營養師黃凱詩的生活點滴

2012年5月28日星期一

甜品分享會

上週六,是營養師的200卡甜品的甜品分享會。我知道很多朋友也希望參加,但由於場地太細的關係,這次只能招待40多人,希望下次能找到更大的地方吧!

雖然很多朋友都未能參加,但為咗多謝大家,我就偷咗甜品書中木糠布甸這一頁,同大家分享。其實好簡單的,按著圖片放大佢慢慢睇。你一定會問我低脂忌廉在那裡買,不就是CCsuper囉!我鍾意吃硬硬的,所以我就習慣做好了以後,放在凍櫃一回兒。


好啦!同大家重溫當日的精彩片段。第一幕,是甜品書做成的壁紙。
 這個分享會之所以可以成功舉行,要好多謝我身邊這位同我合作無間的編輯大人。


仲記唔記得我哋點教大家做唧袋呢?DIY的。

攪咩攪得咁專心呢?
 其實,一直以來,有你們默默支持,已經心滿意足,因為這一切,不是必然的。
 要珍惜的,是你們每一位。

 一部成功的著作,又怎會是我一人的功勞呢?沿途除了各位對我不離不棄的番薯朋友們外,還有我我的好同事,他們就是我的戰友。
 當然還有這次的場地提供,METRO BOOKS@ELEMENT,哈哈!多謝你們送給我的八折卡,我會多點來打書釘的。


6月的演講會,6月的死線

自從4年前開始,每年的6月,都是趕死線的日子,要準備的,正是7月書展的新作,所以,這星期開始,你不難看見這個模樣的我。

除了趕新書外,6月份的講座都是排得密密麻麻,算算手指,除了將有6場減肚腩講座外,6月10日,更會將「愈食愈FIT你都得」這個講座,移施到灣仔會展HALL 5FG舞台,那天,除了跟大家分享減磅心得外,還會跟大家做些美味的減肥菜,詳情我會再公佈。

好喇!說回那個減肚腩講座,話都無咁快,原來已經係400唔知幾多場,遲D我仲諗住再到其他地區,希望跟更多朋友一齊分享瘦身的奧秘。
唔知下次我再影這張相時,會唔會見到大家呢?


我要減肚腩!!(免費講座)
主講:尚營坊營養師黃凱詩
時間:7:15﹣8:45PM (7PM﹣免費量度體內脂肪水平)
6月份場次

4/6(鰂魚涌百福道21號青年協會大廈7樓演講廳 (鰂魚涌地鐵站C出口)
12/6(佐敦柯士甸道童軍中心1114
13/6(銅鑼灣中央圖書館地下1號活動室
18/6(一)荃灣大會堂2樓展覽館(荃灣廣場側)
20/6(三)佐敦柯士甸道童軍中心1030
21/6(四)銅鑼灣中央圖書館地下1號活動室

要留座的。28/5(一)中午12開始接受電話留位報名,留位熱線:2891 0920

希望到時見到大家啦!

2012年5月18日星期五

Mother's day @Mistral

見到D蛋糕,你一定會諗,放D咁嘅相上嚟!想引死人咩!其實我好相信大家嘅定力,所以訓練下大家啫!不過因為這餐,我個胃準備咗成個星期,盡可能食得清淡,因為我知道,在母親節,要食大餐。還有媽媽的生日也緊隨其後。
千奇唔好意為,我會食蛋糕先,但佢好靚,所以我打算放上頭。
雖然我準備咗QUOTA,但我個人其實都好檢點,所以,我會先吃包,因為這兒的包,是很香很軟很美味的,

 特別係這條包,放點黑醋,美味之極,但我沒加橄欖油,因為唔想添加不必要的熱量。係喎!都要提下大家,橄欖油的熱量同其他油一樣的,千奇不要多用。

 這個芝士都是海風餐廳鎮店之寶,沙律就是在這裡MIXING的。

 我當然唔放過D沙律啦!
 有無見過人咁食自助餐呢!我的心態是每一件也試一點點,因為平日,我應該不多吃這些東西的。係咪好靚呢!成幅圖畫咁!
 我好鐘意食意粉的,不過外吃的意粉都是很肥膩的,致命傷當然是那些汁醬啦!所以,遲D啦!在某某地方再教大家煮些低脂的意粉。
 這個自助餐,有得自選MAIN COURSE的,這個龍蝦意大利飯真是做得很優秀,芝士味不太濃,你們也想吃嗎?減肥都可以食意大利飯的,係咪好興奮呢?明天,去書局買本<營養師的500卡瘦身餐>學下點做就可以:)...
 這是另一個MAIN COURSR,很乾身的三文魚~WAKAKAKAKAK~~~ 
 這個母親節的最大驚喜,就是這隻跳跳虎的出現。我的小妹妹超愛的,口痕問佢識唔識整,佢就上網周圍搵佢個造型,最後成功咗,好勁,真係好想俾個讚佢。
就係咁,我哋成家人就過咗一個好開心的母親節。不過我相信,一家人在一起,無論是不是什麼的節日,也很開心呢!

