Moo Moo 語錄
星期一早上9點
喵喵！主人，今日咁早就返工喇！
你囉住個袋去邊呀？點解帶走Milo呀？唔好啦！雖然我平日成日蝦佢，但係我其實好錫佢，嗚嗚...
唉！今日好悶呀！得番我一個，平時都有Milo同我玩，Milo平日好鐘意坐係廚房，所以我行去廚房等佢，但係等咗一日，都唔見佢，佢係咪嬲咗我呢！佢係咪離家出走！
星期一晚上8點
我有無眼花呀！點解個袋有D嘢郁！原來係Milo，你返尼喇，你去咗邊呀？點解有d醫院味嘅！你唔舒服呀？咪住，等我睇清楚d，原來主人帶咗你去靚仔醫生診所做絕育手術，嚇死我喇，仲以為以後無人同我玩！
喂！做咩唔出聲呀！你仲痛定唔開心呀！其實都正常嘅，有d唔開心，但只要你諗吓，主人咁做，都係想減低我哋d病，佢都係為我哋好。
你休息吓，明天就無事喇！
留言