跳至主要內容

文章

顯示從 9月, 2008 起發佈的文章

各位網友--早晨

剛才主人叫醒我,話D網友問,點解成日唔見咗我。無辦法啦!我好鐘意瞓,成日都在睡夢中,所以主人成日想同我影相都唔得,仲有就係,我主人迫我減肥,昨天我跑咗半個鐘,所以咪瞓得好耐囉!主人無偏心架,上星期佢仲同我影了張沙龍,你睇吓我幾靚仔。

我的新屋

又是我Moomoo,昨天主人掛住整理房間的雜物,我靜靜偷入佢個blog同大家傾吓偈,你哋睇吓我張新相,是不是很有書卷味呢! 其實昨天,我見主人整理好房間的書櫃時,有一格空置了,我便一個箭步跑入去,個位剛剛fit哂我,好舒服,於是這裡便成了我的新床仔了,但係這張床仔有d美中不足,因為太細,所以我諗我唔可以再肥,如果唔係就坐唔落喇!

鈣質計算機

自從毒奶事件後,很多朋友無奈戒奶,但時此舉可以令你體內的鈣質銀行即時出現擠提,若希望他有充足儲備,自己計算一下啦!緊記每人每日需要達800-1200毫克,而一杯牛奶已含有300毫克了。 西蘭花 (1碗)-88mg 白菜 (1碗)-158mg 芥蘭 (1碗)-210mg 茼萵(1碗)-150mg 莧菜(1碗)-313mg 硬豆腐 (1磚)-215mg 沙甸魚(3oz)-400mg 加鈣豆漿 (1杯)-300mg 普通豆漿 (1杯)-75mg 杏仁 (1安士)-75mg* 芝麻 (1湯匙)-88mg* 白飯魚 (2兩)-120mg 枝豆(1碗)-261mg 黃豆(1碗)-175mg **食物含高脂肪,不應攝取過量 這些沒有添加鈣的豆漿,250毫克有75毫克鈣質,相對於1杯奶少75%

牛奶風暴

今日接二連三收到減磅戰友的查詢:『可唔可以唔飲牛奶呢?你知啦!好鬼驚!』 我都好明白大家的憂慮,但目前唯有飲住d來佬貨先,即是荷蘭、日本等牛牛產品啦!另外,乳酪及芝士都可以代替。 另外,為了俾大家多一個選擇,剛才我漏夜飛去大百佳找市場上的代替品,你知啦!我要求高,又唔可以有加糖又要加鈣好難搵,點知不負有心人,俾我搵到佢,一杯250毫升有300毫克鈣質,足可媲美牛奶,問題在於不是太普及吧!無辦法啦!飲住先!當然最好莫過於食物安全中心可以測試全港的牛奶啦! 咁大家咪放心啦! 仲俾我搵到包低脂的薯片,有三種口味,一小包卡路里不過是146卡,換算為兩份五穀,但由於小薯片太多鹽,每周只能吃一包,過下口癮罷了! PS.唔記得提醒大家,努力減磅的朋友,千奇唔好買加糖的豆漿,熱量好高呀!

你的減肥助手

你的減肥助手是誰?哈哈!仲駛問,當然是我啦! 不過咁,若果沒有一D又高纖又好食又有營養的食物,我相信我再叻,都無用! 今日am730份稿出咗之後,收到多位讀者電郵問在那裡才找到枝豆,簡單方便的辦法,可以到日式超市入貨,我這包便在sogo買的,citysuper都有,如果想自己煮,可以在賣上海食物的店舖,枝豆即是上海人稱的毛豆,烚吓就食得!

送你一粒綠寶石

車厘子是公司的接待員,亦是我的得力私人助手,為了收買人心,今天午飯後,我告訴她:『車厘子,剛買了些綠寶石,待會兒送一粒給你。』那時,從她的表情看來,她又驚又喜。 見過數位客人,肚子有點餓,於是我拿著『綠寶石』,走到接待處,我說:『見你辛苦,送你一粒綠寶石啦!』車厘子報以錯愕的表情道:『原來綠寶石只是一粒水果,還以為...』我打斷她的話:『千萬不要看輕這個青BB的布冧,據說她是杏脯及布冧的混合體,而且果如其名一樣矜貴,12元才買到一個!』車厘子咬了一口說:『真是很好味啊!真沒介紹錯吧!』當然啦!個人認為有個恐龍仔貼紙的更鮮甜啊!

我換上新衣

大家好!我個名叫做Dannon,係一種好得人鐘意的乳酪飲品,但我同其他品牌唔同,因為我無咁甜爺爺,如果唔係,都唔能夠走入營養師個blog啦!一定俾佢驅逐出境。 今次走入尼,都係想話俾大家知我換了新衫,同順便介紹下自己。 我係一枝乳酪飲品,平日大家買乳酪,最怕就係好多糖,其實我都有糖,但相對其他姊妹,我已經唔錯,仲有就係,我D口感超正,又香又滑,營養師話,飲1枝,已經滿足一份奶類需求,最重要係我係唔會攪到D人肚瀉。 但係我最大問題就是不太普及,我住係D高尚住宅區--超級城市,要帶我返屋企,仲要放低HKD15,唉!所以營養師都係一星期帶我走一次咋! 想來一次親密接觸,就去我個網站睇下啦! http://www.dannon.com/ourproducts.aspx

又有新產品?!

