講個秘密俾大家知吖，我剛剛，即係12點30分嘅時候，食咗個宵夜^^但係我食宵夜嘅原因，唔係因為我肚餓，完全係因為你哋!! (你哋教我架，次次戰友偷食，例如:食咗件芝士餅啦!就話唔關自己事，係同事買啦!又例如食咗粒朱古力就話粒朱古力叫你食佢等等~~)
點解?事關今日行Citysuper嘅時候，竟然見倒枝Sugar Free糖漿，於是，即刻帶佢返屋企啦!
大家都知道，我唔係太鍾意食甜品，但哈根大師同格格餅係例外，但食格格餅，又點可以無咗糖漿呢?所以今次點都殺佢!
但介紹俾大家嘅好嘢，又未試點介紹呢?唯有食完黃媽媽正菜，返到自己屋企，再食格格餅，試下個糖漿，一開...嘩!好香呀!老老實實，唔講唔知佢係無糖，不錯，值得推介，所以冒住夜瞓會有熊貓眼嘅危機，即刻寫Blog! (因為早D瞓同遲D瞓...都係有熊貓眼啦~我驚無咗對熊貓眼大家認唔倒我)
由於佢1/4杯只有20Kcal，所以如果你一日只用1-2湯匙就唔駛換算啦!係咪天大的喜訊呢?
(Remark:低脂格格餅以前介紹過，都係Citysuper有售)
留言
~昔日白老鼠上
Vani