營養師手記

若果大家錯過咗2011年的低卡甜品班，今次就要快手報名了。 為咗大家喺情人節來臨之前，可以學做吓甜品，送俾你的另一半，我們今次準備了兩款都很受歡迎的甜品同大家一齊整，佢就係布朗尼同法式焦糖燉蛋。 佢未入焗爐前的樣子就係咁喇！這個是我在新年假期時做的。 放入小盒子裡，送給朋友，感覺很暖呢！新年時，我就親手做了一底送給我的鄰居。放入小袋子也不錯呢！ 還有，你可以第一次揸槍，唔好誤會，係火槍，去做法式焦糖布甸添... 想學，好簡單啫！已經開始報名了。今次為咗滿足大家，開三班。 情人節甜品示範班 (做完就可以一齊食啦~) 上課地點：銅鑼灣尚營坊分店--銅鑼灣謝斐道482號信諾環球保險中心1201室(港鐵銅鑼灣站C出口步行一分鐘即達) A) 8/2(Wed) 7-8:30 PM B) 11/2 (Sat) 1-2:30 PM C) 11/2 (Sat) 3-4:30 PM 費用：每人$100 報名請電2992 0148留位，一個工作天內到尚營坊仼何一間分店以現金繳交學費即可。

我相信，以上這個配搭，都係所有香港人這幾天的應節早餐。左邊是我一年只會吃一次的步步高陞年糕，右面是一連四季都是我摯愛的蘿蔔糕。早兩年，我都會自家製的，今年新年前太忙了，抽不了時間自家製，唯有拜 託各大食店的大廚了 ...但是那就出事了（哈哈！請留意1月30日之am730專欄看下回分解） 所以，這幾天都是一杯咖啡，然後就是糕糕糕及糕。 今天，我還攪攪新意思，用春卷皮包著年糕去煎，是很好別很特別的，那口感就是外脆內軟，一流，這樣吃還有一個好處，感覺沒那麼甜，最適合我這些不太愛甜的人。但聽清楚喎，是感覺無咁甜，但唔係唔甜。不過老老實實，這8年來我都是吃這個華麗園年糕的，由＄70一個食到現在的＄90，我真係覺得佢用少咗糖架，都好吖！迎合潮流有進步。 今個年初一，我同細妹仲親自下廚煮新春大餐俾爸媽食，不過由於年初一的街市只是有限選擇，好快手之下，就買了很簡單的菜式，知唔知我煮咩呢？ 好玩下找不同的遊戲先，你一定會見到鮑魚啦！新年都要有D意頭菜的，包羅萬有嘛！仲有咩？幾件燒肉囉！這兩種不用煮呢！減輕廚房唔少壓力架。 雖然已經係年初三，都要同營養師手記的番薯們拜個年。搵大細毛出嚟先！佢好緊張架，睇下佢隻耳仔就知啦！貓咪隻耳仔表達咗好多嘢架，睇下萬寧貓就知啦！ 佢哋咁乖，我肯定佢哋一定會幫我搵高山雪蓮啫！好啦！就祝大家早日尋找到可以幫自己搵高山雪蓮嘅人、貓或者狗仔啦！不過咁，我肯定每一個人身邊一定有兩個人一早就願意幫你哋搵高山雪蓮呢！祝天下間的父母親都身體健康。

食完咸點，當然輪到甜品出場啦~所以營養師的500卡瘦身餐之後，送給大家的，是營養師的200卡甜品。 經過千多次的修改後，這本書營養師的200卡甜品終於可以在情人節前同大家見面了。設計師Yona妹妹同編輯Ivy大人，終於可以輕鬆多了! (哈哈!我好明白對住我哋，其實你哋真係幾唔好彩~要求多多又麻煩:)所以我知你哋辛苦，所以先自動送上門去出版社幫手對稿啫!有相為證，好專心架!) 修改中的稿件... 這就是她的真身，有咪好想擁有呢?不過仲要等多兩星期... 幾時可以同大家見面呢?早前在面子簿都預告過，2月4日(星期六)會在新書發布會率先同大家見面，其實地方，即係我公司同書局都再要多等幾日。 今次這個新書發布會嘅形式會同之前有D分別，會同時係一個甜品示範製作班，咁大家買新書之餘，我哋仲可以一齊食，一齊分享下做甜品嘅樂趣。 怕大家睇唔清楚Poster中的資料，寫多次... 日期：2月4日(星期六) 時間：3-4:30pm 地點：Cafe 21-北角百福道21號香港青年協會大廈地下(港鐵鰂魚涌站C出口-右轉即達) 費用：每位$118 (費用包括活動入場劵及營養師的200卡甜品乙本) 點報名，好簡單click下面的報名表，print 出來，填好再fax到2516 9989，成功登記者，會收到郵寄之確認通知書，就可以參加，如果都係唔明，打去2880 2444查詢啦~ 我從來都想用不同的方法，令大家真係可以輕鬆減磅，所以才決定出版這一部著作，因為我明白大家都愛甜品嘛~係咪好體貼呢?但當然還是要多謝另外兩位作者，這本書才可以順利出版。到時見。

