兩溝

有無覺得佢哋個樣有咩唔同呢？一個可鄰樣囉！

點解？因為無哂乾糧囉，全個香港D Innova 乾糧缺貨，要6月尾先有，唯有食住罐罐先，但係一般嘅貓仔，見倒罐罐會好開心，無乾糧咪仲好，但問題係，佢個主人每日早出晚歸，d罐頭又唔可以開定俾佢哋，因為會變壞，所以佢哋每朝10點食早餐，晚上11點先有晚餐食囉，所以而家一返到屋企，佢哋兩個竟然好似狗仔咁歡迎我，一反高竇貓嘅性格，無他嘅...咪因為肚餓囉！

可能有朋友問，咁多牌子貓糧，買其他咪得，最主要問題係，貓貓腸胃敏感，如果要轉糧，一定要兩溝，如果唔係一定肚痀，但而家我一粒糧都無，點溝呢？

情況就好似有d朋友，平時食開白飯，突然想健康d轉糙米飯的情況一樣，一定要兩溝先，如果唔係就會肚谷谷，好辛苦傢！