者只係得一兩句，希望唔好介意啦!

如果有朋友想聽又未book，就睇下之後幾場嘅時間夾唔夾到，今個星期嘅場次已經滿哂，多謝各位哥哥姐姐嘅支持，下個星期同下下個星期就仲有，都有幾多多多位 (哈哈!我唔會咁老土話俾大家知仲有少量位囉)，所以仲要靠大家幫我轉開去迫爆佢啦!

免費講座-減肚腩瘦下身分享

21/10 晚上7:15pm-8:45pm 銅鑼灣禮頓道33-35號第一商業大廈201室

29/10 晚上7:15pm-8:45pm 佐敦柯士甸道童軍中心1030室

今日係240場喇!唔知有無機會衝破300場呢! (或者一陣發夢就有...)goooooood night!我要叉好電16個鍾之後用喇! 差d唔記得講個留位電話，又係佢我隻得力右手--金美小姐28910920!

PS 點解用紅色HIGHLIGHT哥哥姐姐??! 今日睇下am730時尚版個專欄就明架喇:)

留言

匿名說…
你都好鬼馬啫！唔知你真人係咪一樣呢！今晚見，我叫做Judy呀！
10/13/2009 10:47:00 上午
匿名說…
好勤力的你, 佩服佩服!!!!
10/13/2009 12:37:00 下午
匿名說…
Wow, superwoman!
Although we like to read your blog, we won't be so cruel to exert pressure on you. Remember to take a rest (no matter how short it will be) whenever possible.
Work hard now and then enjoy your trip.

WS
10/13/2009 01:44:00 下午
匿名說…
好啦!既然仲有好好好多位,就幫你做宣傳啦!
10/13/2009 04:30:00 下午
匿名說…
A good show，it is amazing，thanks for the enjoyable night you given to us！You perform so well！i began to understand why a colunmist like you can have so many fans behind you. Continue your good work. Take a good rest tonite as i know you still have several seminar in the week！
C.T. Tsui
10/13/2009 11:14:00 下午
匿名說…
我都想講D嘢!今晚我是座上客，親眼見倒個講座有幾精彩，你令我產生共鳴!最重要係你同所有人打成一片!我竟然投入其中，沒想過這一晚會是這般難忘!努力加油，我相信不少人會因為你的精彩演出而感動，因為我係其中一個!
10/13/2009 11:44:00 下午
匿名說…
好正!真係好正!唔知點形容!你的付出，相信大家感受到!支持你的專欄，支持你的演出，支持你，是永遠的!

Your Fans Teresa
10/13/2009 11:59:00 下午
匿名說…
Brilliant job ！thanks from charile
10/14/2009 10:55:00 上午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多