史上最平嘅...食譜

全彩色印刷，仲要有成30個食譜咁多，仲要只係賣15蚊，唔係啩!食碗雲吞麵都唔得啦! 有無攪錯，咩話? 仲要有嘢送???!!!

係呀係呀! 由於我太遲交稿嘅關係，本來上個月29號出街嘅兒童食譜，就推到今個月中先同大家見面! 等多一個禮拜啦! 好喇! 知唔知仲有咩送呢? 估下吖? 哈哈哈哈! 就係兩位作者嘅親筆簽名喇! 話時話，雖然本書周圍都有得賣，即係報紙檔呀7仔等等，但係只係係尚營坊買先有嘢送架!

仲有呀!雖然係兒童食譜，但我相信每位朋友都好似我咁，都係大細路，所以大家都適合架! 記住喇! 下下個禮拜，攞一張20蚊去各大7仔，就可以換一本，仲要有個5蚊送添!!HOHOHOHOHO~

仲有呀! <瘦得有營>已經印好，今日送到，未儲齊一套嘅朋友，就火速補購啦!

留言

匿名說…

咁有無第一同第二集賣架

2/04/2010 10:04:00 上午

匿名說…

第一本食譜係叧一個作者! 第二本,第三本(希望陸續有嚟係佢哋做作者喇!) 不過, 大家要有心理準備, 上到尚營坊, 會以為去咗熊貓館(多咗好多隻熊貓) :)

2/04/2010 12:50:00 下午

匿名說…

please inform which date can i buy it at your office. stephanie

2/04/2010 06:12:00 下午

匿名說…

前天聽完講座，今天參加了，努力努力，對你信心十足，很高興你會幫我減肥，期待第一次同你見面！

2/05/2010 12:08:00 上午

此網誌的熱門文章

避風塘

茫茫人海，兩個人能夠相遇、相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材）上課地點：銅鑼灣謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數紙來29920146，但當然要寫上你的大名啦！快D報名喇！到時見！

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！

營養師手記

搜尋此網誌