跳至主要內容

唔係汁咁簡單囉!

好喇!今日，又係廚房睇真D嘅時候喇! 你估下，這碗是什麼呢? 俾D貼士大家吖! 十個香港人，九個都飲過...

可能唔係好清楚，Zoom埋DD再睇清楚DD，仲估唔估倒!

佢咪就係燒味飯D色囉!? 反哂光，仲唔叫肥，營養師經常同戰友講，燒味...減磅期間都食得，但你記住，走汁囉! 唔明白嘅戰友會話:你哋都好地獄啫，汁都要走，豉油咋，都唔肥! 加咗落去D飯你就唔覺得肥，分開睇，你就明哂啦! 佢...唔係汁咁簡單囉!


佢係!上面果碟無汁嘅叉燒飯，點食呀!可以咩都唔加當然最好啦!畢竟，叉燒已經調咗味，如果真係想有D食，食館枱面應該有豉油，加1湯匙啦!但記住，最多最多都係1湯匙，因為已經有1000毫克鈉質喇! 如果你都想身邊嘅朋友健康D，Send張相俾佢哋睇啦!真係好多人都唔知果D唔係汁咁簡單架!



留言

匿名說…
好清晰，唔該哂，等我阿爸仲成日話要多汁，仲話果種係豉油，邊度有油，激鬼死囉！
6/01/2010 10:55:00 上午
匿名說…
tks for the info. i will skip the sauce as well..:P
6/01/2010 12:03:00 下午
匿名說…
如果同是瘦肉，請問食叉燒好定燒肉好呢。多數的叉燒都比較甜，而燒肉又比較咸。Thanks.
6/01/2010 01:51:00 下午
匿名說…
How much meat can I eat per dish?
6/01/2010 02:49:00 下午
匿名說…
我都想知食叉燒飯大約幾卡..因為真系幾甜
6/01/2010 04:30:00 下午
匿名說…
想知D汁(EG.咖哩牛腩飯)大約幾多卡路里?
上網CHECK 1碟咖哩牛腩飯有成11XXKCAL..
佔左1日所需好多..
thanks!
6/01/2010 05:43:00 下午
匿名說…
係喇,我知你好鐘意食鳥冬,但見到你之前話烏冬1碗有140卡,但我今日去超市睇壽桃牌果隻一個有200G,都吾止140卡甘少喎.....
6/01/2010 09:22:00 下午
Cynthia Wong(黃凱詩)說…
食物的熱量，很多時候也有出入的，不同製作方法、產地等，分別可以很大，所以營養師經常同大家講，唔可以單看熱量，亦不要單靠計算卡路里去控制飲食，好像烏冬，1包熟計的烏冬，煮出來後，大約1碗半，所以約有230-250卡啦！仲有要留意生計及熟計有很大分別的，所以我建議，選擇食物，最重要選低脂的就好了。
6/02/2010 12:25:00 上午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。 這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。 還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。 減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！ 中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。
13 則留言
閱讀更多