跳至主要內容

10點先食晚飯...唔肥咩?!

總有你鼓勵... ...多謝哂,你們的comment,message,電郵送來的一連串鼓勵的說話及動畫,都明白,坦白說,昨天的事,沒有唔開心,只是不自覺的忿怒吧!今日好多了,很多很多年前,告訴過自己,不可將忿怒帶到明天,所以不用擔心,因為那一天已經過去。尢其是,當我回家時,見到佢又再出現,我就笑了。還有我最愛的聖誕樹!

很多年前,曾在以營補營一書提過,曾有一個朋友,每到聖誕,都會這樣對我說:唉!一到聖誕,便覺得樹木很辛苦的,要背負這麼多的聖誕製飾扮聖誕樹,但我倒覺得,樹木應該是開心的,因為平常的日子,別人不會留意自己,但聖誕一到,他們都換上新裝,遊人也舉機拍下自己最美的一面,不是值得開心嗎?所以凡事也有兩面的,心情也會影響自己對任何事的看法,因此,就算任何不如意,失落等,我絕不會帶到明天吧!
講完d咁serious嘅嘢,不如輕鬆一下,又開下個營人飯堂先,今晚講座之後,即係10點幾,去咗銅鑼灣一家餐廳,大家一齊睇下Menu先,你估我今晚食咩呢?

係異國風情?!
定係麵麵俱全?


又或者有香港品味嘅食物呢?估下先,唔好睇住!!!!!!!!!!!!!!!!!!!


都知大家實偷睇,就係佢...海南雞飯,當然轉咗白飯啦!唉!已一個多禮拜,腰傷仍未癒,暫停運動,所以吃得特別清淡!老實講,隻雞好有鮮雞味,真係一流!


仲有哩杯咖啡,頂呱呱!!雖然當時已經係11點,但係咖啡對我完全發揮唔到效用,每次飲完,仲眼瞓過未飲,或者因為我鐘意拿鐵啦!台灣人話latte中文叫拿鐵,唔知係咪拿鐵多奶,色胺酸勁過咖啡因,所以越飲越Good Night呢?!

這家餐廳叫night to five,係銅鑼灣明珠廣場,係喇!溫下書先,上面有三個菜單,如果戰友出街食飯,有咩可以揀呢?
係呀!夜食飯,唔係必定會肥的,基本上我晚晚都9點幾10點食飯啦!問題係整日吃了什麼吧!另一個原因係,一個人晚上的控制能力較日間差,所以先容易食得太多嘢啫!不過晚食飯,即係食完一陣就瞓,的確影響消化,所以有胃病的朋友就唔會食完就瞓,由於今晚夜食,所以咪仲未瞓囉,怕消化不良啊!
講完喇!答下我應該從上面的menu中,選什麼給減磅戰友呢?

留言

野蠻郡主說…
答問題︰煙三文魚凱撒沙律...好味!

我昨天都有聽你講座,不過之後去左食壽司..
匿名說…
你說得無錯,晚上的控制能力較日間差, 晚上很想吃多多的, 點解決這個問題!!!
匿名說…
海南雞湯麵同魚旦粉!兩樣都鐘意食,今晚就去食你昨天的海南雞飯先,唔知你今晚去唔去呢?
匿名說…
叉燒海南湯河轉米
不過$65有點貴
SHAN說…
我會選:蕃茄海鮮湯意大利飯 或者 海南雞湯麵(最好轉米粉)

對嗎?
匿名說…
要長氣啲再三交帶待應哥哥/姐姐: 田園沙律(走醬汁);煙三文魚凱撒沙律(走煙肉粒, 走醬汁); 郊外油菜(走油,走蠔油),香港仔魚旦河轉為米粉/米線....
匿名說…
開估喇!海南雞飯同湯麵啦!飯就要轉白飯囉!另外,煙三文魚沙律當然無問題啦!但個汁就最好另上啦!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。