營養師黃凱詩的生活點滴

2012年1月25日星期三

過肥年

我相信,以上這個配搭,都係所有香港人這幾天的應節早餐。左邊是我一年只會吃一次的步步高陞年糕,右面是一連四季都是我摯愛的蘿蔔糕。早兩年,我都會自家製的,今年新年前太忙了,抽不了時間自家製,唯有拜託各大食店的大廚了...但是那就出事了(哈哈!請留意1月30日之am730專欄看下回分解)

所以,這幾天都是一杯咖啡,然後就是糕糕糕及糕。

今天,我還攪攪新意思,用春卷皮包著年糕去煎,是很好別很特別的,那口感就是外脆內軟,一流,這樣吃還有一個好處,感覺沒那麼甜,最適合我這些不太愛甜的人。但聽清楚喎,是感覺無咁甜,但唔係唔甜。不過老老實實,這8年來我都是吃這個華麗園年糕的,由$70一個食到現在的$90,我真係覺得佢用少咗糖架,都好吖!迎合潮流有進步。

今個年初一,我同細妹仲親自下廚煮新春大餐俾爸媽食,不過由於年初一的街市只是有限選擇,好快手之下,就買了很簡單的菜式,知唔知我煮咩呢?

好玩下找不同的遊戲先,你一定會見到鮑魚啦!新年都要有D意頭菜的,包羅萬有嘛!仲有咩?幾件燒肉囉!這兩種不用煮呢!減輕廚房唔少壓力架。
雖然已經係年初三,都要同營養師手記的番薯們拜個年。搵大細毛出嚟先!佢好緊張架,睇下佢隻耳仔就知啦!貓咪隻耳仔表達咗好多嘢架,睇下萬寧貓就知啦!

佢哋咁乖,我肯定佢哋一定會幫我搵高山雪蓮啫!好啦!就祝大家早日尋找到可以幫自己搵高山雪蓮嘅人、貓或者狗仔啦!不過咁,我肯定每一個人身邊一定有兩個人一早就願意幫你哋搵高山雪蓮呢!祝天下間的父母親都身體健康。

2012年1月18日星期三

低卡甜品示範暨新書分享會

食完咸點,當然輪到甜品出場啦~所以營養師的500卡瘦身餐之後,送給大家的,是營養師的200卡甜品。

經過千多次的修改後,這本書營養師的200卡甜品終於可以在情人節前同大家見面了。設計師Yona妹妹同編輯Ivy大人,終於可以輕鬆多了! (哈哈!我好明白對住我哋,其實你哋真係幾唔好彩~要求多多又麻煩:)所以我知你哋辛苦,所以先自動送上門去出版社幫手對稿啫!有相為證,好專心架!)

修改中的稿件...


這就是她的真身,有咪好想擁有呢?不過仲要等多兩星期...



幾時可以同大家見面呢?早前在面子簿都預告過,2月4日(星期六)會在新書發布會率先同大家見面,其實地方,即係我公司同書局都再要多等幾日。


今次這個新書發布會嘅形式會同之前有D分別,會同時係一個甜品示範製作班,咁大家買新書之餘,我哋仲可以一齊食,一齊分享下做甜品嘅樂趣。


怕大家睇唔清楚Poster中的資料,寫多次...

日期:2月4日(星期六)

時間:3-4:30pm

地點:Cafe 21-北角百福道21號香港青年協會大廈地下(港鐵鰂魚涌站C出口-右轉即達)

費用:每位$118 (費用包括活動入場劵及營養師的200卡甜品乙本)

點報名,好簡單click下面的報名表,print 出來,填好再fax到2516 9989,成功登記者,會收到郵寄之確認通知書,就可以參加,如果都係唔明,打去2880 2444查詢啦~


我從來都想用不同的方法,令大家真係可以輕鬆減磅,所以才決定出版這一部著作,因為我明白大家都愛甜品嘛~係咪好體貼呢?但當然還是要多謝另外兩位作者,這本書才可以順利出版。到時見。

2012年1月9日星期一

Lisa Feature

任何人的工作中,總包括喜與憂,我慶幸沿途上,總有讀者、戰友、工作伙伴及家人為我打氣。在2012年的開始,要感謝LISA味道的邀請,跟我做了一個很詳盡的訪問,還有一位很盡責的記者朋友,為了這個訪問,她竟然把我的書籍及網誌也看過,還能清楚說出內容,感謝你。

訪問刊於1月5日出版之LISA味道

2012年1月6日星期五

2012年頭炮-親手做營養師的500卡瘦身餐

終於俾我搵到一個又靚又方便嘅廚房,可以同大家一齊煮飯仔喇~係咪有D興奮呢?你無睇錯,今次真係一齊煮,因為係一人一爐嘅~煮完仲可以帶返屋企食。

講咗詳細資料先講無聊嘢~

親手做營養師的500卡瘦身餐(第一課)

日期:2012年1月18日(星期三)
時間:晚上7:30-9:00
菜式:白汁香草藍青口煮蜆殼粉及鮮蝦荷葉飯(一人一爐自己親手做)
上課地點:九龍尖沙咀河內道18號 K11, 2/F, Shop 221 (尖沙咀港鐵站 D2 出口)
Easy123 Cooking Studio
費用:$320 (11/1 前早報名優惠$ 290)歡迎任何人參加-只收現金
報名辦法:6/1, 4PM 開始接受電話留位,報名後1個工作天內到尚營坊任何一間分店交費即可。留位電話:2992 0148

一號500卡美食-白汁香草藍青口煮蜆殼粉
二號500卡美食-鮮蝦荷葉飯


這就是你們的實習場地-EASY 123 COOKING STUDIO


今次會請到煮神Thomas任教的,本來都好想做佢助手,但原來我果日要教書,唯有下次啦~


你哋見到啦!坐唔到好多人,買咗食譜又唔知點煮,又或者未買食譜但想試下先的話,就唔好錯過喇!