營養師黃凱詩的生活點滴

2008年11月27日星期四

與大肚腩的對話


大肚腩!你真可惡,不知不覺中,徐徐鑽出來,任我怎麼用厚衣遮掩,總是蓋不過。這10年來,我曾做無數次SIT UP,天天挨淡味麥片,只見你一天一天的長大,其實你怎能離我而去!
如果你身邊的朋友,經常對著肚腩喃喃自語,歡迎你邀約她/他參加卡本週六下午及下星期三晚上舉行的『擊退20磅大肚腩』講座。

日期及時間:11月29日(星期六)下午2:45-4:15及12月3日(星期三) 晚上7:15-8:45
地點:(29/11)佐敦童軍中心1030室 (3/12)銅鑼灣中央圖書館1號活動室
留座電話:2891 0920 (曹小姐)

2008年11月25日星期二

江之島行


這個東京遊,我認為最值得推介的,是最後一天的江之島行。

這就是送我到江之島的小田急電鐵

這個地方,遠離東京市區只是1小時的車程,對新手來說是十分方便。你只需要到位於新宿的小田急線外國人售票部,便可以買一張鎌倉+江之島的周遊票,只需1430yen,便可以在行走於江之島的江之電隨時上車落車,那輛江之電好出名架,你睇吓佢幾靚仔。


鎌倉江之島周遊券資料
http://www.odakyu.jp/chinese/freepass/enokama_01.html


最吸引人的原因,是他穿梭於房屋間,亦在湘南海岸邊行走,構成一幅很美的圖畫,有機會到此一遊的話,緊記在高校前站下車,因為這個站與海岸線最接近,看過後你必定永遠難忘。


在湘南海岸旁走過的江之電特別吸引

當然你必定要到江之島一遊,這個小島由一條小橋連繫,由江之島站步行20分鐘的行程便可到達。島上盛產海鮮,白飯魚是他的名物,不能錯過。而且由於江之島有多種海產,吸引了很多流浪貓居住,這亦是的前來這個小島的主要原因。

江之島海產豐富,連這隻可愛的流浪貓也肥肥白白


既然盛產海產,當然不能放過這機會,最除了試食了少許白飯魚外,還有這兩份很飽滿的帶子及大蜆呢!



其實鎌倉及江之島還有很多值得遊覽的地方,但由於當日要上機返香港,所以只停留了4小時,唔緊要啦!江之島,我會再來的。

日本遊記


又去日本!不悶嗎?每次朋友知道我剛到過日本旅行,不約而同地,都會有以上問題。我每次都會話:『無辦法啦!第一我愛到言語不通的地方,因為這樣更可以幫我放鬆心情;第二,我會找一個乾淨舒服的地方;第三,機程不可太長,因為我患有嚴重的機艙恐懼症,5小時暫時對我來說,已經好長,所以,除了日本,我想不到有另一地方。』

至於悶唔悶,就見仁見智,最少我未有這感覺,因為我每次安排行程,最少有一半時間,會跑到郊外地方,遠離繁囂,所以次均有精彩的地方。

今次行程,是因為一張超值的關東電車pass開始,點解超值,這張Pass只需10000日元,以現時的超貴兌換率,即時港幣約800元,但是可以俾你任選3天的日本關東地區JR公司的電車,最重要是包括新幹線,所以我有3天的行程,是搭電車到東京近郊及東北地區,我的好細佬做了一個精密的計算,這個近郊旅程若沒有這張Pass,我需要75000yen,你話是否超值呢?

但最重要是,今次安排了一次蒸汽火車之旅,這天簡直好似回到未來咁,因為那天,我晨早搭7點幾班新幹線,佢用超高速在1小時多將的由東京送到新潟,跟住,我就搭左一兩唔知幾多年前的蒸汽火車,突然好似入左童話故事d鐵道玩具中,雖然火車行走約3小時,但沿途會停車影相,又有遊戲,而且景色優美,真是不錯。

俾d相大家睇吓,睇完之後,包你即時忘記哂d煩憂。



仲有好多遊記同大家分享,不過而家好眼瞓,明天再談。

2008年11月21日星期五

東京的一天


起初仲以為,當D減磅戰友知道我放大假,一定會唔開心,因為驚影響了減磅進程,點知當大家知道我放假後,竟然話:『你放假呀!好呀!放幾耐呀?一個禮拜,點解唔放耐D,唔駛掛住我哋!』原來當大家知道我放假,你哋比我更興奮。
這個東京東北之旅,真係唔錯。同大家分享吓D相先,因為我有好多開心大發現呀!

這是我這幾天的免費早餐~

我成日介紹大家飲那隻果汁,有新產品-白桃味,勁好味!

很多朋友都話,去旅行最辛苦就是便秘,其實好似我一樣,食完飯返酒店前,去買D生果食,包你路路暢通,這些日本柑,超平,我買了一盒,甜到好似加糖咁!
這架新幹線今日送我到長野同輕井澤,又快又靜,唔該哂!

輕井澤名物-Soba


今日輕井潭的天氣不知幾得意,同時有太陽同落雪,令人很興奮!

2008年11月16日星期日

放鬆吓啦地球人

近來,有D朋友經常愁眉苦臉。昨天,一位減磅戰友說:『近日公司人心惶惶,每當阿姐被叫入大老細房,大家就好擔心,佢哋係裡面是否傾緊裁員裁邊個,於是平日返公司先慢慢嘆早餐,如今唯有唔食,以免給人有藉口裁員啦!』另一位戰友正是被捲入金融海嘯的中產朋友,她說:『最近都沒有咩能令我開心,有彩你幫我減了20磅,都算有D財富啦!』

於是見大家壓力沉重,我今日打算介紹一個開心餐單給大家,希望大家睇完今一個專欄,輕鬆笑了數分鐘後,再到超市入貨,為今個晚上準備一份開心餐吧!各位減磅戰友,共勉之─

早餐:用脫脂奶煮一個香濃麥片,再將一隻香蕉切片,放上麥片同食

午餐:到泰國或越南小店,叫一客海南雞胸飯或雞絲湯檬粉,當然要食菜啦!

