營養師黃凱詩的生活點滴

2008年12月31日星期三

大小毛的得意相

睇佢瞓得幾舒服!
我無迫佢,佢自己走上個磅!

大家好,放工未呢?今日是2008年最後一日,希望新一年,各位減磅戰友的體重『快落』啦!

上個星期,同兩隻肥貓影左d好cute嘅相,同大家分享下先!

2008年12月28日星期日

火雞減肥餐


狂歡兩天,剩下了大半隻火雞,你是否有同樣的煩惱呢?其實火雞含豐富蛋白質又低脂,飲飽食醉後,想回復最Fit身型,佢必定幫倒你,想知火雞的減肥效能,請留意星期一的am730啦!現在就等我介紹下一個火雞食譜先。

火雞蘑菇烙餅

材料:
墨西哥烙餅2片
火雞肉200克
蘑菇1碗
低脂芝士2片
番茄1個

步驟:
1.先將火雞肉切絲、蘑菇洗淨切片,待用;
2.再將番茄及低脂芝士切粒;
3.用約1茶匙油,將蘑菇炒熟;
4.先將1片烙餅放於底層,再放上1/2份芝士;
5.接著將番茄粒及火雞絲平均放芝士上,再加上頂層的1./2份芝士及1片烙餅;
6.將平底穫加熱,再放上準備好的烙餅,待芝士慢慢溶化後,即成。

懶人做法:
材料:
比得包1個
火雞肉100克
蘑菇1/3碗
低脂芝士1片
番茄半個

步驟:
1.先將火雞肉切絲、蘑菇洗淨切片,待用;
2.再將番茄及低脂芝士切粒;
3.預熱小焗爐;
4.將火雞絲、蘑菇及番茄放進比得包中;
5.芝士粒放於最頂層,加入少許黑胡椒調味;
6.最後放入焗爐中,即成。

2008年12月23日星期二

祝聖誕快樂

聖誕又到,在這個普世歡騰的聖誕節,你又什麼節目呢?我會點過?今年我會留在香港,刺激消費,所以我打算在家開聖誕派對,仲有打算去睇戲,估唔估倒我會睇D咩戲呢!哈哈!係荒失失奇兵,入戲院開懷地笑,包你忘掉所有煩憂。
送大家一個聖誕大餐,祝聖誕開開心心,健康愉快。

2008年12月22日星期一

Milo 玩啞呤



我知道大家咁耐無見我哋,會掛住喇!無辦法啦!主人成日都咁忙,佢唔係掛d對住個電腦寫稿,就係個廚房度玩煮飯仔,仲要同我哋兩個踢波同玩,邊有時間同我哋影相,為了減肥成功,我哋學識自己做運動,有相為正,我無講大話!

大哥仲陪我玩添,佢同主人一樣都咁錫我!

2008年12月19日星期五

失去過,才會珍惜

昨天,行過報攤,漫無目的望了兩眼,什麼3週刊、壹週刊,都是倪震與周慧敏,回到公司,問問接待員車厘子:『倪周二人,發生什麼事呢?』她瞪大雙眼:『嘩!唔係啩!咁大件事,你唔係唔知嘛!』

為了與同事保持距離,我唯有八卦一下,點知俾我係雅虎網頁,看到這一段,那是轉至某報章一段關於倪先生的聲明,那段聲明,是這樣說的:「動搖過,才懂得堅定;失去過,才學會珍惜...」我不知整件事的來龍去脈,亦不作評論其他人的感情關係,今天想說的,只是針對那句:『失去過,才學會珍惜...』人,是否往往如此,永遠在失去時,才會珍惜,感情如此;親情如是;對於健康,也是一樣。

今早,見過一位客人,她年近50,身型由30歲開始,每年增2-3磅,現時160多磅,體脂比例,已達40%的危險界線,經我細心分析及遊說後,她亦不能下定決心,還告訴我:『我不打算改變飲食習慣,我經常吃肥膩食物,每年驗身,各項指數可是正常,不打緊吧!』這段說話,我每天聽過數次,人,為何永遠要到失去時,才懂得珍惜呢?忙,是否就是藉口,給你忽略身邊的一切。珍惜眼前人、健康也是一樣。

在這個普天同慶的聖誕節,祝你及你的親人愛人聖誕快樂。

2008年12月18日星期四

溏心蛋在香港


左撞右碰下,竟然俾我係佐敦搵倒佢。
你哋睇吓張相就明白喇!D溏心流哂出尼,而且這家店的拉麵也不錯,最緊要是不太肥嘛,可以選豉油湯底就更好啦!

