營養師手記

放工後，到附近超市逛，在雪櫃裡，看見一款從台灣來的黑珍珠菇，忍不住帶回家。今晚做甚麼菜呢？記起雪櫃裡有一塊雞 扒，好！就簡簡單單做個香煎雞 扒，將它放進素麵中，再灑上少許七味粉，我的Keep Fit晚餐，30分鐘就完成了。 做雞 扒是一道很簡單的菜式，要吃得健康，你先要將它去皮剪膏，有時候，我愛到露台摘下一棵迷 迭香，燒熱鑊，下不多於1/2茶匙的油，加入 迷 迭香，其香味已令你垂涎欲滴，最後放入 雞 扒，煎至金黃，即成。 迷 迭香跟雞肉是非常匹配的，你可以到超市買枝裝的，30多元一枝，當然，你也可以到大型超市的雪櫃，找到新鮮的，但價錢不便宜呢！最經濟的方法就像我一樣自己種，旺角花墟才是10多元一大盆，香草是十分易種的，放在室內也可以，只是有時候放在太陽照的地方讓他來一次光合作用。 那麼，素麵又是甚麼，它是日式麵條，熱量低又易煮，一大湯碗才是280卡，不用在日式超市找，普通惠康百佳也有出售。 真是很美味呢？你看大毛，牠一嗅到濃香的煎雞味就跑過來，可是，當牠知道雞肉晚餐是主人的就是個兇巴巴的樣子，牠的模樣是否似曾相識呢？

9月又來了。你們的肚腩，真的瘦了嗎？ 昨天，又是講座的日子，席間，我看見一張似曾相識的面孔，雖然，我可以肯定，面前的她該是我的舊戰友，但是我心想：「若果錯認人就真是要鑽進地洞裡！」所以，我們還是沒有相認。講座順利完成了，她上前跟我說：「記起我嗎？我就是10多年前，經常激得你兩面通紅的小妮子！現在呢！已經是別人的母親了，孩子已3歲。」我笑了，就像是老朋友相聚一樣，但令我安慰的是，眼前的她，完全不像曾生育的母親，我說：「很Fit啊！不用來減肚腩吧！」她笑說：「今天是來支持你的，也是來多謝你的，多年前的教導，我銘記於心。」你們成功減磅，我當然高興，但減肥的背後，我更希望你們健康愉快。 9月份，我在以下時間，再跟你們相聚，再談瘦身的故事。 費用全免呢！ 4/9（二）銅鑼灣中央圖書館地下一號活動室 5/9 （三)  佐敦柯士甸道童軍中心1030室 11/9 (二） 佐敦柯士甸道童軍中心1030室 19/9（三） 銅鑼灣中央圖書館地下一號活動室 時間：晚上7：15﹣8：45 22/9 （六）鰂魚涌百福道 21 號青年協會大廈 7 樓演講廳 （鰂魚涌地鐵站 C 出口） 下午2：15﹣3：45 要留座的，電話：2891 0920

價值＄500的遊戲獎品，有預校功能的麵包機 這個是什麼？如果我告訴你，買書有麵包機送，你會唔會好興奮呢？如果你聽到已經覺得興奮，就要留意以下的參加有獎遊戲方法。 1．你需要到香港各大書局，購買我本新作《瘦出滋味》 2．買完不是放在一邊，要熟讀，因為問題的答案全在書中找到 3．在Facebook LIKE 咗Nutsdiary 個PAGE, 你可以Click入下面個Badge，因為個遊戲需在Facebook進行的，你唔LIKE就玩唔到 但要留意，公正開係，所有尚營坊及經濟日報出版社的同事們是不能參加的。 遊戲日期待定，但應該是下星期或9月3日那個星期，因為我想知會否有多一點的禮物，日期決定後，會在Facebook通知大家。 個遊戲點玩呢？我會問大家幾條同我本新書有關的問題，大家要快而準地選出答案，提示：玩遊戲時，一定要有書在手的。 講住咁多先，留意住Facebook啦，仲有要LIKE咗先～ Cynthia Wong likes Nutsdiary Create your Like Badge

