營養師手記

我知道今天有很多朋友也抽不了時間來參加，所以今晚就給你們看少少花絮吧！ 佢哋三個等咩？就是等大家帶他們回家。 仲未開始之前，當然要影張相留念先啦！畢竟都是第一次同媒氣中心合作。第一次的感覺也真不錯，工作人員又合作，而且環境又一流，好啦！下次新書發佈會，約定大家來這裡，其實都唔駛等好耐，5月前應該完成，甜品食譜下集呀！ 你哋自己睇下喇！環境真係唔錯架！以前以為D大廚先可以來這裡做烹飪示範，點知我們這些A貨廚師都有得參加。 其實100元都真係好抵架！特別係這兩位幸運兒，由於我哋想俾個驚喜大家，所以仲邀請兩位朋友學完之後即刻做！一個示範班仲有機會親手做，仲唔係超值。 佢仲犀利，在烹飪比賽勝出，仲意外地有禮物。 不過咁，我相信所有朋友都好投入同高興，正如我今日同大家講，如果用一個下午加上100元，令大家明白到健康飲食唔係淡而無味，而且仲食得飽，我相信這些信息都係無價的。這亦係我多年來，雖然一個人做7份工，都無有想過放棄的原因。 今天話過放回這個很好味的煙火腿在網誌，你們可以在CCsuper買到這個的，特別好味架！我哋試過好多款得出的結果，用來煮今天那個意粉，超讚。  示範班在宣傳大人及編輯大人安排下完成了。三位作者都影張相留念啦！  我相信今年仲有好多精彩節目，密切留意啦！仲有呀仲有呀！我真係好多謝每一次我嘅活動都會出現的番薯朋友，我是知道的，還有一些多年沒見的戰友，見到你們也來支持，很感動。

  今天在專欄說過的無糖糖漿就是這一款了。跟這個小班戟是十分合拍的一對呢~   要找它也不是太困難吧!就在CCsuper的貨架上。

  原來，好快又3月了，而講咗一年嘅講座又要攪攪少少新意思，所以這個《我要減肚腩》講座就到咗倒數階段，如果仲有減磅戰友想報名，就把握最後7場嘅機會，睇下時間方便與否，就打個電話來報名了。講座設於4個不同的地方，   20/3 （三）佐敦柯士甸道童軍中心 1114 室 晚上7:15-8:45 21/3 （四）銅鑼灣中央圖書館地下 1 號活動室 晚上7:15-8:45 25/3 ( 一 ) 佐敦柯士甸道童軍中心 1114 室 晚上7:15-8:45   3/4 (三) 鰂魚涌百福道21 號青年協會大廈 7 樓演講廳（鰂魚涌地鐵站 C 出口） 晚上7:15-8:45 6/4(六)荃灣海盛路祈德尊新村商場2 樓荃灣青年空間（荃灣西鐡 A 出口） 下午2:15-3:45 8/4(一) 銅鑼灣中央圖書館地下 1 號活動室 晚上7:15-8:45 11/4 (四 ) 佐敦柯士甸道童軍中心 1114 室 晚上7:15-8:45 記住報名啦! 2891 0920

很多戰友也因為日圓回落，想去東京旅行，向我查詢一些東京旅行的資料。好啦！見今日有少少時間，就同大家介紹一D正嘢！ 就係這張關東地區地區通了（JR Kanto Area Pass）， 佢真係好抵用，可以連續用3天，只係8000日圓，最重要係連新幹線都搭得，平時搭一次新幹線都好貴架。唔駛係香港買，東京站又買得，新宿都有，不過JR嘅人對張TICKET好似唔係太熟，所以我建議大家SAVE咗個樣，俾佢哋睇就會容易D。詳情去個中文網頁睇啦！ http://www.jreast.co.jp/tc/kantoareapass/index.html 我年初的時候，就是用這張關東通去咗好多地方。知否這是那裡呢？就是我很喜歡的湘南海岸，看真一點，遠處還有富士山。 那天藍天白雲，很美，只可惜當時的我，心情剛好跟天色是相反的。 除了用張PASS去湘南海岸外，我就係搭咗佢去輕 井澤。 到咗個站之後，就搭巴士去咗這個小瀑布。距離車站約35分鐘的車程。  一直都想在東京找一間好像深 夜食堂的地方。在原宿街頭，算是找到了， 吃了一份我最愛的餃子。你們知道否，其實煎餃子是可以不需用油的，放心，一定教大家。

哈！我係咪好似一個產品介紹員呢？其實事緣係我昨天應Panasonic的邀請，幫他們主持了一個麵包機的製作班。這些參加者都是幸運兒來的，因為佢哋好似要答咗一D問題，再由幾千個參加者中再選出來的，你話係咪好幸運呢！ 昨天我們一同用Panasonic個麵包機，做咗好多款食物架！除咗主題嘅提子合桃方包之外，仲有我親手教大家做的合桃小圓包，當然仲有大家宜家見到嘅薄餅。這個做薄餅活動其實係一個比賽。因為佢哋要用我準備好的材料做一個又健康又低卡嘅pizza。係咪好想知我準備了甚麼材料呢？ 好古惑嘅我，除咗準備咗好有營養的選擇之外，仲有牛油果、香腸同茄汁。同我預料一樣，好多朋友都中咗我嘅圈套，特別係好多朋友都放咗牛油果入去。不過唔緊要啦！最重要係學做麵包之餘，都學到少少營養知識。 大家見到自己的製成品都好開心，有些組別更一口氣食哂成個Pizza。  佢哋咁開心，一睇就知係最有營的優勝隊伍啦！ 我相信除咗佢哋之外，大家都玩咗一個好開心嘅周六下午。 我當然還要多謝Panasonic 及晴報嘅邀請啦！仲有Panasonic 送俾我嘅麵包機。  其實，自從大家知道我有部麵包機之後都經常問我，覺得邊部機好D。我當時同大家講，我真係答唔到，因為我只得一部象印，無得比較。但係自從阿P仔也來到我家之後，我就同佢做咗個大測試。首先，對於香港人來說，佢嘅大細當然重要，這張相，大家也很清楚答案啦！ 我個人係天秤座，所以我好公平的，我就用同一組合的材料，分別用兩部機做，同樣是用快 速功能，P仔用了2小時，相反象仔就用了3小時。 下面幅相顯示，分別用兩部機做出的麵包。你知唔知佢哋分別係邊部機的產品呢？ 左手面：Panasonic 的 右手面：象印的 你問我點解體積上有咁大分別，主要原因相信係部麵包機的裝置不同所致。那大概是P仔獨特的盛酵母容量影響發酵程度吧！所以口感上P仔的會較軟身，而象仔的就較結實。那片好吃，我覺得很個人的，因為我愛軟身的，但我同時將兩片包給黃爸爸吃，他就愛結實的。我相個情況如同有人愛吃較硬的米飯，有人愛軟一樣。 不過，當然我們著重的，仍然是食物的健康程度，不能否認，自家製的，如果緊慎地選擇材料，一定是較健康的，但如果在外買麵包，只要多看營養