跳至主要內容

文章

顯示從 11月, 2013 起發佈的文章

巴賽隆拿高廸之旅

巴黎悠閒之旅

上面張相,攝於早上九時的一個巴黎有機市集,可想而知。這裡賣的蔬果也很受巴黎人歡迎吧!你見到咁多有機菜,你諗到甚麼,係咪想知花多一半價錢,去買有機產品,是否物有所值呢?在保護環境因素而言,有機沒用化學農藥方法當然對地球好D,而我們又唔會食咗殘留的農藥,但係老實D咁講吖!營養素真係差唔得幾多,而且我哋仲要好小心,因為有好多朋友都誤以為有機食物乾淨D,唔洗就食,咁樣係好危險架,因為無農藥唔代表無細菌嘛。 不過咁,如果你花費得起,有時都想買D靚嘢。好似我上次去巴黎,見到這個市集D蔬果咁靚,唔知幾想買返酒店煮,下次都係租間service appartment。 今次已經係第二次去巴黎,所以已經沒有追景點那種古怪壓力,這裡闖下那裡碰下,就會找到好多好多新奇又好玩的東西,而且我愛那種不用帶地圖,漫無目的地走那種方法,這樣令我的腳步放慢,心情也輕鬆。 旅行,當然離不開食。但在巴黎這個地方,任你吃甚麼也有堆薯條送上來的,我打趣跟友人說,這個行程吃薯條的總量,跟我在香港5年的份量也差不多,但下面這一個,也很可愛的,它的造型是一片片的,有一種很新鮮的感覺耶! 老老實實,今次去巴黎,同Sam哥都真係有少少關係。鬼咩,成日在巴黎走來走去,攪到人哋個心亂哂。巴黎聖心教堂上次咪去過囉。仲去?!朋友鬼哂咁嘈。鍾意影相嘅朋友應該好明白我,鬼咩,上次一早來,背光...張相唔靚囉,今次幾好! 仲有都有因為這個畫家村,因為我其實細細個學畫畫嘅時候,都有一刻,即3分鐘閃過大個之後做畫家,但點知有人同我講做畫家死咗先有人識,所以...都係好似而家咁,做個業餘小作者圓我心願吧! 係巴黎,到處影一副相都可以很美。 我無聊周圍影,都唔錯吖! 同食物影相都是我的強項,咁多種番茄,你們愛那一種呢?

免費講座-吃走你的大肚腩

如果你想知道一個營養師所編寫的餐單可以令人飽住飽住咁瘦,歡迎你參加以下幾場免費講座。舉行時間分別是以下日子,晚上7:15-8:45 2 5 /11( 一 ) 鰂魚涌百福道 21 號青年協會大廈 7 樓演講廳   (鰂魚涌地鐵站 C 出口 ) 2 8 / 11 ( 四 ) 佐敦柯士甸道童軍中心 1114 室 3 /1 2 ( 二 ) 佐敦柯士甸道童軍中心 1114 室 5/12 ( 四 ) 荃灣海盛路祈德尊新村商場 2 樓荃灣青年空間 ( 荃灣西鐵 A 出口 )   10/12( 二 ) 銅鑼灣中央圖書館地下 1 號活動室 12/12 ( 四 ) 佐敦柯士甸道童軍中心 1114 室 16/12( 一 ) 銅鑼灣中央圖書館地下 1 號活動室   各位朋友,雖然係免費,但都要留位的,留座及查詢2891 0920。    

2013 BBQ PARTY

很懷念用燒烤叉燒烤的日子嗎?每年秋天,我都會聯同尚營坊的會員及我的讀者朋友,到一個不會被其他人騷擾的地方,一起開心過一個既健康又輕鬆的晚上,今年,你會成為一份子嗎?你一定會問,同營養師BBQ都有嘢好食咩?你哋放心,有圖為證,參加的朋友並有成功減磅的朋友,所以我一定會照顧大家需要。 其實就算減肥,好多食物都可以食架,我們會準備海鮮,仲記唔記得我哋親手做給大家食的烤烏頭魚呢?數分鐘內大家就KO咗喇!咁就知有幾好食啦! 當然唔少我食極都唔會點肥的蔬菜,娃娃菜加D調味入去,好有風味架。 有一年,好健康的戰友懂得用三色椒加肉去燒,咁就可以食多D菜啦! 還要食麵包、番薯及粟米,咁先係一個均衡的一餐啦! 今年在同一地方,我哋再聚。仲有呀!我哋十分歡迎大家一家大細來參加架! 日期:2013年11月23日(星期六) 時間:5:30-9:30pm 地點:西貢大網仔道早禾坑警察康樂中心 費用:HKD200 (包括食物及4:30pm在尖沙咀堪富利士道8號的來回接送服務) 活動:燒烤及抽獎遊戲 報名熱線:2992 0148

大坑行

今朝一起身,突然抽起條筋想影相。相機呀相機...你去完西班牙就冷落咗你,真係可憐,無辦法啦!你個主人邊有時間吖~ 於是,我就想試試部機個F1.8光圈,可以啦!今日帶你去大坑,等你開心吓! 影相,真係一種好個人的玩意,不過好彩,Bonnie肯陪我,雖然佢成日喺我耳邊話:「影咁多張架,仲未影完呀~」大佬呀!要白平衡、曝光又要校光圈,唔通用Auto咩!激死!不過算啦!見佢肯陪我。  當然食咗飯先啦!如果唔係,佢一定嘈B巴閉。我仲同大家一齊積極減肥,所以去UCC食飯,就揀咗個海鮮茄汁湯意粉。OK架,真材實料又好味。 每次經過大坑,都發夢這是我間屋,唉!發吓夢先啦~如果你哋都想發夢,得閒去睇吓,下一個造型我估應該係聖誕節。 其實都幾鍾意大坑這個地方,好似叫靜中帶旺啩!又有新餐廳,也有舊東西。 嗱!黃仔的士,好親切呢! 有時候,可以咁無聊周圍行,都係一種褔氣,因為咁代表你無咩擔憂,屋企人健健康康。講真,我現在只會想甚麼會令我快樂我便做,有甚麼重要過可以快快樂樂,輕輕鬆鬆。 今日咪就係穿梭在這裡,很遊閒,一個1號風球的下午。 如果唔係已經飲咗兩杯咖啡,我一定會喺張相裡面,不過我影這張相的原因,係因為門上面幾個英文字,No Wifi here, Please talk to each other...都論得好啱,我發現多咗人好似記得我生日,但少咗人同我講Happy Birthday。 真係好掛住西班牙同法國,好彩這裡也有些歐陸風情。 喂!報咗名11月23日同我去BBQ未呀!一年一次的聚會,好難得架。詳情去尚營坊網頁睇啦!www.nutracare.com.hk