想唔想知係邊呢?九龍油麻地白加士街127號地下,即永安後面。

2008年12月16日星期二

日語1分鐘翻譯

這種牌子的菜汁也是不加糖、不加鹽的無添加產品


或許因為我成日到日本,好似半個日本通,所以d朋友經常以為我精通日語,於是就成日有朋友帶d日本食物,問我個標籤點睇,我唯有苦學少少日語單字,應付需求。今日就同大家1分鐘日語啦!


エネルギー ENERGY
糖質 CABOHYDRATES
たんぱく質 PROTEIN
脂質 FAT
ショ糖 SUCROSE
ビタミンC VITAMIN C
カルシウム CALAIUM
マグネシウムMAGNESIUM
カリウム POTASSIUM
ナトリウム SODIUM
リコピン LYCOPENE

這種菜汁的營養成分是廾什麼呢?自己試下先睇答案啦!
1盒200毫升的產品有:
能量68卡;蛋白質0.6克;脂肪0克;纖維外的碳水化合物16.4克;纖維0克;鈉質38毫克;蔗糖3.78克;乙型胡蘿蔔素4988微克。

唔知你哋個答案正確嗎?

你今日食咗菜未?


作為城市人,經常到街外用膳,要滿足每天的蔬菜需求,的確知而行難,但多個文獻又經常指出,攝取足夠菜蔬,除預防便秘外,更是對抗癌症的良策。唉!咁可以點呢?

4個月前,我在網誌中曾報導,在OK便利店,曾找到一款平日只在高級超市才找到的蔬菜汁,可是,不消兩星期,她就消失了,點解?我曾問店員,她告訴我:『新品上市,又無宣傳,邊有人買!』當時,很多有營人唯有轉移到貴價超市啦!
好彩,一星期前,竟然俾我再遇到她--日本版的野菜生活;中國版的果蔬生活,這就是她們的沙龍,聚居地在那?牛奶公司集團的店子,即7仔、惠記可找到其影子。


很多支持者問,熱量高嗎?可以飲多少?首先,我必須提醒,她絕對不能完全取代新鮮蔬菜,因為她的纖維不高,所以患有便秘的你,不宜多用。但是,若希望攝取蔬果中的抗氧化營養素,她絕對勝任。

是次上架的產品,主要有三種,首選當然是野菜一日吧!點解,十分簡單,因為她的成份,只有蔬菜,沒有生果,只用來代替一天的蔬菜,便可以了,這樣便可回家後,吃過美味的生果啦!1枝280毫升的菜汁有78卡,由於1份蔬菜有45卡,那麼飲1枝的份量,最準確的應是1.5份蔬菜,但計算上太複雜了,這樣就換算成2份菜好了。

另一種產品,是橙色的果蔬生活,但由於當中含有50%水果及50%蔬菜,因此可換作1份蔬菜+2份水果。那枝很吸引的紫色果蔬生活,正積極瘦身的你,暫時敬而遠之吧!畢竟,她的糖份較高。

講咗咁耐,我唔係幫佢賣廣告架!所以,若果你有緣遇上其他品牌的話,就教你點分析該產品的健康程度吧!首先,該產品最好是沒有加糖、沒有加鹽的產品;另外,若該產品的水果成份愈少愈好,因為糖份的熱量較高啊!份量方面,每1份蔬菜/水果含有約45卡,用這方法計算,非常簡單。

正由於大家也知道水果較多的菜汁,糖份較高,所以,售賣蔬菜汁歷史較長的地方,如日本,會有減少水果成份的蔬果汁上市,應付需求,這枝就是我較高早前在日本的便利店找到的低熱量蔬菜汁,成份由80%蔬菜及20%水果組成。希望遲D佢會同大家見面啦!

2008年12月15日星期一

可愛小熊


我鍾意熊仔相信很多朋友都知,所以我每次去旅行,都會帶隻熊仔返香港,個多月前的日本之旅,當然不例外啦!

佢最吸引我的地方,是他身上穿上的漁夫褸,你睇吓啦!我仲同佢去東北添!

