跳至主要內容

去咗韓國食飯!

一枱都係餐前小碟,一睇就知係長今餐啦!

戰友成日問我,減磅期間如果要食韓國菜,有咩揀?老實講,咩牛肋骨、五花腩,當然唔好食住啦,就算唔係材料問題,醃肉時已加了油,脂肪明顯比較高,仲有呀!大家應該見倒,個烤爐上面油到可以照鏡,所以暫時都係唔好揀住囉!

不過咁,我通常都唔會咁衰,唔俾個健康建議俾大家,今次仲係超級好味嘅美食推介,首先,係這個冷麵,個湯酸酸地,好Fresh,麵條又煙煙靱靱,總之就好味啦!好重要係低脂嘛!見唔見倒裡面有咩呢? 有雞蛋、蘋果、牛肉、青瓜,Freshhhhhhhhhhhhhhhhhhhhh!

另外,如果要食熱嘢!就可以選海鮮湯麵,入面有蝦、蜆同青口啦! 又係一個值得回味的好提議呢?

食韓國菜,並不只是石頭飯、人參雞同韓國燒咁簡單,仲有很好味的湯麵呢?
所以話呢?有時大家睇嘢唔好只係睇一面,多個角度睇吓,只係陶醉於當前的東西,後面有D更好嘅嘢就睇唔倒喇!
其實韓國人食嘢,都好注重天然、養生同健康架,大家學習下啦!

留言

匿名說…
間餐廳響邊遮呀?
匿名說…
間餐廳在銅鑼灣廣場一期6樓"韓雅林"韓國料理!
匿名說…
is it very expensive?
匿名說…
真係好介紹喇!明天同事約了食韓國餐!
匿名說…
少少貴喇!

此網誌的熱門文章

避風塘

茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。

黃詩詩教你減肥稯

好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929 咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。 日期:6月9日(星期六) A班:2:15﹣3:15PM B班:3:30﹣4:30PM 費用:$90 (每人一份食材) 上課地點:銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數 紙來29920146,但當然要寫上你的大名啦! 快D報名喇!到時見!

節日前的準備

昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。