營養師手記

『好掛住D薯片呀！』這是你的心聲嗎？ 『唔緊要啦！食少D，個臉D瘡瘡都生少D！』我知道Jenny貪靚，這樣說她會更樂意戒口。 但對於某些需要減肥達4個月以上的戰友，我會比較『仁慈』，介紹D比較低脂的零食止下心癮，今次要介紹的減磅伴侶，是薯片家族，但由於她超級受歡迎，經常斷市，仲要係M&S的產品，所以售賣點較少，一包可換算為一份五穀，但是薯片加有鹽份，一星期1包過下癒就無妨，但天天如是就不建議了，特別是血壓高的朋友呀！

很多讀者話好掛住我D貓咪，所以今日打算同各位見下面，講下近況： 不如搵呀『細細』，即Milo仔同大家傾下先啦！ Milo語錄： 哥哥姐姐大家好，我叫Milo，就快半歲，同主人一齊已經三個幾月，我仲有個阿哥，佢其實好鍚我，我成日食佢D食物都唔鬧我，我不知幾幸福，但係，主人就有D惡，成日鬧我D大小便處理得唔好，仲成日話我肥，佢昨天捉我上磅，發現我有8.5磅之後，佢就唔準我再食零食喇！嗚嗚...Moo moo有得食，我就唔準食，好唔公平呀！ Moo仔語錄： 好開心呀！主人話我乖咗，因為我無再咬佢。其實自從屋企多咗隻頑皮Milo後，我成日同佢玩，都唔得閒理主人，不過有時見佢放工返尼好似好悶咁，咪同佢玩下囉。話時話，主人話我keep fit好成功，而家10磅，無再重，鬼咩！俾隻細細食埋我d嘢，都無佢咁好氣呀！ 好眼瞓呀！bye...

光陰似『炮彈』真的沒錯，去年經濟日報出版社為我出版了第三部書，轉眼已一年了，今年書展，我的新作......唉！慢工出細貨...等下啦！ 在新作未完成之際，相信有D朋友仲未支持我本《以營補營》，今次有個大好機會補購，你只要下載這個Coupon，就可以當$5用喇！買其他書都得，但當然要ET Press的好書啦！

係咪好心急想知道D米餅嘅健康食用份量呢？ 原來這種米餅有好多種味，個人認為紫菜味及原味最好食，根據包裝紙上的資料顯示，10片=一份五穀類食物的份量，不失為口痕的良伴，但係長氣都要提多一次，雖然貴為低脂食物，多吃同樣會致肥！仲有，千萬不要肚空空的時候去逛超市，因為你隨時會控制不住，越買越多！

好開心呀！剛才趕完稿又寫完Blog，見D客又未放工上公司『探』我，咪諗住去Sogo逛下，睇下有咩新品上市，點知俾我搵到佢哋成個家族--野菜生活... 所以打算續個成員介紹下囉！ 都於減磅朋友而言，橙色及綠色這兩種較適合，因她們的糖分較低，我最愛的紫色野菜汁，一個月，我只會飲一兩次，因為這類蔬果，糖分較高啊！ 另外，今次的戰利品，還有米餅，明天再介紹！

多次在專欄中透露，我經常到日本掃貨，讀者經常好奇問：『究竟有什麼掃呢？』 老實講，都真係幾多嘢，每一次，D行李都會超磅，月頭那一次，都有24kg，肯好我愛搭乘早上的航機回港，這些航班，主要是日本人，所以他們到香港的行李會較少，因此航空公司從未要求額外付款。 係咪好奇怪呢？點解會超磅，事緣除了靚衫外，還有我到超市掃貨的戰利品，戰利品中，少不了他，他便是我的摯愛，野菜汁... 其實這種野菜汁，年多前已在citysuper及一些日式百貸，已成功上架，可是零售點較少，有點不便，點知，前天走入OK時，他竟在我眼前掠過，太好了，要是沒有蔬果的日子，他是我最佳伴侶。 正在瘦身的朋友，要是找不到蔬菜的話，可以一份蔬菜及一份生果取代吧！但切記，新鮮蔬果必定是你的首選，他只能當作你的『二奶』吧！ 這裡有詳細資料： http://www.itoen.co.jp/yasai/lineup/product01.html 其實，我更愛另一種品牌的蔬果汁，但香港更鮮有得賣吧！有緣到日本的便利店走走的話，不妨帶她到酒店嘗一口，你必定愛上她，紫色蔬果那種味道，是我的最最最......愛。 這是她們的網頁介紹： http://www.kagome.co.jp/ys100/index.html

今期介紹減磅美食好去處，今日的主角是泰國菜。 這估下我揀了什麼呢？我每個月，總忍不住到這家店，選我最愛的生蝦刺身，一客有8隻，兩位朋友一同分享，再加上一碗扎肉湯粉絲，剛好合乎我的晚餐要求，這天真的十分滿足啊！睇下這兩張照片，是否很吸引呢？ 間店舖叫真心泰國菜館，地址在旺角通菜街16號地下。