跳至主要內容

每一天都充滿驚喜


原來編輯小姐鍾意玩驚喜，剛剛話俾大家知，我個仔仔明天會送到公司，講完唔夠2個鍾，D書竟然係我面前閃過，唔知點解，見到佢順利出世真係令人興奮喇！暫時只係銅鑼灣有書咋。

留言

匿名說…
Congratulations on smooth delivery of your "baby"! It looks very smart.
Wendy
7/22/2009 06:51:00 下午
匿名說…
Congratulations!

本週六尖沙咀店有沒有新書呢？希望可先睹為快!

Winnie
7/22/2009 10:45:00 下午
匿名說…
我今日係銅鑼灣見JESSA
一入門口就見到接待姐姐拎住一本
臨走即刻買返本NA!
仲麻煩接待姐姐搵你簽個大名TIM^^
我係芷澄呀~
哈哈!
返到屋企我即刻益下我媽咪借俾佢睇先!
(等佢學整入面D野俾我食=] 呵呵)
7/22/2009 11:17:00 下午
匿名說…
你是不是coco呢？希望你同媽咪都鍾意本書啦！
7/22/2009 11:27:00 下午
Cynthia Wong(黃凱詩)說…
Dear Winnie,
尖沙咀明天就可以攞書喇！

hello coco,
上面個留言是我的，手快快唔記得登入。
7/22/2009 11:29:00 下午
匿名說…
我都要你簽名呀!!!!
7/22/2009 11:45:00 下午
匿名說…
實在太好了，明天可以有新書睇！唔知點解，你嘅文章有一種很奇妙的魔力，想一睇再睇，想擁有，希望你會繼續寫更多文章啦！

Your Fans Sandy
7/23/2009 12:05:00 上午
匿名說…
係呀我係COCO呀 =]
我影左你簽俾我果頁做電話WALLPAPER!
以後一想偷食就拎出黎先!!^^
7/23/2009 12:34:00 上午
匿名說…
今日第一次看你的文章，感覺很新鮮，而且你的文宇很輕鬆又可愛，原本你有這麼多讀者的，希望我不會愛得太遲啦！

剛於書展買了新作的小讀者
7/23/2009 01:26:00 上午
匿名說…
今朝一起身就知道這個消息，真係想即刻飛來攞！
7/23/2009 10:31:00 上午
匿名說…
時間啱啱好...今日上尖沙咀就有書攞!!!
之前仲以為要等好耐tim
我係凱程呀...我都要簽名架! 哈哈!!!
今晚見^^
7/23/2009 12:55:00 下午
匿名說…
好開心呀！你個簽名好靚呀!
7/23/2009 03:16:00 下午
匿名說…
我想問如果我唔係client,直接去尖沙咀分店可唔可以買到呢本新書+簽名??要預先訂??電話訂又得唔得呢? thx
7/23/2009 10:18:00 下午
Cynthia Wong(黃凱詩)說…
要簽名！當然沒有問題啦！我今日已經寫自己個名寫咗好多次，你只要同車厘子（尖沙咀）或金師奶（銅鑼灣）講你要簽名書就可以。無論如何，多謝你的支持！
7/23/2009 11:06:00 下午
匿名說…
四十幾歲人，已經係人哋媽咪，竟然去問作者簽名，種感覺都幾得意，多謝你的親筆簽名，本書好靚仔，多咗個簽名之後，支持你努力呀！
7/24/2009 01:37:00 上午
匿名說…
到書展買了你的新作，但沒有你的簽名，可以明天到講座給你簽嗎？
7/27/2009 12:28:00 上午
匿名說…
hello, i bought your 1st book today at your office, but there is not signature on the book. i am so disappointed and asked the lady why there is no signature. she said it sold out. BUT , you are there everyday, how come .... sigh.... I already bought the 2nd & 3th one already la and i also attended your talk on this tuesday tim. stephanie (whether you will see this message and reply)
2/04/2010 11:15:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。 這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。 還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。 減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！ 中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。
13 則留言
閱讀更多