營養師手記

見到我這個笑哈哈的樣，應該知道我有D新攪作。事緣係Bonnie同我講見網上有一個人氣極高的小甜點，叫我試下， 唉！見佢咁有興趣，咪滿足下佢，如果成功，戰友又有多一種食物選擇，我就抱住一試無妨的心態，況且個食譜鬼咁簡單，就試下。 網上大熱的香蕉鬆餅的材料係： 一根蕉兩顆蛋的，如下圖。 首先當然係將香蕉壓成蓉啦！ 跟住打蛋，要兩隻。 然後將香蕉蓉混入蛋漿之中，但問題來了，以我做鬆餅／Pancake的經驗看來，實在太稀，難做出成形的鬆餅，所以我膽粗粗加多一根蕉，改良個食譜，效果唔錯。 好！煎得。千奇咪落油，放一大湯匙香蕉蛋漿至鑊中央，記住用中至細火。 掂咗！都好似樣吖！我意思係同一般Pancake。 我這個份量，剛好煎到7片，共286卡，即一片約40卡，作為減肥時的甜品，都算唔錯。 你一定會問，甜品，你都無落糖，咁夠唔夠甜架。因為香蕉有糖份，都可以啦！你可以選較熟的香蕉，效果會更好。味道又點呢！當然，有麵粉的Pancake會好食D，我食完，講咗一句，味道都好特別～而Bonnie呢！佢話：嘩！個味好得意，哈哈！大家明啦！ 我後來開雪櫃，找到我枝珍藏無糖糖漿，加咗落去，嘩！正100倍。如果今個星期六，大家得閒，都試下啦！畢竟佢係一個年度最多人瀏覽的食譜。

點解叫做愈食愈fit燒烤大會呢？好簡單，因為營養師會 教你點樣BBQ可以健康D囉～ 我哋仲會帶備燒烤四寶架！ 食物包括： 黑 椒 西 冷 牛 扒 、香 茅 豬 扒、蒜 茸 雞 中 翼、蜜 味 金 沙 骨、 牛 肉 丸、冬 菇 貢 丸、紐 西 蘭 青 口、咖 喱 魷 魚 翼、新 鮮 茄 子、甜 薯、粟 米 條...還有當天的新鮮海鮮。 燒烤地點：大埔小白鷺自助燒烤 日期：2013年11月29日（星期六） 時間：5:30-9:30pm 費用：HKD240 （包括海鮮、燒烤食物及4：30pm在尖沙咀堪富利士道 8號的來回接送服務） 活動：燒烤及抽獎遊戲 報名熱線：2992 0148（可以電話留位，兩個工作天內繳交活動費用便可 ）

見大家做番茄飯做得咁開心，我都湊下熱鬧先，但身為營養師，當然為大家做一個更均衡更健康的減肥版啦！首兒按原創的方法，加米約140克（即一杯，兩人份量），我就想健康D，用咗一半紅米，然後放了一個番茄、1茶匙油及少量黑胡椒。  但由於原先食譜，無肉唔係太均衡，所以我加了160克免治豬肉。 為咗好食D，煲飯仲有3分鐘完成之際，加咗蛋，有蛋香飯就更好食喇！ 大巧告成。不過要提醒大家，因為蛋及番茄都有水份，所以煲飯就唔好放咁多水了。 這個飯，一人份量才是390卡，絕對飽肚又可以用來減肥，大家試下啦！ 肉碎番茄蛋飯(二人份量） 材料：  番茄1個 豬肉碎160克 白米70克 紅米70克 食油1茶匙 黑胡椒少許 豬肉醃料： 生抽2茶匙 生粉1茶匙 胡椒粉半茶匙 1. 將醃料加入豬肉碎； 2. 洗米； 3. 加入番茄、紅白米、食油及黑胡椒； 4. 按下煮飯掣； 5.最後3分鐘時，加入蛋漿，伴勻，即成。

這次的台北假期，選了另一間酒店，讓自己留下另一個感覺。相信很多朋友也有用Trip Advisor，今次在就是在那裡找酒店的，先看看評語，對酒店算是有初步了解。 http://www.tripadvisor.com.my/Hotel_Review-g293913-d302966-Reviews-Les_Suites_Taipei_Ching_Cheng-Taipei.html 一間細細的酒店，竟然在台北排行榜的第6位，很期待它是甚麼傢伙。 來到酒店及門口，給我的感覺是，平平無奇，門口細細的， Lobby可算是很潔淨的，但⋯⋯這樣就是第六位，我開始懷疑。 Check-in 了。服務員，很有禮貌，一面解釋，她向我展示一位電話，還告訴我，這幾天可以免費用這電話，而且最體貼的是，電話還可以作為WI-FI蛋，可供這幾天上網之用。另外，這個電話及房間的鑰卡都有優悠卡的功能，而且預先增值了300元，實在方便得很。這亦是這次旅行的一個亮點。 房間是包捨早餐的，食物的選擇很多而且精緻，它們亦有些自家製的食物，如豆漿等，也是不錯的推介。 這就是酒店的大堂，設計得也很優雅。 房間當然是最重要的，房間不算大，但也很舒適，一入房，還看到一盒用來歡迎你的朱古力及每天也更變一次的新鮮水果呢！  酒店名稱叫台北商旅（慶城館） 這個旅行，是跟爸媽一起的小旅行，因為媽媽喜歡食物，農產品等，所以特別找了一個較 新的週未市集，位於四四南村，在101及世貿附近，所以乘捷運的可在101世貿站出，多走約10分鐘，就會看到這個入口。 他的名字叫Simple Market 簡單市集 周圍的小屋也很有特色的，好像我喜歡影相的話，是一個不錯的景點。 在這裡影人像也很美呢！男朋友們，帶女朋友來這裡是不錯的節目。  在這裡，你們找到很多食物，他們都是自家製的，我相信他們熱愛生活及食物，我相信是沒有地溝油的。 種類有很多呢！有的是吃的。 我都影返張相先。 係咪有D似向左走向右走的感覺呢！ 市集不算大。但我在這兒吃吃喝喝，也歡渡了2小時。 ...

我昨晚煮了三文魚炒飯，放了在facebook，朋友Jenny就即刻message我話好想食，但係轉頭又話唔食得，成個個程吞吞吐吐⋯⋯ 唔食得三文魚，等我諗下先，唔通佢⋯⋯吖我知喇！我個人咁八卦，當然再問，我話：「係咪三個月後先講得呀？」 我就再講：「其實食全熟唔食生就得喇！但當然唔可以食太多啦！」 可能好多人都以為三文魚咁健康，人人都可以食，仲食多D都無所謂。其實，有兩個群組的朋友，食三文魚要好小心份量架，一組係孕婦，另一組係小朋友，因為三文魚都屬於含水銀的魚類。根據美國FDA建議，這個群組的人，一星期最好唔好食多過12安士的低水銀含量的魚類，罐頭吞拿魚都係當中一員。雖然係咁，大家又唔駛過份擔心，因為12安士其實有成340克，好多架！（ 1隻麻雀＝40克） 對於其他朋友而言，就不需要擔心它的水銀，因為份量其實好少，而且，食三文魚，好處多過壞處好多好多。即係對心血管病患的保護等啦！而家中有心血管病患的病史就更加要多吃三文魚喇！好似我咁。我就鍾意一星期食兩次，一次食三文魚魚生，一次食熟的三文魚。今日講住咁多先啦！