跳至主要內容

全身暖哂...仲好過雞仔嘜


12度的氣溫，令人想起一杯熱飲，放在掌心，倍添暖意，但是...阿華田、好立克、杏霜；等等等等，全部均是超高熱能的飲品，隨便係餐間添飲，如同添多碗飯!咁點呀!

唔駛驚，有我係度，問題必能解決，今日行開citysuper，揀咗佢，當然自己做咗白老鼠先啦!飲咗1杯，真係全身暖哂，好過雞仔嘜囉!最重要係無糖，濃郁嘅薑味，好正架!30多元有20包，都好抵啦!你知啦!citysuper 嘅產品，好少可以用個抵字形容架!

留言

匿名說…
雖然我唔飲薑茶，不過都等我買返盒俾我o的手腳冰冷的朋友先....
Thx!!

Fanny
12/18/2009 08:36:00 上午
匿名說…
嘩正呀! 等陣"蛇"落去買. 雖然昨晚跑完步後面紅耳熱,全身發滾; 不過洗完白白後又手腳冰冷, 一於買多幾盒看門口. :)
12/18/2009 09:43:00 上午
Starry說…
我都想買黎飲呀, 可唔可以賣1小包比我試試?
12/18/2009 09:47:00 上午
匿名說…
竟然有咁正嘅嘢，等我都買包看門口先！
12/18/2009 10:38:00 上午
Celia說…
今朝飲左好正呀...飲完好似好返晒tim 喎!! :)
12/18/2009 11:48:00 上午
Cynthia Wong(黃凱詩)說…
駛咩講!黃詩詩推薦必屬佳品:)
12/18/2009 12:38:00 下午
匿名說…
TST 間CitySuper只有薑橙咋, 店員哥哥話個倉冇貨喇. 話時話, Cynthia 妳係咪在CitySuper做Part-time marketing 架, 上次妳介紹過嘅蒜容醬已經轉眼間冇哂貨.
12/18/2009 02:28:00 下午
匿名說…
I gone there today. The teabag is out of stock!!
12/18/2009 04:43:00 下午
匿名說…
我試咗喇！真係好香又薑！多謝介紹，咁又多一個暖身選擇！
yoyo
12/21/2009 02:00:00 上午
匿名說…
you can get it from TASTE
12/21/2009 08:22:00 下午
發佈留言

此網誌的熱門文章

避風塘

茫茫人海，兩個人能夠相 遇、 相識、相知、相愛，已經是絕不簡單的事，所以我們要學會珍惜及體諒。但開心快樂的同時，你仍要記得，有兩個人永遠在你背後為你付出無條件的愛，而那個家，才是你永遠的避風塘。
4 則留言
閱讀更多

酸酸地的雪糕

講明先，我絕對唔係想介紹圖中的乳酪雪糕，唔好走上去Open rice search 呀!只係想幫個post襯張相啫!不過今日都真係想講吓佢。 其實香港人都真係幾三分鐘熱度，果頭食完台灣麵線同珍珠幼茶，前後唔夠一年，又換畫，成個街頭都係froyo，即係乳酪雪糕啦!但係面對這些新到產品，作為營養師，有時都幾懊惱，因為這些街頭小食，是沒有營養標籤的，最慘係佢哋成日以健康招徠，於是戰友就當然信以為真啦!肥咗都唔知咩事! 當然如果要比較乳酪雪糕及普通雪糕，前者一定優勝D，因為佢哋都加有活性乳酸菌，對腸臟都健康D啦，仲可以增強抵抗力，但問題係，乳酪是由牛奶經乳酪菌發酵而成的，所以都幾酸，就係因為佢酸，大部份人都較難接受，所以好多時會加糖囉! 所以呢，佢哋好大機會陰D陰D甜死你。 我就親身用我個銀針口試過兩間，一間是上圖那間，另一間是自助服務的，自助服務那間是由美國來港的，美國的網頁，就有原味的熱量，每100克75卡，脂肪是0的，但有兩茶匙糖，如果Keep Fit朋友要食，1次食100-150克尚算可接受，不過佢都幾奸架，網頁只有原味的營養資料，其他口味呢，都沒有顯示，聰明人應該知點解啦! 但我頭先同車厘子講，佢就話唔鍾意這間，點解?好簡單...好酸囉，我食完都酸到震咗一震，但我都幾鍾意。 那間yogo，就沒有營養資料，但我的銀針口話我知因為唔酸，所以有機會多加了糖... 其實外國有一間叫pickberry，佢個網頁的營養資料都好詳細，可以參考吓，100克的綠茶froyo，110卡，糖份已有20克，即4茶匙糖，都好高糖架，其實大部份都係咁，仲要記住，大家一次唔只食100克呢？所以，量力而為啦! 戰友們少食少食為佳。講真，真金不怕紅爐火，如果真係低糖低脂，就話俾大家知佢嘅營養資料，咁大家咪可以做個聰明選擇囉! 忠告大家一句啦! 酸酸地...會好D！
3 則留言
閱讀更多

節日前的準備

昨天特別在am730教大家這個湯，就是希望你們在星期日中秋節的大餐前，好好清淡一下，我大概是我經常保持體重的秘密吧！怎樣做呢？很簡單的，Click進這條Link，http://www.am730.com.hk/article.php?article=123637&d=1854就可以。 這個湯除了飽肚又脂肪低外，鉀質也不少，可幫助大家在高鈉的做節飲食後，去一點點水呢！但緊記，食譜中是沒有五穀類食物呢！你可以加點薯仔或伴以白飯，那就是均衡又完滿的一餐了。 還是要嚇一嚇大家，今年大熱的這個奶黃月餅，你絕對不能輕視，一小個已經是157Kcal，3/4碗飯，就這樣吃進去了。 減磅戰友們，不要為多吃找藉口，說甚麼一年才一次中秋節，我告訴你，生命還有很多個中秋節呢！如果你現正瘦身，整個中秋，吃1/4個月餅，分兩次吃，已足夠了，成功減磅後，才吃，也不太遲呢！ 中秋節，不只是吃月餅的日子，還是一家團聚的好時間啊！而且，中秋當造的水果也多著呢！我愛的綠寶石也是應節的美食。祝大家中秋節快樂。
13 則留言
閱讀更多