營養師手記

昨天是父親節，看過今天的專欄，大家也知道我跟妹妹煮了一份愛心餐給他啦！而我兩隻愛貓，就獲得老板娘送的一對基圍蝦。 戰友成日讚我叻，點解可以煮咁多嘢！其實唔係我叻囉！只要你有心就行，因為煮東西給家人是很安全的，無論味道怎樣，他們都會話好食，所以都不妨試下。我第一次做包給我爸爸，硬如石頭，佢都竟然話好食，你就明白煮愛心餐給家人是零難度啦！ 今次就教大家做一個最簡單的香煎蟶子皇。 材料當然有蟶子皇啦！如果佢肉厚的話，你就在煮之前𠝹開兩刀，得佢平均地熟。我教大家這個是西洋日式煮法，講完大家就明白，當然先叫檔主劏咗蟶子先，回家再洗一次。 然後，用七味粉調味，怕辣就唔好加咁多，再落少少黑胡椒就可以。要手腳快，平時如果蒸，檔主會叫你蒸3分鐘好喇！不要過久，因為時間掌握與美味與否有莫大關係。 加完調味的樣子。 之後燒熱鑊，想香D用牛油，如果唔係加普通食油就可以，健康飲食呀！1茶匙好喇！ 首先煎肉那面1分鐘，然後反轉多煎1分鐘，就可以上碟，係咪好簡單呢！但真係要快手，我都係煮咗好多次先令佢口感控制得咁好。 製成品，有機會試下啦！

我曾經問過自己，講座...已經開咗近500場，都有好多朋友參加過，好不好暫停一會呢？ 那一日，在辦公室，撞到一位素未媒面的減磅戰友同我講：「多謝你，要不是你的講座，我不會的起心肝減肥，腳痛就不會好番，所以，你唔好放棄！」她，就像天使，在告訴我一個答案。然後，我又跟我的伯樂說出我的心事，她告訴我：「沒錯！聽過的人很多，但未接觸過的，一定更多，你仍看不到有很多人去買那些不實在的減肥產品嗎？不是仍有人說吃飯吃澱粉質會肥嗎？既然如此，何需執著於已有多少人聽過呢！就算聽過，不能溫故知新嗎？」 謝謝你！我明白了，所以內容改了一點點，講座仍會繼續，如果你們仍記起我，我肯定，還有多500場。 已經忘記了這四場是500幾場，但不要緊，你們來支持，就可以了，還可以幫我告訴你身邊的朋友，我相信，健康，人人也需要的。 免費講座﹣肚腩遠離我 18/6 (二 )  銅鑼灣中央圖書館地下 1 號活動室 19/6(三 )  佐敦柯士甸道童軍中心 1114 室 24/6(一）佐敦柯士甸道童軍中心 1114 室 27/6(四) 荃灣海盛路祈德尊新村商場 2 樓荃灣青年空間(荃灣西鐵A出口） 時間：晚上7：15﹣8：45 不用取票的，留位便可以 TEL： 28910920

我說過的，我完全記得。只是，剛工幹回來，太多的東西要處理，大家遲少少做甜品，我相信大家不會怪我的。 在專欄說過，無花果的營養，有很多很多，高纖是大家都要一試的原因，現在市面上見的，都是來自以色列的，遲一點，土耳奇的會送到。 我好喜愛嘗試不同的水果，你也可以一試，雖然佢其貌不揚，但希望大家都接受他。 愛做甜品的，就送上這個，沒錯，是我最新出版的甜品書，已在書局等住大家，叫《營養師甜品教室》，希望大家也喜愛。 有甚麼不明白，隨便問。