2012年5月16日星期三

快餐

前天,跟一位戰友談論街外飲食問題,她經常抱怨:「在外選餐,有時真傷透腦筋也不知怎樣選。辦公室附近,食肆又不多,每天也像在吃相同的食物,快悶死了。」我說:「其實自從
香港人注重健康飲食以後,提供健康餐的食肆已較前多了。試想想,就算你不是在減磅,你每天中午在外所吃的,也不是大同小異,你每天在怨又不想辦法改變飲食習慣,健康是不會自動找上門的。」戰友繼續說:「沒時間做飯呢?很忙!」我反問:「難道我又閒著嗎?告訴你我
的日程吧!我每星期,總有三四天會自己做飯的。沒有人叫你每天都煮出一枱盛宴吧!簡單一個有肉有菜的一餐,又準備食物到完成那頓飯,才只是30分鐘的時間,仲唔係烚下烚下,有幾難?!你平日在外想選什麼餐也用上半小時吧!另外,就算自煮,又不是天天做,一半時間玩煮飯仔,另一半麼,就選外吃。那不是更精彩又健康嗎?」
說完後,她好像接受了。
每天,我就是做這一點點的,希望大家改變,你要明白我所做的,不多呢!要是你們不接收,不改變,這是沒意思的。
這是我昨晚所吃的,知道前天因為滾湯餘下少許肉片,就買了蘆荀,打算一起炒,5分鐘完成。簡單得很。
不錯吧!當然不是吃這麼少,但這個份量的相片較美。所以,做一頓飯,就是很簡單的,而且人人也做到。明天就試做啦!


2012年5月8日星期二

雪花

今日決定同大家最一個實驗。做實驗,就一定要白老鼠,邊過咁偉大?咪又係我囉!
實驗的背景
戰友X君:「牛排唔肥架!好乾身!」
營養C:「咁好唔好食?」
戰友X君:「都幾好食!我見到無肥架!」
營養C:「煎完邊見到D肥啫!肥牛熟咗都見唔到雪花啦!」
戰友X君:「唔係呢!真係好乾身!」

以下這一碟牛柳粒。係咪好乾身呢?睇唔清楚就放大D睇!係我黃詩詩自己煎的,所以大家放心,我只用了1茶匙油煎的。
事實係點?睇下一張相。
很乾身的牛柳粒?

你哋見到D咩?我就見到雪花囉!不過這算是小雪,唔夠大雪!

最真實的時候
其實佢好老實,自己已報稱是雪花牛柳。
滿佈雪花的牛柳
睇個營養標籤最真實,一盒有兩塊,每塊100克,即兩份半肉類,但係知唔知熱量有幾多呢?
雪花牛柳熱量:223KCAL
VS
瘦牛肉(100g)的熱量:138KCAL 

咁脂肪呢?
雪花牛柳脂肪:17.6克
VS
瘦牛肉(100g)的脂肪:7.5克
足足多咗2茶匙油,即是90KCAL,也即是差唔多半碗飯的熱量。
乾身背後的真相

所以話呢?揀肉類要好小心,生肉才較易觀察肉類之肥膩程度,西冷的脂肪會較低,千奇唔好以為乾身就唔肥!其實個廚師掌握時間控制得好啫!
這就是我今天的晚餐!我今晚跑咗半個鐘咁就無咗一半喇!
偉大的晚餐

2012年5月4日星期五

Initial Cafe @ TST

今日終於有少少精神出街食吓飯,我就諗起這間裝修得很美的時裝店。沒錯!我沒有打錯,這裡真是一間時裝店,但附設在時裝店中,有一間小型餐廳,佢叫做Initial,在金馬倫道近漆咸道。都真係好小型架,坐滿最多都係10枱。如果心水清的朋友可能會知道,我上次本500卡食譜嘅Profile相都係喺這裡影的。
我都幾鍾意這裡的食物,因為佢哋D食物都做得好有心機架!最重要係,你會搵到一D戰友都食得嘅東西。等我介紹下啦!

這時其中一種我的摯愛,清酒蜆肉素麵,但係有時剛巧沒有蜆就無得食,睇下你好唔好彩啦!
我過另一款就四季都有得供應。是番茄牛肩肉素麵,一點點酸,胃口欠奉的日子我一定會找它。牛肩肉的脂肪很少呢!健康有營推介。
有緣我們在這裡見面吧!