營養師黃凱詩的生活點滴

2010年4月1日星期四

是日要補血

話時話,有時真係要補吓!點補?補得尼仲要好食,喺邊度搵,深水埗囉!哈! 咖啡粉麵又有幾補呀?原因好簡單,就係因為這碗補湯米粉。豬潤牛肉米粉也。減肥都食得!

今日愚人節,你一定以為我講笑啦! 減肥都食得豬潤,相信大家都誤解咗好耐,豬潤其實並不高脂肪,二兩豬潤只有2克脂肪,同瘦肉差不多,佢只係膽固醇高啫,所以大家要分清楚,二兩即約8片豬潤,有177毫克膽固醇,所以間中食吓,無傷大雅,佢仲要好鬼高鐵質,二兩有9毫克,已經係一日建議量的一半喇,都唔知幾鬼補血。但這碗份量太多,我吃畢所有牛肉,只吃4片豬潤,但個豬潤水好鬼好味~
不過如果有痛風或高膽固醇的話,就少食喇!

10 則留言:

匿名 說...

多謝妳的好介紹,請問呢間舖頭喺邊條街,等我去試吓呢碗米粉,因為極需要補血及鐵質的食物。Thanks!

CL

Cynthia (黃凱詩) 說...

深水埗褔榮街62號,假日人多,應該要等~

匿名 說...

等我都去試下先

Virginia Lam 說...

我估佢的豬潤好食, 我未食過呀! 但食過煺蛋麵, 都係豬潤湯底, 有D怪囉.

匿名 說...

黃小姐:

請問邊種帶氧運動減磅減得最快呢?

心急人上

Cynthia (黃凱詩) 說...

做運動唔可以心急架...心急人!
但較劇烈的運動,可選壁球,但有高血壓就不建議了!
其實無論係跑步啦!kickboxing、健康舞都叫消耗量較高的帶氧運動囉!

Cynthia (黃凱詩) 說...

Miss lam:
我昨天都問過佢如果碗粉無豬潤,係咪用豬潤做湯底,佢話唔係,會用牛肉湯底架!

Starry 說...

早兩日發完燒仲咳緊勁多痰, 可以做咩運動(減肥)呢?

Cynthia (黃凱詩) 說...

病就休息吓!仲做運動?!而且咳就更加唔好做,越做會刺激氣管會越咳!

Starry 說...

o......今日仍舊勁咳,仲諗住星期一及二可以去跑下步添......希望呢個假期唔會因此而增磅啦.