營養師手記

好煩好煩好煩呀! 買咩用尼交換禮物好呢?我都知大家近日一定煩緊這個問題，所以我決定幫大家解決佢! 如果你唔想再買D護手膏俾朋友，我有這個建議，睇吓... 無論你交換禮物的金額是$100/$150/$200我都幫倒你，在聖誕節前，到任何一間尚營坊購買書籍，都會有超級無敵優惠，如果你用$100交換禮物，你可以四選二，若果交換禮物金額大D，$150的話，就買三本啦! 所以$200就有4本喇! 仲有嘢送，就係聖誕靚靚花紙一大張，但如果真係需要起包啦! 大家環保D嘛~~多謝大家先~

醫書直說 BY 梁慧珍 愈食可以愈Fit 　　研究指，人體在 25 歲後，新陳代謝率每 10 年會遞減 5%-10%。亦即是說，就算食量相若，年紀愈大，也會因為代謝減慢消耗減少，體重增加。 　　你我都知，就算如何護膚逆轉青春，年齡增長是不爭的事實，所以想如書名所言的「愈食愈 Fit」，難度其實不低，不過，身為資深營養師的作者強調：並非無可能。 　　此書以個案形式撰寫，共帶出 63 個有助吃出 Fit 身形的飲食改變，雖然內容離不開是吃雞去皮、選吃三文魚少吃鰻魚、多用香料減少用鹽、戒吃熱量等同豬油撈飯的排骨盅頭飯等建議，但老實說，在有數得計（卡路里）的「實證」支持下，這些小改變的實用程度都給大大加分。 　　當中最得我心的，是她建議把即食麵改為烏冬的一節。誰不知吃即食麵無益，又油炸，又有味精，但它美味，加上方便，日日吃即食麵填肚者，依然大有人在。作者聰明的把吃即食麵跟減重工程連上綫，指出 1 個即食麵有 465 卡路里，當中含 4.5 茶匙油，如一個人把每日吃的兩個即食麵改為烏冬（熱量只有 250 卡路里、少於五份之一茶匙油），8 日可以減掉 1 磅肥膏的事實。 　　原來「吃烏冬可以減肥」！這深刻的讀後感，令我每次想吃即食麵時，都會記起，然後，換上烏冬。 　　無錯，想愈吃愈 Fit，其實沒其他辦法，就是要識得「揀飲擇食」。我相信，此書會是一本理論+實用兼備的改變飲食入門書，唯一可惜是沒有彩圖配合，讀來不夠「搶眼」。 ................... Info 　　書名：《 愈食愈Fit 》 　　作者：黃凱詩 　　出版：經濟日報出版社(各大書店有售) 　　售價：$68 梁小姐，謝謝你的意見，我也認為，若書籍換上彩色，會更吸引，好！就轉寄給編輯，希望下一部作品不會令你失望！

沒騙大家，淨係睇相都吸引啦！佢叫咩名，TRRAMISU囉！如果我話俾你知，減緊肥嘅你都可以食，你信唔信？ 仲有佢... 係咪好吸引呢？真係超好味，讚不絕口果種... ...雖然我無食過：）但話時話，大家都知我唔愛甜品，如果我試過果隻甜品我話你知好食你都唔好試囉，因為應該係完全唔甜的！哈哈！ 但我所有同事，即是有個甜品胃嘅女仔，都對這位天才甜品師兼營養師的出品大讚特讚，所以你又想食好味甜品但又怕肥的話，你唔可以錯過這次約會。 《聖誕低卡甜品親手做》 舉行時間：12月18日（星期六） 時間：（A）2：00PM﹣3：00PM （B）3：30﹣4：30 費用：＄80 （包括材料，材料份量將以3﹣4人一組一同動手做） 報名截止日期：12月14日（二） 報名方法：親臨尚營坊銅鑼灣或尖沙咀分店報名 上課地點：尚營坊銅鑼灣分店 查詢電話：2891 0920 教授食譜：以上兩款甜品 都係果句，真係得20個位，係就快～～～～～～～～～～～～～～～～

為免有興趣的朋友錯過了這次活動，我還是說多一遍，我們一年一度的BBQ派對又舉行了，是次活動將會在本星期六舉行，詳情如下： 日期：2010年12月11日（星期六） 時間：下午5時﹣晚上9時 地點：白鷺湖互動中心﹣新界大埔紅林路2號天台燒烤花園 （為方便大家，我們有專車接送，請準時於3：45PM在尖沙咀堪富利士道8號格蘭中心地下集合，活動後亦將送回大家到尖沙咀） 費用：HK＄180 （包食物及車費） 活動：聖誕幸運大抽獎 歡迎大家帶埋你爹D媽咪，愛人情人一齊玩，那兒風光如畫，一定可以幫你粒剩下一格的電芯叉滿電。 要報名的，麻煩大家到尚營坊尖沙咀或銅鑼灣報名，仲可以多報10人，查詢電話：2992 0148 到時有咩食，多囉！睇住... 燒雞翼、豬豬牛牛、中蝦、扇貝、青口、腸仔、牛丸魚蛋、蟹柳、金菇、秀珍菇、茄子、粟米、番薯... 我仲會自備私房菜，好啦！快D到就好喇！

好...講吓規則先，為咗公平，曾參加遊戲而獲獎的，要忍吓手，留番俾其他朋友，我會在這裡發問問題，大家就要在FACEBOOK COMMENT中，待我數完三...二...一先答，最快答中的10位朋友，可參加第二回合遊戲，第二回合會在星期一晚上舉行。 問題係: 我曾經在書中提過，要健康地燒烤，必需燒烤三寶，有邊個知道燒烤三寶是什麼呢?係咪好易呢?唔好在這裡答，唔算，因為FACEBOOK的FANS先參加得，所以轉去FACEBOOK，等我寫咗3...2...1先答!

好喇好喇! 幾時玩遊戲由你哋決定，如果Facebook fanspage 人數達1400人的那天，我就會公佈有獎遊戲玩法，手快有手慢無，那個絕版去油炙爐等緊大家，未報名就快... Cynthia Wong likes Nutsdiary Create your Like Badge click入去NUTSDIARY個字，再『讚好』加入就可以了~

一打開雪櫃，空空如也，剩下來的，就是前天到某某燒味店吃午飯時，多出來的BBQ Pork! 話時話，都想提吓大家，有時去食燒味飯時，都覺得肉類份量真係太多，有時真係有成5﹣6份，所以千奇唔好食哂，記住就算係瘦嘅肉類，吃得太多，同樣會轉化成肥肪架！ 好，講番今日餐飯先，由於只有BBQ Pork，所以我就諗住簡簡單單，加多隻蛋，做個炒飯，這就是十分簡單的材料... 要做一個炒飯，其實十分簡單，只需要有一個好鑊，跟住燒到佢熱爆，再落材料，由於我鍾意個炒飯有D炒蛋的色彩，所以果隻蛋有一半我會快炒，剩下來的蛋汁就最後用來調色，炒完蛋之後，再炒吓D BBQ pork，跟住當然係落炒飯啦！最後加半湯匙豉油同D蛋汁，就OK哂。 個份量有幾多呢？1碗飯，1隻蛋，2份BBQ pork，即是3份五穀＋3份肉，我仲煮咗個西蘭花呢！ 煮飯其實好簡單，花少少心思，好似我咁，可以做到好味而簡單的晚飯呢！