極速瘦身的後遺症

唉!有鏡頭恐懼症的我，最怕就係對住佢--鏡頭

記者朋友俾我睇下坊間流行的減肥餐單資料

剛剛做了一個有線電視新聞台嘅訪問，講咩呢?

外電報導，英國有一位女士，太過急進，11個星期減去44磅，最週平均減4磅，每天進食的熱量只有500多卡，最後因減磅奪去生命。

其實經常提醒大家，雖然肥胖帶來的後選症真的很多亦很長遠，但一個過急的減肥方法其實更危險呢?長期食得太少，輕則頭暈眼花、引致脫髮或賀爾蒙失調，但若情況持續，身體在缺乏糖份貯備下，過量消耗體內蛋白質及脂肪提供糖份，會引致酮酸中毒，對健康造成長遠影響。要健康瘦身，一星期減去1-2磅就最理想啦!

減磅戰友們努力呢!

留言

匿名說…

幾時播呀, 等我留意下先。

angel

9/09/2009 07:32:00 下午

匿名說…

哎呀! 我屋企無有線架.....你估有無有心人放上youtube....我都好想睇. 好想睇吓你上唔上鏡嘛.

9/09/2009 08:49:00 下午

王師奶說…

叫咩節目名呀? 有線嫁? 我又想睇...

9/09/2009 10:10:00 下午

亨利說…

http://cablenews.i-cable.com/webapps/essentialfeed.php

我相信係24小時內係cable news 仲可以睇到~!!!! 哈哈~!!
好搞笑丫你個咁正經既樣~!!!
p.s 我一番到去丫媽就即刻話左我知啦!!

9/10/2009 10:24:00 上午

匿名說…

樓上既朋友,
我根據你條link入去, 但搵唔到佢個節目呀! 我可以點先睇到呀! 唔該哂!

9/10/2009 02:16:00 下午

王師奶說…

數上位朋友, 試下呢個LINK丫~ ^^

http://cablenews.i-cable.com/webapps/news_video/index.php?news_id=312975

9/10/2009 10:15:00 下午

匿名說…

山今小姐,

Thank You very much!!!!

9/10/2009 10:49:00 下午

此網誌的熱門文章

避風塘

茫茫人海，兩個人能夠相遇、相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。

營養師手記

搜尋此網誌