這幾天,真是天天有飯局,日日有節目,一個星期內,見咗好多朋友,但唔知點解,這幾天約晚餐聚舊時,大家都異口同聲有呢個要求:可唔可以攞些唔肥膩嘅餐廳?鬼咩! 一定係新年食大咗個肚啦!所以我今日揀咗這間來聚聚--大戶屋也!無辦法啦!未有得返鄉下,當感受一下和風啦!最重要係,可以揀些健康食物嘛!
好喇!介紹下先,第一份係稻亭烏冬,大大份,咁多個餐,這算是較抵呢! 54元正,很彈牙,總之好味啦!
個餐仲有茶碗蒸蛋,又係我摯愛,戰友都可以食架! 這一小碗=1份蛋白質啦! 又有10個好!
還有第二號佳麗,蕎麥麵,這個是$77,貴一點,但真是不錯,我記得上次在信洲吃的,也是差不多,份量較烏冬少。
最後這個算是超值,點解?記得上次在魚一丁吃過,那份好像是100元的,但這個只是20大元,仲要係好豆囉,可以話有10個豆......
有單為証,3個人就是440元多,外出聚舊,這個budget,差不多了。係喎!大家估唔估倒我食咗邊份呢?
今日揀咗蕎麥麵,原因好簡單,因為佢有抗氧化營養素蘆丁,你知啦!無端端生迷你瘡,都要D抗氧化營養素保下啫!
留言
wahhahahaha
;^D
不過好似..冇肉食...哈哈哈!
VANI