跳至主要內容

跑步會腳粗


好!今日又有遊戲玩喇!你估下我哩一身裝扮,又準備去邊呢?

你一定會諗,又係去跑步囉!哈哈,錯咗喇!你一定係俾我個標題呃咗...

個頭亂成一團,當然係去咗泳池做魚啦!今日11月1日,係室內泳池重開嘅日子,必定要探下佢!晨早流流游個早水,成個人都爽哂!好多朋友都問我點解咁鐘意做運動,我諗係細細個培養嘅,那時候學校勁重視運動,個個禮拜都要跑山,而且好似我哩D座唔定嘅學生,隨時都會俾人罰跑多幾次,漸漸你會覺得佢係你生活嘅一部份,即係沖涼咁,你就會覺得唔做唔得!

所以我由細到大,都覺得佢(跑步/運動)係我生活嘅一部份,但有D戰友話跑步會腳粗,咁就睇下你點跑,你有無見過跑長跑嘅運動員會腳粗?我就無,你睇下我就知會唔會粗啦!我相信我跑步嘅年資一定多過你哋Hehe!但相反,如果你跑到好似短跑好手9秒9跑100m的速度,就一定會粗,你跑唔跑到?唔好再俾藉口自己啦!對運動嘅興趣而家培養都未遲!有心唔怕遲嘛!

留言

匿名說…
睇完你個post即刻放心哂!好啦!而家就坐言起行落平台做運動!
匿名說…
死火!俾你講中咗我個心態婖!真係幫自己搵唔做運動嘅藉口!
chris
匿名說…
絕對同意你講呀, 我果陣都以為係, 之後上網做左好多research了解多左, 四個月前開始日日慢跑, 今日終於有奇跡發生, 就係跑步竟然可以修腳型添呀, 不過恆心真係好緊要, 無番幾個月都唔好諗住即刻見成效囉 =]
好羨慕你可以游水, 我學左好多年都唔識, 少左一樣運動可以做 =[

symavis
匿名說…
睇 Cynthia 成日著貼身褲就知佢冇甲組腳喇! 等我開始同跑步機做friend 先! :)
匿名說…
我都好同意,當你覺得那件事好重要,你點忙都會做,我都覺得自從開始減肥之後,就建立了運動的習慣,是你改變了我,多謝你一次又一次將重要訊息帶俾大家,越來越愛看你的文章!
匿名說…
踗踗下又係,跑長跑d人都好瘦隻腳又幼!好啦!跑步啦!
匿名說…
哈哈~乜你去到邊都帶住部相機既~
連去游水都帶住!

為左迫自己做運動跑多d步,
我報左名去跑馬拉松~

突然想到,如果想多d戰友去做運動,
你不如拉大隊一齊去跑,
咁一定好多戰友很樂意跟住你去跑步呢~
又可以做善事,
一舉幾得呢~

tomato~

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。