晚餐:買一袋煙我最鍾意食嘅比得包,準備數片三文魚或火雞胸片,將他們切絲,再連同生菜絲,放入比得包中,再加入1湯匙低脂沙律醬,喜歡熱食,可放入焗爐5分鐘,香噴噴的開心餐切成。

希望大家鐘意啦!

2008年11月14日星期五

泡一杯抹茶豆漿


昨晚,在電台介紹完健康滋潤糖水,即有聽眾兼讀者查問詳細做法,為免大家流口水,今日就教大家做一杯簡單的抹茶豆漿先啦!

大家飲綠茶就飲得多,原來用茶葉之外,用粉末沖泡綠茶更能攝取當中的兒茶素,但是製作時就需要D耐性,因為較難溶解的。

由於我個人經常無無聊聊,將D嘢溝來溝去,於是有一日俾我發現,將D粉加入杯豆漿,原來好香,仲有一絲絲暖意,於是決定介紹給大家。

製作方法十分簡單,由於是熱飲,你只需叮熱杯無糖豆漿,再加入半茶匙-1茶匙綠茶粉就可以了,想當做甜品又想減肥,可以加一包代糖,個人認為,Splenda這種代糖味道較好,最緊要是佢沒有那種奇奇怪怪的代糖感覺,試吓啦!

2008年11月12日星期三

沒有糖的益力多


真係開心大發現呀!昨天行吉之島,俾我發現佢。既是脫脂又沒加糖的小乳酪,返屋企試吓,D味勁似益力多,最重要是,仲要沒有加糖,都幾好味。

想試吓的朋友,記住兩杯先等於1份奶類,咁就有188毫克鈣質啦!


2008年11月10日星期一

著多件衫


各位減磅戰友:天氣冷了,內置羽絨失靈,緊記多穿厚衣,以免著涼!
今晚不如煮個日式『烚下烚下』,有咩材料,好簡單啫,粉絲、芋絲、豆腐、金菇、娃娃菜、冬菇,包你減到磅仲暖哂添!

Moo大個仔


Milo: 今日咩日子呀?點解主人會俾零食你食嘅!仲有呀!你仲有新玩具,係個啞鈴呀!

Moo: 我都有d奇怪,平日我哋只係食正餐,主人成日話d零食無營養,點解今日咁奇怪嘅!竟然有得食雞肉零食,今朝仲奇,主人叫我做壽星仔,話我大個仔就要乖d,不過唔緊要啦,有得食就得啦!

Milo: 唉!唔知我幾時大個仔呢?咁就有零食食啦!

2008年11月8日milo及moo語錄

2008年11月7日星期五

令你開心的芝士


仲係好細個嘅時候 (即是N年前),我好鐘意食芝士粒粒,所以這隻牛牛都可以話睇住我大,好彩唔係睇住我壞啫。

這種芝士又可以當零食食,仲可以塗麵包同多士,真係唔錯架,但最緊要係,這隻牛牛『減咗肥』,有低脂產品出售,今後想塗麵包,又有新選擇啦!
在健康的角度,食一粒已經可以提供84毫克鈣質,最重要係,對牛奶敏感的人都食得,這樣就可以補吓鈣啦!

正減肥的朋友,記住食兩粒先等於一份奶類/一份肉類食物呀!

2008年11月2日星期日

頂呱呱的蘑菇雞肉芝士脆包



星期一是最適合製作減肥餐的日子,點解?好簡單!十個女仕當中,有九位都會係星期日食大餐,跟住循例會講這句口頭蟬:『食埋今餐,星期一開始減肥,如是者,星期一往往是減肥的日子,而根據過往經驗話我知,星期一是亦是最多人找我減肥呢。

今日,打算同大家一齊做一份令你另眼相看的多士。首先當然要介紹下d材料先,硬件上,最重要當然是一個小巧多士焗爐,佢擔當一個十分重要的角色,份三文治好食與否,佢嘅功能好唔好舉足輕重。

然後,要買一罐名為茄膏(Tomato Paste)的罐頭,佢同同鄉茄汁唔同,因茄汁加有糖份,所以千奇唔好諗住去麥當當攞一包就算。其次當然是主角雞胸片同蘑菇,有時間可在超市買新鮮蘑菇,懶洋洋的就買罐頭啦!包包最好選全麥的,包你飽到放工。萬物俱備後,千奇唔好漏咗d「膠水」,即切條的低脂芝士,如果唔係,d材料將會好似層層疊的倒下來。

接下來當然是最重要的步驟,就是放入多士爐,記住睇時間,我就係掛住同同事Winnie吹水,個多士就變咗烘濃麵包喇,千奇唔好學我呀!

製作方法:
1. 烚熟蘑菇後切小片;

2.在麥方包上塗上茄膏;

3.放上雞胸片及切片蘑菇;

4.將低脂芝士切成條狀;

5.以網狀排列在食物上;

6.待芝士溶化後,食物便乖巧地伏在麵包上了。

今天的美味早餐


今天,晨咁早就起身,就去咗商場間超市入貨,買了材料準備早餐,返到屋企後,切好d新鮮蘑菇,捲好d燒雞胸片,就去廚房預熱焗爐,點知一出尼,就見倒兩隻為食貓準備進攻d雞胸片,好彩及時趕到,如果唔係我一定泡製佢哋!哈!有相為證,無得抵賴。