香港東北旅行



個多月前,到過日本東北旅行,上週末,決定跑到香港的東北離島。

行程的目的地,是吉澳、鴨州及荔枝窩一帶,那天,天氣特別好,有豆腐花雲,大家睇啦吓D相啦!
經過個多小時的船程,先到鴨州遊覽,這個地方稱為鴨州,原因十分簡單,因他的外型,像是一隻小鴨臥在水上,大家看這張照片時,要運用少許聯想力喇!這兒的水非常清澈,能看到小魚在水中暢遊,在香港難得一見。

隨後,再多10分鐘船程,就到午餐的地點--吉澳。這個小村落,有很多小點出售,我吃過一個小巧的砵仔糕,味道一流,最欣賞他的小巧身型,作為飯後甜點,份量剛好。

最後一站,就是到荔枝窩看怪樹,你看她們的造型多可愛!

想遠離繁囂,這個好去處不錯。

2008年12月13日星期六

2008最後召集


年紀愈大,越覺得時間飛逝,2008年尚有18天,便過去了。

這天,在公司大掃除,翻閱舊客戶的資料及相片,始發覺原來她們的變化真大,除了是身型上的改變外,從她們的面上,更流露著健康的喜悅。

曾有不少減磅戰友這樣說:『還以為這一生,便是要抱著肥肚腩渡過,原來,減肥成功帶給的喜悅,比任何一件事來得重要!』

下星期二,便是今年度最後一場的講座,你有空嗎?

日期:12月16日

時間:晚上7時15分

地點:銅鑼灣中央圖書館地下1號活動室

留座電話:2891 0920

2008年12月11日星期四

粟米片巧遇粟米


唔知大家有無諗過,粟米片都可以咁樣食呢?

平時加乾果又高糖,果仁又高脂,但淨食粟米片又好悶,於是今期介紹粟米片拼粟米囉!
仲有係,粟米是鮮為人知的高纖食物,有通便效能,明早就試下啦!這個早餐,更適合你的小朋友呢!

2008年12月6日星期六

減肥可吃的西多士


有無諗過,減肥都可以食法蘭西多士呢?

你哋睇吓張相先啦!簡直是疑似西多,製作方法十分簡單,只需準備1片麵包、1隻蛋、及1/2杯脫脂奶,首先需打勻雞蛋,一邊再倒入脫脂奶,完成後倒入小碟中,放入麵包,令蛋漿沾上麵包,再放入小焗爐中,待麵包變成金黃色即成。

想更美味,Keep Fit的朋友可加入少許糖漿,正努力減肥的你,建議到健康產品店,如健宜坊選購一種名為甜且宜的代糖糖漿,更有助減磅。

2008年12月3日星期三

很可愛的聖誕熊


兩星期前,在日本的街角,遇到我最鍾意的小熊,我當然不放過機構,舉機拍攝啦!送俾大家最聖誕禮物啦!

真是失望

剛到過那間高貴超市,唉!失望之極,超市裡面的產品,竟然只得九折(平日都九五折啦!)

其他文具及用品都有八折嘅!總之同一田相比...唉!無得比!如果唔係咁多時間,真係唔需要趕去囉!

2008年12月2日星期二

Citysuper 入貨清單

超好味的芝麻沙律醬

有探子回報,自從一田百貨的搶錢策略成功後,各大百貨店拼命跟隨,該消息指出,著名貴價超市也搶閘應戰,獅子銀行信用卡客戶可於明後兩天,享用特價購買貨品,為了令大家滿載而歸,我決定為大家準備一份減磅入貨清單,希望你哋有用啦!

1. Pita bread

2. boursin light 蒜泥醬


3. I can't believe it's not butter spray

4. Splenda 代糖

5. Better crocker 薯蓉粉

6. Vans Mini waffles

7. Gensoy 黃豆脆片

8. philadelphia 低脂芝味醬
有其他問題,就留言給我啦!
哈哈!差d唔記得同大家講,今次我的日本之旅,發現有一種超好味的沙律醬,當然都有脂肪的,每次用1--2茶匙都得,返到香港後,竟然俾我係sogo同citysuper見到佢,有機會的話,試吓啦!

2008年12月1日星期一

今晚滋潤吓啦

流沙番薯湯丸

1. 先將1個黃心番薯煮熟,再用小匙羹把番薯做成圓形狀,備用。
2. 再將糯米粉加入微冷清水,伴勻。
3. 用少許糯米粉團搓圓,再壓平,加入番薯蓉,再搓圓。
4. 在沸水中加入烹調用代糖,少許薑片,再放入湯丸即成。

換算方法20克糯米粉=1份五穀類食物80克番薯=1份五穀類食物

希望可以幫倒大家啦!個人較喜歡吃紫心番薯,所以愛用他作餡料,但由於近日乾得可憐,因此先滋潤吓啦!