這是我今天的早餐... 個麵包似唔似一個好舒服的枕頭飽呢？其實，當佢一出爐嘅時候，我見到佢都好開心，因為這個真係我做過的最軟最彈牙亦都最滑的。 自從我話俾大家知我最近好鍾意自製麵包之後，好多戰友都問我點解我個包好似好軟，但佢哋也有麵包機都做唔到，問我係咪需要換我果部麵包機，我個人認為，係唔關個麵包機事架！問題真係個食譜、麵粉同最重要的酵母之配合。因為我用過同一個食譜、材料等去另一部麵包機試做，出來的結果差唔多，但係，我用過好多個牌子嘅麵粉同酵母，出來的結果就好不一樣，當然也試過做了一嚿石頭包啦！所以，我現在都是用日清的強力粉來做麵包的，而酵母呢！我會選用一些獨立包裝的，因為我試過用一大枝的，不知是不新鮮還是什麼原因，花了一整晚的心機，只換來一個石頭包，唉！浪費哂D麵粉，所以我覺得，酵母是十分重要的。如圖中的，是獨立包裝，一小包有約7克，通常用2次的。其實不一定要用這品牌的，是獨立包裝就可以。 麵包機方便之處，是可以將很複雜的做麵包工序簡化。你只需要將所有材料，一拼加入麵包機就可以，不用揉的，我說真的，很簡單，但當時也要時間，大約是3小時，就可以有新鮮麵包食。 好啦！介紹下這個適合keep fit 朋友吃的包，為何只適合keep fit人士呢？因為這個食譜的糖份發脂肪，均比上次介紹的，都多一點，所以，是較軟滑的，每片約有125Kcal，每片的脂肪約3克，當然，我做一磅的包是切了10片的。 如果你自己做過麵包，你應該知道，若果切麵包切得唔好，會好失望，所以我找了很久，終於俾我搵到一把價廉物美的麵包刀，就是圖中那一把，是一把日本製的麵包刀，只是108元，牌子是NIKKEN，你可以去上海街，近油麻地港鐵站，陳枝記刀莊，問一問老板，他就會介紹給你了。 真係切得好靚架，好似街外買的。 有新鮮麵包的早餐，就是美好的開始呢！ 好啦！麵包機食譜在此～ 250克日清強力麵粉 140克清水 25克糖 25克牛油 25克雞蛋 3克鹽 3克酵母 試完之後，話我知你成功與否啦！

今個星期六，又有港島區週六的講座了。 如果你或身邊的朋友，仲要減肚腩的話，歡迎你加入我們的減肚腩兵團。 時期間是，本週六2:15-3:45PM，想參加的話，就打電話留位，2891 0920。 地點係鰂魚涌百福道21號青年協會大廈7樓演講廳 （鰂魚涌地鐵站C出口）。 當然，8月份還有佐敦及尖沙咀的講座。而8/8及14/4的已滿額了。多謝! 22/8（三）佐敦柯士甸道童軍中心1030室 29/8（三）銅鑼灣中央圖書館地下1號活動室 留座熱線；2891 0920

