營養師黃凱詩的生活點滴

2011年7月28日星期四

蒟蒻麵

這家餐廳,雖然在公司附近,但一直沒想機會試,上星期左碰右碰之下,走咗入去。

睇咗個餐牌一陣,就發覺,死火,原來是吃拉麵的地方,今次一定肥死,可能你會覺得,吓!拉麵係湯麵,都肥咩?!唔係卦? 大家沒有睇錯,拉麵是超級肥的,一碗隨時有750卡,主要原因,當然係個豬骨湯底啦!你千奇唔好以為唔飲個湯就無事,因為個麵會吸油加嘛!

望咗個餐牌一陣,終於發現少少曙光,原來係有得揀湯底,其中有一個都唔錯,就係番茄湯喇~好跟住揀個靚餸先,通常日本拉麵店的選擇,都會有海鮮、雜菌同叉燒,頭兩個一定係健康選擇,但選叉燒就要小心喇! 因為有d店子的叉燒是半肥瘦的,但為咗幫大家試下這家叉燒的肥瘦度,我就扮多次銀針,幫大家試。

本來打算叫叉燒拉麵,但係八八卦卦嘅我,當然要周圍睇,望下隔離個食客,見到佢食緊一隻好似透明的麵條,好似幾得意喎,於是再望下個餐牌。大家一齊望吓下面啦~


原來加$12可以換烏冬、墨魚麵...仲有一個叫啜啜麵的東西,究竟係咩尼?再睇下個英文konjac noodle,吓...出街食飯竟然有得食蒟蒻麵,唔係咁開心嘛!於是,我就叫咗佢。

其實蒟蒻麵是什麼,咪就係平時食嘅芋絲囉! 蒟蒻或芋絲其實是一種近乎0熱量的傢伙,但佢又有好強勁嘅飽肚感,所以營養師好鍾意將佢安排喺餐單入面,去提升份餐個飽肚感,不過大家就記住一樣嘢囉,由於近乎沒有熱量,所以最好要食少少五穀,例如加入小食中的粟米或者叫個d壽司/手卷,如果唔係你個人說會明明係好飽但又好似未叉電血糖低咁,所以記住要添食。


有營食店位於k11地下,叫misocool呀!


pS: 之前我在面書中寫話個湯麵只得100卡,原因係,他們有雜菌啜啜麵的選擇,就算加多隻溏心蛋(55Kcal),成個麵隨時少過100卡呀!我從來不騙大家呢! 但會整蠱大家啫!哈哈! 無介紹錯啦!

健康生活八小步




Thanks Cary for a nice and comprehensive interview^^




2011年7月25日星期一

紅荳冰

上星期,我就在十萬個不情願的情況下,飲過1杯紅荳冰了。(要是你不明白我說什麼,快去am730的網頁,看黃詩詩今天的專欄吧!)

但在地球在發燒的日子,要消暑的話,真係要好小心,因為飲品嘅熱量,除時嚇你一驚。點解?因為好多朋友都看輕飲品的熱量吧!以為飲品的熱量總比食物低,唔信,不如睇下食物安全中心的測試結果。以下的均是凍飲,約300毫升。

紅荳冰 260千卡(36克糖)(3.6克脂肪)
三色冰250千卡(33克糖)(9克脂肪)
凍朱古力飲品170千卡(20克糖)(4.5克脂肪)
甜豆漿165千卡(23克糖)(4.5克服脂肪)
凍杏霜150千卡(18克糖)(3.9克脂肪)
凍咖啡140千卡(20克糖)(3.9克脂肪)
凍檸茶140千卡(25克糖)(0克脂肪)
凍金桔蜜140千卡(25克糖)(0克脂肪)
凍奶茶130千卡(22克糖)(2.1克脂肪)
凍檸蜜100千卡(21克糖)(0克脂肪)

雖然數字就是這樣,但每家茶餐廳的沖調方法總是不同的,要是你飲的那杯凍奶茶是如絲般幼滑的話,我肯定熱量不止如此。

不如教教大家如何在家泡製一杯消暑低卡飲品,那就是自製橙汁汽水了,只要倒半杯鮮榨橙汁,再加半杯有汽礦泉水就可以了,熱量只有約70卡呢!

2011年7月19日星期二

瘦身可餐

係咪等咗好耐呢?我的新書將會在明天在會展舉行的香港書展同大家見面喇!

好啦! 其實都未真真正正同大家講吓這個囝囝,首先不如講吓個名先啦! 大家應該見到,佢叫《瘦身可餐》,點解會咁叫,這都是因為要切合今年我個講座的主題,想話俾大家知,就算減肥,只要『識飲識食』,『瘦身』也『可』以正常用『餐』的,不用挨餓節食呢!明白無~這就是他取名的由來了。

所以整本書的編排,都是切合整個主題的,首先會同大家講坊間減肥餐的問題,當然會講下正確的減肥餐是什麼模樣的,跟住就拿出我的『詩房菜』,教大家在家泡製減肥美食,仲有少少食譜架;當然我經常同大家講就算減肥,也不能斷六親的;所以第三章就會講下在餐廳,如何可以吃得有營了;另外,很多減肥失敗的個案,都是因為中了小食的陷阱,正因如講,講飲擇小食的章節當然不能錯過;最後,減肥還是少不了運動的,黃詩詩更變身成運動教練,親身教大家修身運動呢!

