營養師手記

雖然我不是一個「星星迷」，但是見大家也看得興奮又陶醉於女主角的炸雞，所以就不如教下大家做一個無油炸雞。 無油炸五香脆雞（1人份量＝250Kcal） 材料： 雞柳／雞脾肉 麵包糠2湯匙 雞蛋1/2隻 調味料： 五香淮鹽1/2茶匙 豉油1茶匙 煮食油一茶匙 胡椒粉少許 七味粉少許 做法： 1．雞件切成一口大小。 2．放入調味料，伴勻。 3．燒熱鑊，加油，將雞件煎至七成熟。 4．打勻雞蛋。 5．將麵包糠放到平碟上。 6．雞隻沾上蛋汁，然後放進麵包糠上。 7．將焗爐預熱至180度，把焗15分鐘至香口。 8．進食時可加入七味粉。 這裡已是一個成年人一份晚餐的肉類份量了，不要吃太多啊！

績今日10/2之專欄...為咗我自己的性命安全，我今日去清水寺的時候，就買咗個交通安全的御守給Bonnie。（唔明就睇10/2的am730啦！） 當然，為了令佢明白到減肥係唔可以唔食早餐。我就編咗個1500卡路里的新年症後群的餐單俾佢。希望佢可以瘦多幾磅，俾大家參考下。 早餐：1份奶類＋3份五穀＋1份肉＋1份脂肪 午餐：3份五穀＋2份肉＋1份菜＋1份生果＋1份脂肪 晚餐：3份五穀＋2份肉＋1份菜＋1份生果＋1份脂肪 如果早餐同晚餐在家吃，中午外膳，就好似下面咁食。 早餐：2片大片包＋1片火腿＋1片低脂芝士＋1茶匙植物牛油 午餐：1碗鮮牛肉湯米粉＋1碟菜芯＋1個奇異果 晚餐：1碗飯＋6隻鮮蝦＋2隻蛋﹣做蝦仁炒蛋＋清炒西蘭花1個＋1個蘋果 俾大家參考下啦！但Bonnie係130磅，5尺4吋而健康正常的女士，要記住餐單其實要度身訂造架，如果唔係肥咗就大鑊啦！希望大家喜歡今天的文章，下星期再見。

大家好，我就係小米路，今日喺am730嘅主角咪係我囉！你哋睇真D啦！其實我都唔算好肥啫，好似話英國有一隻肥過我成倍啦，哼！等我學返兩part舞再跟萬寧貓跳下應該D肌肉會收緊D。 咁樣影又好似瘦D，下次記住同我影相要2：8面呀～ 佢咪就係我主人囉！係呀～營養師嚟傢，不過攪唔掂我D肥膏呢！ 不過咁，佢真係好錫我，雖然有時會用我可愛嘅相幫佢promo下D新書囉！ 除咗主人，我仲有個阿哥，樓下大眼仔就係佢，係呀！邊個話大隻D一定係阿哥傢，我係佢細佬。 你哋一定以為我哋好Friend, 其實這兩張相係我哋鮮有的合照，平日我哋只會係放飯時間先一齊，如果唔係，就應該係打交。 有相為證架。佢知我太肥跳唔到上去咪自己走入衣櫃囉～ 我都識嬲架...不過大部份時間都係... 一隻好多人錫，好可愛嘅肥貓。  其實今日主人喺專欄都無話錯我嘅！我真係好鍾意瞓覺同食。 公仔又可以陪我瞓...下面果個咪主人個枕頭囉！好香，好鍾意主人嘅嘢！ 這隻貓係主人買來陪我的，因為佢要返工，佢話驚我悶。  但係我真係鍾意同主人一齊多D，所以我會座住佢張櫈，等佢留意到我。 但有時佢又真係好忙，都返咗屋企啦！仲做咩鑊，所以坐住佢D嘢係我嘅強項。 仲有呀！最唔鍾意佢成日寫稿，一開始寫我就無得玩喇！ 雖然係咁，我每天都守護住主人同這個家，等佢放工返嚟！因為主人講過無論佢平日點忙點辛苦，見到我佢就開心返喇！好嘢！主人返尼喇～我會喺門口迎接佢架！ 俾多兩張肉照大家睇啦！佢叫Baby Milo, 咪即係小時候的我囉！我現在4歲仔仲有幾日就5歲喇！係咪愈大愈可愛呢！  這是4個月的我，其實我一出世就咁大隻架喇，無辦法啦！  想成日見到我可以去我主人個Facebook 架,多謝！ www.facebook.com/hiwongcc