營養師黃凱詩的生活點滴

2012年11月26日星期一

罐頭也有營

今天,參加了一個很有意義的活動。就是希望藉是次活動,呼籲大家珍惜食物之餘,亦希望大家在聖誕這個普天同慶的日子,能夠每人捐出一個罐頭,將溫暖送到一些家庭,我從來都覺得,分享食物是表達愛的最佳方法。
正因為這個原因,我今日就幫大會設計咗四款由罐頭食物為主的聖誕大餐,仲同郭晉安、梁祖堯及幾個受惠家庭代表,一齊煮一個用罐頭做成的健康營養餐。
睇吓我幾認真,不過其實我果款係最易做的。
就是雜菜湯喇!不過為咗營養更加高及飽肚,我加咗鐵質同纖維都好豐富嘅紅腰豆,仲有少少螺絲粉令佢飽肚D。



知唔知我同梁祖堯傾咩呢?因為我哋讚緊佢好勁,仲同個薯仔沙律隻蛋設計造型。薯仔沙律一直係我最鍾意嘅食物之一,不過有時懶烚薯仔我都好鍾意用罐頭薯仔架,做嘅方法好簡單,將薯仔壓蓉,然後同其他食材例如碎蛋、青瓜、吞拿魚等混合,想健康就加低脂蛋黃醬,就可以。


花了20分鍾,我哋就好快手咁做好四款食物喇!咁成功當然要來個大合照啦!


有白汁蘑菇三文魚意粉、吞拿魚菠蘿薄餅、薯仔沙律同我做那個雜菜湯,雖然好簡單,但營養價值都好豐富架。


活動完成之前,我哋就每人寫咗一句祝褔說話送俾食物銀行,我就希望這間銀行食物滾滾來,咁樣就更多受惠家庭喺個聖誕都收到溫暖啦!


睇下D小朋友收到禮物幾開心~ 


活動完成後,記者朋友都好關心罐頭食物的營養價值,但而家唔講住喇!明天再看報導啦!仲有我個專欄,都會講下罐頭嘅營養價值。
今日,仲公佈咗香港人五大最愛的罐頭,估下最受歡迎係咩罐頭?你哋一定估到,咪就係午餐肉囉!記者訪問期間,仲問咗我一個我都唔知點答嘅問題,有記者朋友問午餐肉點食會健康D?!好難喎!唔通叫佢減肥咩!我唯有話俾大家知,如果原本食午餐肉三文治轉咗水浸吞拿魚,都可以慳一半熱量囉!


好啦!講開罐頭,介紹一款新的給你們,就係這個茄汁沙甸魚喇!認清楚呀!這三款才是沒有加油的,加意粉一齊食,好好味架!


講住咁多先,雖然大家見我今日好似玩玩吓咁,但係今日真係累透了,但好充實嘅!

2012年11月23日星期五

東京瘦身美食推介

先看圖片,明天再加點字描述描述~

















http://www.dashichazuke-en.com/index.php
看到這堆食物,好肚餓呀!
http://www.dashichazuke-en.com/food/