黃詩詩私房菜

警告:如果你而家好肚餓，我勸籲你唔好再睇落去，如果唔係我怕... ...

今日，由黃詩詩教大家做只有2mm的絲薄低脂必勝批，仲有小巧芝心批，好喇! 由左至右介紹下D材料先:左上角就係6吋大的Tortilla wrap (1片=2份五穀)，今次用來做批皮，左下方係我最鍾意的german 黑椒烤火雞胸(3片=1份肉類)，佢右手面係日本直送番茄仔同低脂芝士，企係中間個罐頭仔當然係番茄膏啦! 最後就係我個best friend--蘑菇，右手面就係同場加影嘅小巧芝心批的主角pita bread!!

跟住就係要將蘑菇切片，話時話，都係要讚下把刀，買咗佢之後，每一次切嘢都可以用一個字形容--爽! 想要幾薄有幾薄~~

這個嘛，這個佳麗叫番茄膏，佢同番茄醬唔同，你哋睇下個佢個身份証先，ingredients只有tomato，沒有加糖的，但茄汁就加咗糖喇! 3湯匙=1份菜

之後嘅步驟唔駛講啦!大家應該見倒，要切絲啦切片切粒啦等等啦，自己發揮，但最重要在放食物之前，用番茄膏做個密鋪平面。

這個是同場加影的小巧芝心厚批，點解叫芝心批，好簡單啫，因為pita bread的特性係可以放食物入裡面，咁你先放芝士入去咪芝心批囉!

熱爐中的必勝批~見倒都想食，快D啦!

製成品，係咪有米豬蓮3星級水準呢??不過咁，你哋無得話唔係，如果唔係...我以後...唔...

洒D香草同黑胡椒，2mm薄批的好處係，佢真係好脆，總之就好食啦!唔係自己讚自己架!

仲有佢，似唔似D pizza包呢?

俾多個close up 俾大家睇，就係這包tortilla wrap，是今天的開心大發現，又在citysuper找到的。