午飯時,去翠華食咗一份火腿三文治,仲叫咗一碟芥蘭,好滿足,跟咗又唔想咁快返公司坐,就去了寵物店入貨。記得上次同一個貓痴兼客人傾過,加有瑤柱的貓罐頭是貓咪們的摰愛,我當然唔會錯過啦!於是,我買了兩罐返公司。由於回到公司後立即要見客,於是我將罐頭放在一邊。 後來,見客期間,有位客人問:『嘩!又有新製品呀!那是什麼,看來十分好吃!』有鑑於她經常作弄我,於是我說:『哈哈!我都覺得好似很好吃,我今晚幫你問吓我隻愛貓啦!這是貓罐頭呀!』那時間,她被我激得半死! 你哋睇吓係咪好吸引呢?

我撞上他!

都唔係好明,點算D咁好味,又有營養的蔬果汁,係香港咁難搵,但這個週六,去到隔了個深圳河的大陸,竟然俾我遇倒佢--中國名是果蔬生活,日本名是野菜生活。 嘩!都唔知幾開心,最緊要是平好多,你知啦!D高檔超市貨品,一枝都要十幾廿蚊,有時好鬼肉痛,於是那天,我買了3枝返香港。各位讀者朋友,下次去深圳時,大吃大喝外,不妨去吉之島逛一逛,科學館站、購物公園站,均有這家百貨。

很體貼的手信--兩隻小貓

真係好似我倆隻小貓...你哋話係唔係呢? 今日收到一份日本手信,是其中一位客人送贈的,她真是十分體貼,知道我是貓迷,等我今晚叫兩隻大小毛做這個動作先,一定好攪笑!

滿足的晚餐

很不容易地...昨天完成了第七十一場的講座,參加者依然的座無虛席,我的感覺既滿足又感動。 舉行講座的目的,除了希望傳授些減磅知識給普羅大眾外,心底裡真的希望你健康地減肥。昨天再聽到一則令人髮指的新聞,再有一間纖體公司,疑處方含西布曲明的藥物給減肥者,險斷送生命。大部份人決意減磅,只希望擁有健康體魄,如今你卻因為減肥,對身體造成永遠的傷害,何苦呢! 其實從飲食入手是最健康的體重管理策略,You are what you eat! 飲食能改變你的命運,問題在於你何時起行,入行九年多,見過無數的朋友修身成功,步入健康新的一頁,可是同時亦見過無數人因不同的藉口,放棄自己,與慢性病患渡過下半生!你會選擇下半生怎樣渡過呢?決定權在你手裡。 昨夜,講座後,突然的有點空虛,為了令自己回復心情,我決定跑到一間我最愛的咖啡店,選吃了最愛的自家製脆法包及一客煙三文魚凱撒沙律,吃畢,心情平伏了。這一家食店是我的健康推介,關注健康的你,可以一試! 銅鑼灣加寧街13號美亞美大廈B號舖地下

我倆的近況

Moo Moo週記 很久沒見,有無掛住我呢? 這幾個星期,心情很是波動,兩星期前,主人竟然帶我去見醫生! 記得那天,主人帶我去街街,仲坐私家車,當時不知幾開心,咁大個仔,第一次出街,行行吓,有D唔對路,私家車竟然在一間診所門口停低,當時我開始緊張,D毛越甩越多,但係見主人同我一齊,應該無事,跟住主人仲帶我去見醫生,個醫生好靚仔架!檢查完後,心諗應該可以返屋企啦!點知主人無帶我走,嗚嗚!主人唔要我喇!之後數小時嘅事,唔知點解,我完全唔記得,只知道好似瞓咗好耐。 甦醒後,個肚發出巨響,有D姐姐俾咗個罐頭我食,飽飽後,才記得唔見咗主人,但係同時發現,我個『波波』唔見咗!點算呀!嗚嗚的......唔駛搵女朋友喇! 返到屋企後,我有D唔開心,但見倒主人好似好擔心,佢成晚陪住我,又同我玩,後來我先知道,完來主人同我去做絕育手術,都係想我健康D,為我好,後來我漸漸明白,其實我有個咁錫我嘅主人,已經好足夠。突然覺得自己好幸福呀! 唔記得咗話俾大家知,成個診所D哥哥姐姐都話我靚仔,仲有就係獸醫話我唔算肥呀!哈哈! 但係我諗我個細佬就一定超肥,你哋話係唔係,激死主人呀!食少D就鬼哂咁嘈!