任何人的工作中，總包括喜與憂，我慶幸沿途上，總有讀者、戰友、工作伙伴及家人為我打氣。在2012年的開始，要感謝LISA味道的邀請，跟我做了一個很詳盡的訪問，還有一位很盡責的記者朋友，為了這個訪問，她竟然把我的書籍及網誌也看過，還能清楚說出內容，感謝你。 訪問刊於1月5日出版之LISA味道

終於俾我搵到一個又靚又方便嘅廚房，可以同大家一齊煮飯仔喇~係咪有D興奮呢？你無睇錯，今次真係一齊煮，因為係一人一爐嘅~煮完仲可以帶返屋企食。 講咗詳細資料先講無聊嘢~ 親手做營養師的500卡瘦身餐(第一課) 日期：2012年1月18日(星期三) 時間：晚上7:30-9:00 菜式：白汁香草藍青口煮蜆殼粉及鮮蝦荷葉飯(一人一爐自己親手做) 上課地點：九龍尖沙咀河內道18號 K11, 2/F, Shop 221 （尖沙咀港鐵站 D2 出口） Easy123 Cooking Studio 費用：$320 (11/1 前早報名優惠$ 290)歡迎任何人參加- 只收現金 報名辦法：6/1, 4PM 開始接受電話留位，報名後1個工作天內到尚營坊任何一間分店交費即可。留位電話：2992 0148 一號500卡美食-白汁香草藍青口煮蜆殼粉 二號500卡美食-鮮蝦荷葉飯 這就是你們的實習場地-EASY 123 COOKING STUDIO 今次會請到煮神Thomas任教的，本來都好想做佢助手，但原來我果日要教書，唯有下次啦~ 你哋見到啦！坐唔到好多人，買咗食譜又唔知點煮，又或者未買食譜但想試下先的話，就唔好錯過喇！

新一年開始之前，總是會讓自己來一個回顧與展望。 我會用多姿多采，充滿看顧與感恩去形容我的2011。這一年，個人來說，是充滿挑戰的，除了首次為香港寬頻拍攝了一輯六集的健康飲食節目《揀飲擇食》節目外，還參加了一個我從來沒想過自己會參加的am730盛女的約定。哈哈！現在想起來也蠻攪笑呢！ 但是最令我難忘的，是我另外兩個仔仔的誕生，《瘦身可餐》及《營養師的500卡瘦身餐》，雖然孕育的過程真是十級辛苦，但總算順產也十分安慰，而成績是我喜出望外的。 我亦不會忘記的，是尚營坊之第三分店亦於6月成立了，老實說，他懷胎3個月的準備期中，我的參乎性不太高，因為我明白有些事，我是時候學會放手的，同時間我也樂於看到同事們的成長，這一年的成績，她們的努力也應記一功呢！ 有人說，2012是世界末日，但是對於任何一個人而言，你確實不知道自己的盡頭在那裡，所以，如期要去怕，倒不如學會珍惜現在所擁有的，努力工作，愛惜每一位在你身邊走過的人，那麼，你的一生已經是無悔的。 讓我們懷著感恩的心去迎接2012，向著更精彩的2012出發。共勉之。

我知道好些朋友會在這三天的假期開派對，為了令大家吃得開心又健康，就等我同大家分享吓我喺聖誕假期開的其中一個派對的美食點子。 先準備這一籃子的食物，其實，為一班朋友準備食物，最困難的，就是在短時間內準備好大量食物，有時候，就算廚師是多麼棒，廚房也會吃不消，所以一些簡單即食食材是少不了的。魚生、壽司及海鮮是少不了的，畢竟，海鮮只需清蒸白烚，乾淨俐落...掂~ 由於我準備食物，也要考慮均衡程度，所以今天我選了這個形狀新鮮的通粉，用來放進藍青口裡煮。 但煮食，也要時間呢！所以一定要準備小食塞住D大胃王把口，今次找來這個好像美味米的芝士條，大家也讚不絕口。 1杯大約是1份五穀半份脂肪吧！在CCSuper買的。 廚師煮菜，是需要集中精神的，唔好嘈我~~而且一個人是要照顧多個爐頭的。 好介紹這個吧！我好愛的白汁香草藍青口配蘑菇通粉 (recipe 26-pg 67詳細製作方法可參考 《營養師的500卡瘦身餐》用脫脂奶及低脂忌廉做汁煮好藍青口，記住唔好買錯，藍青口好味得多。 但我改良了食譜，加了蘑菇，如果唔係點似我煮呢~ 完成...弊!唔記得影通粉添... 好喇! 準備好沙律，都要有少許肉類陪下個沙律，好簡單咁用咗Rosemary做咗雞排之調味，即是食譜那個露絲瑪莉雞排recipe 14-pg43。 還有做法很簡單的牛柳粒，切成小粒後，一邊煎再加入海鹽，加了百里香拌碟，簡單之極。 很多朋友準備派對食物時，會忽略了五穀類食物的，這個蒜香香草法包，是一個好提議吧！ 還有這個法國小薯仔，烚好才拿去焗，也不錯。 是日甜品，營養師的派對，這樣就完滿了。 大合照，整晚最不健康的，該是那碟西班牙火腿，但管他吧！反正整餐也只用了不多於5茶匙油呢！ 希望新一年，大家也健康健康，開心平安。