話時話,未入正題之前,想問下預留咗去bbq嘅大家,我一直都無講個活動費用係幾錢,你哋又報嘅~
我隻右手金美已經會陸續打俾大家,是次活動,已鐵定於12月19日(星期六)舉行,時間為4:30pm開始,無完結嘅時間,係邊?叫金喜花園...佢真係一個花園,即是有小橋流水,鳥語花香個種,但老實講,我未去過,都係睇相啫,你自己睇啦!
報咗名嘅朋友,活動費用為『兩條紅衫魚』...即係$200,都係講清楚,費事你d傻到去街士買兩條紅衫魚俾我,費用包括專車來回接送,尖沙咀格蘭中心即堪富行士道上車,3:45pm等(拿拿拿...唔好遲到呀...除左飛機之外,車都唔等人架),跟住司機叔叔會送我哋去西貢蠔涌DD229,Lot 247,係咪講完都唔知係邊呢?所以咪幫大家安排接送服務囉!
有咩食...都知大家會咁問! 有魚有蝦、各式各樣的蔬菜、我個friend番薯同粟米、當然仲有各式肉類同丸啦!唔駛擔心,專人監管製作,用香草蒜蓉,健康到不得了,減緊磅嘅戰友,為咗令大家食得輕鬆d,記住同營養師講你參加了是次活動,我哋會前前後後幫你配合,等你食得開心又放心!
留言
btw, 我去過金喜花園的, 環境ok, 食物企理, 影相都唔錯, 仲有隻唔怕陌生人既成貓, 你可以帶埋你2隻寶貝一齊去架~我見其他人都有帶寵物去, 噢噢噢, 金美, 不如帶你隻大狗去呀!!