佢先係主人 9月 29, 2009 自從上個星期六加咗個搜尋功能之後,十個有九個戰友都同我講:你加咗個search engine,最方便係可以好快咁搵到米路仔同毛毛D相...唉!我都要重新估計下其實大家上我個Blog想睇D咩! 唔通大家想睇大細毛多過想睇我D文章... ... 既然係咁,就放多兩張相俾大家睇啦! 上面嘅毛毛,最鍾意霸咗成條走廊,好無儀態咁休息,米路仔呢,就最愛個洗手盆,成鬼人阻住我洗手,真係俾佢激死! 分享 取得連結 Facebook Twitter Pinterest 電子郵件 其他應用程式 分享 取得連結 Facebook Twitter Pinterest 電子郵件 其他應用程式 留言 匿名說… 妳成日話大毛好冇儀態, 唔緊要啦男仔豪邁啲好啲, 佢又唔係女仔(雖然佢有時大毛好嗲, 有時又好憂鬱). 匿名說… 我相信你戰友同樣喜歡你文章及大小毛,因為你比左好多資訊我地,多謝你 匿名說… 你給我們的資訊很重要,但大小毛都超可愛!毛毛,過個洗手盤是否風涼水冷呢! 匿名說… 原來你細細個已經咁cute! 匿名說… 我比較想睇妳張130LBS嘅肥相多啲喎! 匿名說… Me too!WS Cynthia Wong(黃凱詩)說… 咁精彩嘅相,當然留返講座先俾大家睇啦!哈哈哈哈! 匿名說… 咁...要睇妳嘅相,咪要場場都BOOK 妳嘅講座囉? 但係又唔知邊一場先至有得睇喎, 可唔可以在廣告預告一吓"有肥相睇"呀! :D 匿名說… 兩隻毛仔俾你形容得咁cute,當然受歡迎啦!物似主人型嘛! 匿名說… 其實你d貓咪都好幸福,有個咁錫佢嘅主人! 匿名說… 其實你d貓咪都好幸福,有個咁錫佢嘅主人!
避風塘 9月 01, 2011 茫茫人海,兩個人能夠相 遇、 相識、相知、相愛,已經是絕不簡單的事,所以我們要學會珍惜及體諒。但開心快樂的同時,你仍要記得,有兩個人永遠在你背後為你付出無條件的愛,而那個家,才是你永遠的避風塘。 閱讀更多
酸酸地的雪糕 11月 01, 2010 講明先,我絕對唔係想介紹圖中的乳酪雪糕,唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度,果頭食完台灣麵線同珍珠幼茶,前後唔夠一年,又換畫,成個街頭都係froyo,即係乳酪雪糕啦!但係面對這些新到產品,作為營養師,有時都幾懊惱,因為這些街頭小食,是沒有營養標籤的,最慘係佢哋成日以健康招徠,於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕,前者一定優勝D,因為佢哋都加有活性乳酸菌,對腸臟都健康D啦,仲可以增強抵抗力,但問題係,乳酪是由牛奶經乳酪菌發酵而成的,所以都幾酸,就係因為佢酸,大部份人都較難接受,所以好多時會加糖囉! 所以呢,佢哋好大機會陰D陰D甜死你。 我就親身用我個銀針口試過兩間,一間是上圖那間,另一間是自助服務的,自助服務那間是由美國來港的,美國的網頁,就有原味的熱量,每100克75卡,脂肪是0的,但有兩茶匙糖,如果Keep Fit朋友要食,1次食100-150克尚算可接受,不過佢都幾奸架,網頁只有原味的營養資料,其他口味呢,都沒有顯示,聰明人應該知點解啦! 但我頭先同車厘子講,佢就話唔鍾意這間,點解?好簡單...好酸囉,我食完都酸到震咗一震,但我都幾鍾意。 那間yogo,就沒有營養資料,但我的銀針口話我知因為唔酸,所以有機會多加了糖... 其實外國有一間叫pickberry,佢個網頁的營養資料都好詳細,可以參考吓,100克的綠茶froyo,110卡,糖份已有20克,即4茶匙糖,都好高糖架,其實大部份都係咁,仲要記住,大家一次唔只食100克呢?所以,量力而為啦! 戰友們少食少食為佳。講真,真金不怕紅爐火,如果真係低糖低脂,就話俾大家知佢嘅營養資料,咁大家咪可以做個聰明選擇囉! 忠告大家一句啦! 酸酸地...會好D! 閱讀更多
節日前的準備 9月 29, 2012 昨天特別在am730教大家這個湯,就是希望你們在星期日中秋節的大餐前,好好清淡一下,我大概是我經常保持體重的秘密吧!怎樣做呢?很簡單的,Click進這條Link,http://www.am730.com.hk/article.php?article=123637&d=1854就可以。 這個湯除了飽肚又脂肪低外,鉀質也不少,可幫助大家在高鈉的做節飲食後,去一點點水呢!但緊記,食譜中是沒有五穀類食物呢!你可以加點薯仔或伴以白飯,那就是均衡又完滿的一餐了。 還是要嚇一嚇大家,今年大熱的這個奶黃月餅,你絕對不能輕視,一小個已經是157Kcal,3/4碗飯,就這樣吃進去了。 減磅戰友們,不要為多吃找藉口,說甚麼一年才一次中秋節,我告訴你,生命還有很多個中秋節呢!如果你現正瘦身,整個中秋,吃1/4個月餅,分兩次吃,已足夠了,成功減磅後,才吃,也不太遲呢! 中秋節,不只是吃月餅的日子,還是一家團聚的好時間啊!而且,中秋當造的水果也多著呢!我愛的綠寶石也是應節的美食。祝大家中秋節快樂。 閱讀更多
留言
WS