張相係咪好有深 夜 食堂Feel呢？這是我在東京新宿必到的串燒店，買咗我本新書《瘦出滋味》的讀者應該見過，由於我收到不少電郵查詢它的確實地址，所以，我決定在我的旅遊百寶盒尋回這張卡片，你們放大佢就應該知道點去，我通常去本店的。即是卡片中的1號店。 寫這篇Blog的主要原因是，有很多打算8月暑假到日本旅行的讀者問我攞上一次的行程，所以，我見今日終於有時間，就放上來，希望你哋都用得著。 開始講之前，想介紹一D著數優惠給大家，因為好多自遊行的朋友都唔知道有如此筍的交通優惠，幫大家省回一點旅費嘛！ 西瓜卡（Suica)＋成田機場快線優惠(Nex) 這是什麼呢？就是一個套票，包你一張西瓜卡（裡面有2000Yen面值的)及一張由成田機場到新宿的機場快線車票一張（原先買一張要3110Yen的)，但現在一拼買只是3500Yen，係咪超值呢！唔講咁多喇，有中文網頁，自己睇，張套票在成田機場就有得賣喇！ http://www.jreast.co.jp/tc/suica-nex/index.html#category04 便利店宵 夜推介 我都會叫你食 宵 夜係咪有少少奇怪呢？但這個，真係要試，實在太香綠茶味，最重要係，我記得佢係唔知低糖定低脂囉。唔緊要啦！平日D雪糕咁肥，其中一樣低咗都好吖～不過最重要係，都真係好好食。 七月個日本行程，最重要嘅旅行景點，當然係剛開業不久的Tokyo Sky Tree啦！ 但當時佢剛開業，太多人，一定要網上預約，雖然係要俾多D錢，但一去到等咗一陣就上到去，都唔錯，不過7月11日之後，就有即日的門票出售，不過，因為太多人，如果唔預約，唔知會唔會等好耐。 www.tokyo-skytree.jp 交通：www.tokyo-skytree.jp/access 這個地方值得去嗎？我認為，可以去一次，雖然我還是較喜歡東京鐵塔，但是在這個地方望下去的感覺，跟東京鐵塔是很不同的，因為，晴空塔在一大片矮小平房之中聳立，所以，望下去，你會覺得自己踏進了小人國一樣，而且當日我在這裡等日落時，你會發現，原來我們都是很渺小的，不要將什麼事情也看得太重，那一刻，有一種很奇怪放鬆的心情，有時間的話，來這裡，我深信，你也有相同的感覺。 晴空塔有兩個觀景台的，我也跑到最高層。我

 近幾個月都很喜歡做麵包，其中一個原因，當然是因為搬屋之後就多咗這個成員，若果唔用吓佢，好似對唔住個麵包機咁，所以，我屋企就每晚都變咗深 夜食堂咁，這個食堂是沒有餐牌的，但若果我有材料又懂得做的話，我都會為你做的～～ 就係咁，屋企人、朋友、同事的麵包，都由我...個麵包機一手包辦。 我的早餐：濃香咖啡＋白葡萄麥包 另一個自己做包的原因係，話說個多月前，我去咗日本旅行，但旅行前，竟然無將之前在超市買的麵包吃光，餘下一片，但奇怪嘅係，果塊神奇麵包，在10天之後，竟然一點點發霉也沒有，麵包加了什麼，我相信大家都好清楚。 不過，大家又唔好咁驚住，我並不是否定哂防腐劑的存在價值，畢竟，如果無咗佢，所有食物都會好快壞，咁除 非大家都歸園田居，否則咩都無得你食，但係，又係咪真係要落咁多呢？？所以，對於某些食物，我又可以得閒自己做吓，我都會盡力令吃進肚的，健康營養一點，這是我對食物的一絲絲要 求。但有時候，沒時間自己做的話，就當同自己防腐一下，咩都要平衡一下嘛。 除咗我，而家都好多人鍾意做麵包，但我就從好多朋友呀、戰友呀果度發現，好些人以為自己做麵包就一定健康，便忽略咗好多東西。例如好似我今日在專欄所講，千奇唔好狂加油，有D麵包機的食譜，會教大家做極軟滑麵包，但做一磅麵包當中，竟然要加成35克的脂肪，係，咁係好香好滑，但如果你將一磅麵包切8片，即是每一片有4.3克脂肪，咪太肥囉！如果你又要落合桃又要加芝麻的話，就油上加油。 自己做的白葡萄全麥包 當然，仲要小心你嘅進食份量，因為自己做包，如果你控制酵母控制得唔好，佢發酵不足會變得好實密度好高，但係你見倒佢咁細塊就以為可以食多D食多D，咁就真係肥多D架喇！所以，你必須知道麵粉的換算方法，即是你個食譜每做一片包，的熱量及碳水化合物有幾多。  講到這一步，要詳細講會好複離，我就試下用個簡單D嘅方法令大家容易理解。 20克麵粉＝1份五穀類食物，所以250克的麵粉做出來的包，就有12.5份，如果個包切8片，就即是每塊提供1份半的五穀類食物啦！ 咁一個成年人，一餐又應該食幾多份五穀呢？女的大約3﹣4份，男的就4﹣6份，但當然個別人仕需要係要視乎體重身高及飲食習慣的，如果你有營養師幫你減緊肥，佢就應該有個餐單俾你，你聽佢話，就可以了。 爸爸話要食合桃同提子包，咁我就加哂