跳至主要內容

多謝哂！辛勞的兩位林小姐


下個星期三，係咩日子，七一囉...

除咗七一之外，仲係我同同事本兒童食譜出街喇！這本是我的第二本小朋友食譜，係過去一年係TVB週刊食譜嘅結集，售價絕對係超值...2個硬幣就買到喇...1個$10同1個$5。所以手快有手慢無... ...周圍都會見倒，因為梗有一間係左緊囉！

近日好多戰友同我講，D小朋友停課，日日你眼望我眼都唔知點算，仲有兩個月，唔通日日做補充練習咩，其實家長可以試下同小朋友一齊煮飯仔啦！烹飪過程中，可以促進親子關係，同時當小朋友多接觸健康食物，佢哋就可以同有營養食物做好朋友啦！

健康飲食習慣是從少建立的，好似我咁，小朋友的年代，唔準食甜品，大咗就對甜食提不起興趣啦！(哈根大師雪糕例外，1個月都同佢做1次朋友:) )

又完成一本...仲有一本，賣下關子先，總之俾多24小時我就好喇！
差D唔記得多謝兩位辛勞的編輯林小姐，多謝佢哋成日催我交稿，仲有借咗好多玩具俾我哋襯相(雖然我公司已經有好多玩具)

留言

匿名說…
係你公司有無得買？
6/26/2009 06:27:00 下午
匿名說…
今日個留言版面回復正常了,前兩日怪怪地.

同埋想問這本書是第二期,咁第一期呢?如果啱可能想買.
6/26/2009 09:27:00 下午
匿名說…
你幾時出減肥食譜呀???
等我地d戰友唔駛諗食d咩咁慘ar ma~
諗諗佢呀~你出的話我第一個支持&買呀~~
6/26/2009 11:06:00 下午
匿名說…
哈根大師~~好名!
6/27/2009 08:35:00 上午
匿名說…
"細個吾準食甜品,大個咗就對佢冇興趣."會的嗎?
想了又想,想了又想...............

我小時冇鮑參翅肚食,點解大咗會咁鍾意呢?
想了又想,想了又想...............
6/27/2009 10:50:00 上午
匿名說…
是呀，可否在您公司選購？Glendy
6/27/2009 11:23:00 上午
Cynthia Wong(黃凱詩)說…
公司遲少少先有！其實下星期各大書局、便利店、報紙檔都買到，另外，第一冊是由另一位營養師寫的，都好有用架，無論如何，多謝支持！
6/27/2009 11:46:00 下午
匿名說…
The cover of the new book is very attractive and eye-catching. I would try some of recipes because kid's meal is usally colourful and simple. Furthermore, the recipes designed by you and Josephine should be nutritious.
Anyway, I'm looking forward to seeing your book on recipes for us who are keeping fit.

Wendy
6/28/2009 02:25:00 上午
匿名說…
Waiting your for new book!
6/29/2009 01:49:00 上午
匿名說…
今天於7-11購買了這本書，彩色印刷十分精美，每款食物的造型也很吸引，超值。

Winnie
7/01/2009 10:39:00 下午
匿名說…
Agree. I bought one too.

Wendy
7/01/2009 11:21:00 下午
匿名說…
我都買咗嚟睇，啲食物好吸引兼且制作簡單呀！會留番屋企開ｐ日偷師，叫姨甥仔女一齊幫手整，好過佢哋成日打機．

Dora
7/02/2009 11:39:00 上午
匿名說…
其實真係好抵，要有一本守門口囉！
sally
7/04/2009 12:55:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。 這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。 還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。 減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！ 中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。
13 則留言
閱讀更多