這是牛奶機，仲要係枝裝的牛奶販賣機，值得一試！經常有朋友問：『D牛奶脫脂與否，有多大影響呢？』
簡單來說，減肥前同減肥後囉，未減肥嘅牛奶，每杯250毫升的，已含有8g脂肪，即有72kcal都來自脂肪，佔整杯熱量的47%，而且這種脂肪含高飽和脂肪，所以還是選成功減肥的脫脂奶好！1杯250毫升的脫脂奶，約有0.2-0.4g脂肪，熱量只有80卡，所以還是脫脂的好。
話時話，上次日本伊豆之旅影咗好多得意相，同大家分享啦！
為了試下操作，我買咗一枝... ...yummy!
今次，我終於明白咩叫選擇障礙... 一個星期前，我同大家玩咗個心理測驗，問大家生日嘅時候會揀咩餅?身邊的朋友都異口同聲話，原來都唔知點揀好。我都好明白，有時無得揀又唔高興，但當有得揀就仲煩，但當選擇多到成100種嘅時候，更加唔知點算?! 有睇我個Blog嘅朋友應該知道，一個月前，我係日本睇中咗一部單鏡反光機，但最後都無買，番到香港，d戰友紛紛問我，吓?!無買呀!做咩唔買呀!個相機咁cute!!唉!你哋真係好鬼衰，明明好辛苦先放棄咗，而家又攪到我囉囉孿! 好彩!我有個好好好好人嘅戰友係日本啫，仲咁啱有個friend月尾會去日本，哩d係咪叫緣份呢!但第二個問題又難到我，成100種配搭，我而家有好嚴重嘅選擇障礙，點攪呢! 個網頁好好玩，幫你襯色慢慢揀，幫下手啦! www.camera-pentax.jp/k-x/#/simulator/120101
留言
很想請教你...因為我很喜歡食吉野家...
很想知吉野家(大牛肉飯)及鰻魚拼牛肉飯肥嗎?
多少卡路里?
thankss~
Yen
我想問下我而家0係尚營坊減緊肥，但同時間我的黑眼圈超深，想去睇中醫醫一下，咁會唔會影響到我0既減肥進度嫁???
thank you so much~
Siu ming
吉野家d食物又幾抵，真係好吸引，但問題係，d肥牛肉好肥，如果將肥膏剪斷，恐怕只剩餘1/2囉!另外，那個鰻魚真係超肥啦！有無食過蒸鱔呢？蒸完有超多油係面，你就知有幾肥啦！下午茶有個海鮮湯烏冬，熱量低好多。
Cynthia
一般中藥只有藥材，只要不加糖，是可以的，但建議你告知負責的營養師!
但黑眼圈形成的原因，與睡覺不足有莫大關係，而且加速眼部血液循環也不錯呀！
真能趕走黑眼圈的話，告知我啦！因為我都係國寶...
Cynthia
e.....同類~hahaha
多謝你0既解答呀^^
有好野當然會預埋你啦~等我呀!!
Siu ming
但我想問點解脫脂奶會有糖份?
例如 維記脫脂奶 100ml就有 5.3g糖
係咪都會致肥
Ar p