跳至主要內容

準備...

又跑咗3公里,出了一身汗,幾好,幫身體排毒!哈哈,你哋今日做咗未?!

今日,有個戰友好堅定咁同我講:你放心啦!我一定會瘦!據經驗話我知,D戰友突然間咁堅決,通常得幾個可能,可能一,係剛剛俾人挖苦完,可能二,係時裝店買衫唔啱身,可能三,要準備出席D咩婚宴做姊妹等,點知佢竟然話:我報咗渣打馬拉松?報咗馬拉松=會瘦,咁就要睇下你會唔會練習囉,經驗話我知大家都係3分鐘熱度或者臨急抱佛腳,於是我就咁樣答佢,你要做好準備喎!戰友就話:當然啦!見你對跑步咁有經驗,所以正想問下你...邊度有最新最型嘅波鞋啫,有D好似好鬼輕,著咗好似無著咁?

唉...唉...我講嘅準備係馬拉松之前約4-6個月要慢慢開始練習,由1公里慢慢加上去,唔係買波鞋呀!你哋話我係咪一日俾人激死幾次!

留言

匿名說…
hehe!我報完之後第一時間都係諗係邊買鞋!!
匿名說…
我都想落街跑, 不過我係路痴, 咁夜我驚盪失路, 都係聽朝晨早去揾aaron先. :D
匿名說…
死火,又俾你捉到未做運動添,唯有聽朝做啦!
匿名說…
我今朝揾咗Aaron喇,仲同跑步機做番朋友添. 不過, 佢可能嬲我咁耐冇揾佢, 係40分鐘嘅過程,佢居然發"皮四"中途自動熄咗兩次機. 唯有今日開TURBO儘快做哂啲工作, 放工後再去"呵"番佢. :)
Starry說…
我應該無份激你啩?
匿名說…
單車機得唔得呢? 持之以恒, 先由每日30-40mins開始, 1個月時間, 可以落磅掛!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。