哈哈!寫完都覺得內容精彩~HEHE(都要賣書讚書香添,但今次...我唔理咁多喇!)

還要提提大家,今次這本書是全彩色印刷,更是一本少少的繪本呢! 還是要多謝設計師Yona及編輯Ivy的精心泡製,仲有仲有,就係你哋,除了因為你們多年的支持外,我還告訴出版社,是你們期待要彩色書呢!所以,都係多得你哋。

究竟點先買到,書展期內,發售點只有4個,第一個當然是書展場內經濟日報出版社攤位1B-C24,C26,D23,D25係呀,Download這張coupon可以在買滿$100時,當$5使用的。


另外3個發售點,就當然係尚營坊的三間分店啦! (尖沙咀、銅鑼灣及荃灣),詳細地址就在http://www.nutracare.com.hk/ 之尋找尚營坊就找到了,講多次,書展期內尚營坊是同步同大家見面的。而且,我還會給大家少少的優惠,原價$78,在尚營坊買就$70,算係咁啦~

至於海外的讀者,可於經濟日報的網頁郵購的,當然要自行支付郵費吧!http://www.etpress.com

講到最後,當然要講下簽名書怎樣取,我今天會趕去接仔,在會展出售的書籍,將有一部分是有簽名的,你只要在購買時,向銷售人員說要簽名書,他們會換給你了。

而尚營坊的書籍,我會簽好給大家,但何時有,我會在facebook另行通知,因為我要確實收到書才能簽呢!如果想快d知道幾時有簽名書,就快d like我的Page (在右手面可以看到),就可以即時知最新消息了。

各大書局,將會在書展後先有書架!



仲有仲有,本書的封面做了一個特別效果的,想知係咩,買一本返屋企睇吓就知!




你買唔買都好,多謝大家先,想share出去的話,按下面條bar 個facebook logo就得架喇!

係喎!我唔會貪新忘舊的,另外4個囝囝同時發售,未齊一套的話,就拿佢返屋企啦!




2011年7月18日星期一

人氣麵包

作為一間人氣餐廳,我總覺得必須要有一些食物,能令人一食難忘。
而我就是為了他...
不知是否因為他的造形,或是因為他的味道,5年前試過之後,一試難忘。

當然,一家餐廳能成為我的飯堂,他必須有一個共通點,那就是餐牌中有否健康食物的選擇。
你或會認為,一家Steak House,有什麼可以給戰友選呢?這裡是有的,讓我們看看餐牌吧!



這裡的特色牛排,是即叫即燒的,但緊記,汁...就是另上較佳。那天,我跟一個朋友共餐,選這牛排時,他問我:『選8安士或11安士呢?只差10元?』我告訴他:『一個成年人,每餐大約進食3安士肉吧! 8安士也是。多了一點點!』要吃得健康,有時真的要放棄少少的優惠。所以最後還是吃過一份8安士的。


這家餐廳,也有自選配菜的,那天我選了焗薯,記住走汁走醬呀!
當然,一份菜也不可少,你們吃的話,記緊走醬或叫田園沙律,而沙律上的烤雞,也屬健康之選。 餐廳的名字是什麼,Outback是也。

2011年7月8日星期五

戰鬥力

很久很久沒跟大家詳談,原因是懷胎3個月趕生仔,仲要係雙胞胎...唔係,應該係三胞胎,差D忘記咗個營養學課程。

這本新書,是我同出版社的好夥伴,最最最用心的製作,除咗每粒字的參與外,還有好好設計師將我畫了出來,你們看,換了運動衫的我在教大家做運動呢!我就是這樣畫出來的。

另外,這本新作還要是彩色的呢! 我費了不少唇舌才成功爭取的,當然我還有告訴她們是讀者的苦苦要求:)

所以,由於事事的親身上陣,自從在歐洲旅行回來以後,也沒有一天是休息過的,包括週六日,直至7月2日。雖然如此,這種生活是很滿足的。


好啦! 俾多少少圖大家睇下,這本書內,我將會用3個Look同大家見面,密切留意啦! 書展見^^


我知道大家睇完張相,一定會問我對左上角那枝新葡萄適有咩comment。

我會俾一個名佢,叫快义,即快速充電。點解,因為佢有分子最簡單的葡萄糖,咁即係身體快d有能源囉!另外,佢加咗咖啡因,所以有d朋友飲完覺得會精神d,但有幾多就唔知喇,因為佢無寫,吓! 飲得太多咖啡因唔好喎? 都講得啱,一日建議唔多過200-300毫克咖啡因,而一杯咖啡就有約80毫克囉,不過我真係唔知佢落咗幾多。佢同平日嘅葡萄適有咩唔同,少咗糖囉~現在的是300毫升有11.4克糖,即兩茶匙多少少,1枝熱量是51kcal。


戰友飲唔飲得,我會話,必要時先飲囉! 意即你好無電,又要快义先飲,即是好似我果日又未食飯,成公司咩都無,對稿對到12點,佢就救咗我一命,但如果你有個生果,就食生果,因為生果有纖維又有維他命,仲有一個原因要飲,除非你想要多51卡。



個背脊寫咩,希望大家都睇到啦!