沖白白

都話最怕主人係屋企啦...

今日，成朝個感覺都怪怪地，有幾怪，首先，主人無端端一早起身又抱我又錫我，跟住最怪就係今日有好多零食食，食完三文魚仲有雞肉，當時都心知不妙，不過我素來係樂天派，有得食，都係食咗先算。

之後越來越唔對路，主人幫我同大哥剪指甲，我記得...上次沖白白之前又係咁。

果然，行刑喇!你哋睇下我幾驚，我唔沖呀!

我亞哥都唔好得我幾多。想走佬嘅樣!

貓貓最怕就係沖涼，成身香噴噴，無哂自己D貓味，周身唔自在，最大鑊就係要吹頭，你睇下我哋沖完涼個樣又驚又失落。點解要沖涼喎...