跳至主要內容

瘡瘡...

都唔知點解，活到我這把年紀，都仲會有瘡瘡，最大問題係佢哋嘅壽命延長咗...咪住先，我講暗瘡，唔係迷你倉呀!


可以諗倒嘅可能性有幾個，唔知咩原因引致荷爾蒙分泌失調啦! 近排食得唔係太好...諗咗一陣，應該係唔夠維他命C啦! 無辦法啦，近日好似淨係食蘋果，維他命C唔夠都好正常吖，所以為咗急救，我剛剛就去咗生果舖買咗杯蘋果橙汁，點知俾我撞倒佢!



仲記唔記得佢，無毛嘅奇異果，有咩好，兩個字，方便，因為佢無毛，仲要維他命C高，但係都唔平，試下無妨。1盒=兩份生果呀!

好彩我嘅瘡瘡只係迷你瘡啫!如果巨型瘡就慘喇!

留言

匿名說…
i haven't seen this product so far.. will try if i see them one day..:P
3/02/2010 03:41:00 下午
匿名說…
我頭先LUNCH時都見到呀, $35盒
3/02/2010 04:04:00 下午
匿名說…
你都叫一把年紀，咁我點算！有青春豆係好事！winnie
3/02/2010 08:24:00 下午
匿名說…
喂！生暗瘡啫！駛唔駛咁好笑呀！那個廣告我都有睇，估唔倒你又用來搞笑啫！Wing
3/02/2010 11:30:00 下午
匿名說…
雖然好多人問過好多次，但係都仲好想問，點解你咁忙，都仲有咁多力同大家講笑呢？不過咁，都好多謝你俾我哋嘅正能量，先可以每一日開心笑一次。Denise
^^今日第一次留言@
3/03/2010 12:39:00 上午
匿名說…
真係俾你笑死！喺架小巴度無端端自己喺度笑！仲俾隔離位望咗兩望添！咁都俾你寫到，真係服鬼咗你呀！！:>
3/03/2010 12:58:00 上午
匿名說…
如果唔識笑嘅朋友，可以睇下尼條Link，個geh真係好鬼爛。
http://www.youtube.com/watch?v=OqbM_JpNB6E
3/03/2010 01:06:00 上午
匿名說…
仲有這條Link 呀！http://www.youtube.com/watch?v=vp4DsASdRNs&NR=1
3/03/2010 01:08:00 上午
匿名說…
唔好玩啦!我凌晨1點係間房笑爆咀，阿媽問我咩事!你啲fans仲要放條片上來!
3/03/2010 01:16:00 上午
匿名說…
原來係咁，怪唔知我唔識笑啦！點解無睇過架！
3/03/2010 10:33:00 上午
匿名說…
攪咩呀!出暗瘡都可以俾你講咁多嘢架!笑鬼死!
YY
3/04/2010 01:09:00 上午
匿名說…
Ha!
Have you called Jacquline?

WS
3/04/2010 02:24:00 上午
CoCo說…
where can i but it?
3/08/2010 11:07:00 上午
CoCo說…
sorry, i mean where can i buy it...
3/08/2010 11:08:00 上午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

黃詩詩教你減肥稯

好喇！一切準備就緒，可以開始報名。今日個報導都有講啦！就算隻稯係好似好鬼健康，又有豆又有什麼高纖米，都未必健康，因為會有肥豬肉同咸蛋架！詳情去今日蘋果日報睇啦！http://hk.apple.nextmedia.com/news/art/20120604/16394929 咁都係好想食稯又點算呢！上星期都預告咗！我會親自聯同廚神Thomas先生，在今個週六同大家一齊做。 日期：6月9日（星期六） A班：2：15﹣3：15PM B班：3：30﹣4：30PM 費用：＄90 （每人一份食材） 上課地點：銅鑼灣 謝斐道482號信諾環球保險中心1201室 (港鐵銅鑼灣站C出口步行一分鐘即達) 報名方法：即日致電29920148留位，然後1個工作天內到尚營坊以現金交費便可。當然，你亦可以入數去恆生264﹣298316﹣883，再傳真入數 紙來29920146，但當然要寫上你的大名啦！ 快D報名喇！到時見！
1 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多