跳至主要內容

沖白白

都話最怕主人係屋企啦...

今日,成朝個感覺都怪怪地,有幾怪,首先,主人無端端一早起身又抱我又錫我,跟住最怪就係今日有好多零食食,食完三文魚仲有雞肉,當時都心知不妙,不過我素來係樂天派,有得食,都係食咗先算。
之後越來越唔對路,主人幫我同大哥剪指甲,我記得...上次沖白白之前又係咁。

果然,行刑喇!你哋睇下我幾驚,我唔沖呀!


我亞哥都唔好得我幾多。想走佬嘅樣!

貓貓最怕就係沖涼,成身香噴噴,無哂自己D貓味,周身唔自在,最大鑊就係要吹頭,你睇下我哋沖完涼個樣又驚又失落。點解要沖涼喎...

留言

匿名說…
You are so cute milo!

Cham
匿名說…
Cynthia, 睇嚟妳已經駕輕就熟喎, 妳今次未比"隻衰毛"抓偒!
匿名說…
米路仔歡容D啦!沖完涼係好舒服呀!
匿名說…
halo...cynthia....我睇左你個blog好耐架啦...不過一直都無留言呢...哈哈哈...你個blog真係好好睇...d資料又有用...又成日介紹d有益健康既食物比我地...太好了!!...
哈哈...其實我係有d野想問架!!....其實毛豆(枝豆?!?!)肥唔肥架...因為我真係好鍾意食毛豆,差唔多日日都食== 可唔可以提供下佢既熱量,脂肪個d資料呀??...thxthx!!
匿名說…
等咗好耐喇!好似小朋友等去旅行咁,明天就有機會見你,好興奮呀!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。