碗蕎麥麵飽到而家

今日食飯時間，諗住去打書釘，所以出咗外面食飯，行經世貿中心附近，見倒一間日式小店，再睇下個Menu，有蕎麥麵食，就吸引咗我入去，蕎麥麵營養價值高好多朋友都知，但我就鍾情佢嘅飽肚感覺，現在已是6點幾，仲飽緊，個麵唔錯架，最重要係牛肉唔算肥，減磅戰友啱哂，下次行過銅鑼灣試下啦！好似叫 bee japenese curry house!

留言

匿名說…

好似好好味喎,佢用什麼湯底呢? 因為我淨係識用蕎麥麵做冷麵,夠簡單0麻!! 可不可以教下我煮個熱騰騰的湯麵呢?

6/09/2009 08:57:00 下午

匿名說…

可否告知有沒有方法在沒有焗爐的情況下可以做出比得包?

月夜

6/10/2009 02:03:00 下午

匿名說…

嘉頓有出,$10.0一包有三塊,X康和X佳發售.

6/10/2009 02:22:00 下午

匿名說…

其實我自己也很多時煮蕎麥麵熱食或凍食,Happy也很喜歡呢! 但常忘了查詢其實日本拉麵是否很高卡? 因在換算表找不到呢! 另外,剛看新聞謂日本有一款新的豆渣軟雪糕，擺放室溫下一小時雪糕都不會融化，中間部份還繼續透心凉;而卡路里更比普通軟雪糕的少。下次您回鄉時可以一試,圓筒裝售價 280日圓（ 22港元），杯裝則售 300日圓（ 24港元）。
Glendy

6/10/2009 04:39:00 下午

匿名說…

你好~
我本身27歲..
165M 52KG
請問我每日食以下的餐單做午餐同晚餐..
會否太多?

1)吞拿魚三文治
2)脫脂奶加麥皮(3大"匙"<--麥皮盒內的大匙)

因為我想減肥...此食量可以嗎?

janice

6/10/2009 10:07:00 下午

匿名說…

香港邊到有得賣"豆渣軟雪糕"呀? 我都想試~~~ =P

6/11/2009 02:50:00 下午

匿名說…

我都好想食, 好似好好味, 你呀影到麵好似同我say hello禁, "過來食我啦, 我又香又滑" 哈哈

6/11/2009 04:22:00 下午

此網誌的熱門文章

避風塘

茫茫人海，兩個人能夠相遇、相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。

營養師手記

搜尋此網誌