跳至主要內容

令人感動的...放題

放題???唔係啩????你整鬼我哋咩!!你哋係咪咁諗呢?

無錯!我的確係想測試一下大家嘅耐力,人生其實也有十萬九千七個試煉,所以這一點點是大家必須要經歷的,更何況,成功減磅後,也要學懂Keep Fit吧,亦要離開我的魔掌呢?

但這個放題,是戰友可以一試的,若有什麼喜慶,來訂一個位置吧!只是...你要像我一樣,放低吃放題那顆心--即係唔蝕底呀~這個地方,值得一去!

首先,是揀牛肉方面,它有4級的,即係什麼特上...和牛呀...澳洲牛等等,有咩分別?價錢同脂肪量囉!我探測過最經濟那種,脂肪真的較多,像肥牛,我選的是第二級,不錯,脂肪量適中,另外兩種更貴,脂肪最多,即是飲啤酒大的牛牛呢!不吃牛的,也有,選豬肩肉吧!脂肪較少,記得同侍應講要較瘦的豬肉。(圖中另一碟,是較肥的豬肉,可叫瘦豬肉的,記住呀!)

不過個人認為,最值得食嘅,其他是這兩個烏冬及拉麵,好日本~知唔知咩意思,即係好地道,拍得住我上次在喜多方做的一樣,我簡直想問有無得零售,所以一定要試。

戰友可以食嘅實在太多,有好彈嘅日式白魚蛋、豆腐、好甜嘅帶子、各種菇菇同靚菜、南瓜、粉絲...都話講唔哂啦! 揀好清湯底就可以烚下烚下。下次4-6個朋友約食飯,可以試下! 預算係$200/頭!

話時話,真係要去,記得話我知,安排下前前後後的餐單,等大家吃得開心D!

送上一張名片,自己搵啦!

留言

匿名說…
正!多謝提示!今晚一於打邊爐!
匿名說…
愛死你,看你的網誌真是樂趣,成日都一日一篇,是精神食糧,飽哂!
匿名說…
我聽人話烏冬好肥,係唔係真架?
匿名說…
剛剛食完,真係無介紹錯,個麵超好食!
Starry說…
估計Cynthia好忙唔得閒答你, 我等左1日忍唔住要答答樓樓上個位:
烏冬唔肥的, 但如果你用有骨既湯去煮就煮咩都肥, 正如在羊腩煲內灼生菜一樣道理.
煎炸之物、糖、酒、骨部份及腩位等肉才肥, 同埋甚麼食物吃多也是肥的.
匿名說…
前兩睇完你個blog,
今晚終於可以食到,
你的介紹真係冇錯~真係超正~
特別是你推介的烏冬同拉麵,
真係超彈牙!!!
我配左個豆乳湯,
加埋蕃茄, 同二級肥牛,
簡直一流!

不過今晚那碟牛因為解凍得不好,
吃了半之後的郤沾成一團, 分唔開...
有點失色...

雖則佢話係任食,
但其實佢定好的份量,
加上自選蔬菜, 及麵,
以一個keep fit人士的份量,
都真係好飽及已經超哂標了~
明天開始, 要加油運動了~

tomato
匿名說…
Wow thank you Starry for your detailed answer!! :DDD
匿名說…
但一個窩一起煮不是會很肥嗎??你之前不是教我們要用分開窩(菜和肉)打邊爐嗎??請指教

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。