跳至主要內容

文章

顯示從 6月, 2009 起發佈的文章

50蚊3磅

有時去街市買嘢,一定要抱住一種心態--忍忍忍... 話說兩日前,行經旺角,諗住買D水果,一行去個生果檔,見到一堆堆紅噹噹,明顯有勁多原花青素嘅車厘子向我招手,跟住檔主就話:『收工平賣,50蚊3磅!』當時我心諗,3磅?點食呀?其實我原先諗住買1磅,但係又唔好意思淨係買1磅,於是我又問:『咁兩磅幾錢?』檔主提議:『兩磅就40蚊,買三磅啦!抵D,俾多10蚊有多成磅!慳得1蚊得1蚊啦!』唉!好似好吸引咁...點算...唔得,1粒車厘子成5Kcal,食20粒已經係1日嘅quota,買3磅返屋企,隨時肥咗都唔知咩事。 最後忍忍忍...買咗兩磅,應該要食3日,好彩,車厘車係my favorite!

多謝哂!辛勞的兩位林小姐

下個星期三,係咩日子,七一囉... 除咗七一之外,仲係我同同事本兒童食譜出街喇!這本是我的第二本小朋友食譜,係過去一年係TVB週刊食譜嘅結集,售價絕對係超值...2個硬幣就買到喇...1個$10同1個$5。所以手快有手慢無... ...周圍都會見倒,因為梗有一間係左緊囉! 近日好多戰友同我講,D小朋友停課,日日你眼望我眼都唔知點算,仲有兩個月,唔通日日做補充練習咩,其實家長可以試下同小朋友一齊煮飯仔啦!烹飪過程中,可以促進親子關係,同時當小朋友多接觸健康食物,佢哋就可以同有營養食物做好朋友啦! 健康飲食習慣是從少建立的,好似我咁,小朋友的年代,唔準食甜品,大咗就對甜食提不起興趣啦!(哈根大師雪糕例外,1個月都同佢做1次朋友:) ) 又完成一本...仲有一本,賣下關子先,總之俾多24小時我就好喇! 差D唔記得多謝兩位辛勞的編輯林小姐,多謝佢哋成日催我交稿,仲有借咗好多玩具俾我哋襯相(雖然我公司已經有好多玩具)

又一碟...

放工已經係9點幾,有時太疲累,霎時間真係諗唔到食咩? D戰友成日話我尖沙咀office附近有好多人氣食店,但係放工時又想唔起。原來有譚仔啦、和越..牛肉粉,仲有我間日式飯堂,板仔壽司。 諗諗下發現好似唔記得幫個心臟補充d奧米加3,於是我昨夜就入咗板仔壽司,睇下我胃口幾好... 相信大家都知道,為咗個心臟好,應該定時定候(每星期每少兩餐)食d魚,尢其是深海魚,最常見是三文魚,好多研究都指出佢可以減低三酸甘油脂同減低血液凝固,所以對預防心血管病舉足輕重。 但係大家一定要留意,多選不代表要大量食,因為份量過多,令脂肪增多,到時肥咗,都係影響健康,仲要記得去皮,可以減低脂肪。 另外,含有豐富甲型亞麻油酸(alpha-linolenic acid)的食物,例如大豆製品、芥花籽油、合桃及亞麻籽,可在體內轉化成EPA及DHA(奧米加3的成員),所以大家可以留意,但都係果句─多吃傷肚皮呀! 水浸三文魚的新成員,John west 外的好選擇

好彩仲有涼粉

唔知係咪這幾天太熱呢?多咗戰友問個涼粉點整,其實大家可以去買百佳或者鷹金錢的涼粉,成罐食哂都係1份五穀,跟住說加自己鍾意的生果,昨天靜悄悄係超市偷影,認住佢啦!

借野成功但15/16

頭先食飯時間,去搵咗有多年養貓經驗嘅朋友兼寵物美容店老板求助,我問:『Innova成日無貨點算?』我哋一齊研究貓糧成份,佢介紹咗d脂肪低d嘅貓糧俾大細毛試,我跟住問咗個好低能嘅問題:『d味道同食開嘅是否相似?』佢笑笑口話:『咁我又未食過?!』 我又問:『但係而家我一粒舊糧都無,點溝?』佢就話有d貓腸胃無咁敏感,都可以,但問題係,我唔知佢哋係咪腸胃敏感呢?

兩溝

有無覺得佢哋個樣有咩唔同呢?一個可鄰樣囉! 點解?因為無哂乾糧囉,全個香港D Innova 乾糧缺貨,要6月尾先有,唯有食住罐罐先,但係一般嘅貓仔,見倒罐罐會好開心,無乾糧咪仲好,但問題係,佢個主人每日早出晚歸,d罐頭又唔可以開定俾佢哋,因為會變壞,所以佢哋每朝10點食早餐,晚上11點先有晚餐食囉,所以而家一返到屋企,佢哋兩個竟然好似狗仔咁歡迎我,一反高竇貓嘅性格,無他嘅...咪因為肚餓囉! 可能有朋友問,咁多牌子貓糧,買其他咪得,最主要問題係,貓貓腸胃敏感,如果要轉糧,一定要兩溝,如果唔係一定肚痀,但而家我一粒糧都無,點溝呢? 情況就好似有d朋友,平時食開白飯,突然想健康d轉糙米飯的情況一樣,一定要兩溝先,如果唔係就會肚谷谷,好辛苦傢!

借芝士記

今晚返屋企同朋友一齊玩煮飯仔,準備好做雞皇焗飯及蒜蓉炒雜菌的材料,點知買少咗一樣,咪就係焗飯嘅主角--芝士囉,於是我諗到一個方法,d電視劇好興有一幕鄰居借豉油,我今次就去借芝士啦!但當然,唔係鄰居,而係住係同一座的減磅戰友,點知突激家訪,都係借唔到,唯有照煮,這是製成品...

雪條成功喇!

嘩!枝果蔬生活雪條版真係唔錯,Diet coke就差d,應該係唔夠甜,我認為用coke zero會好d,因為較甜囉!用尼消暑,都唔錯!Good Night!

自製冰冰冰棒棒

前幾日打開雪櫃,發現有好多Party的遺物,分別有橙汁、coke light同果蔬生活,最攪笑係每一枝都剩返少少,幾少,應該有150毫克,即係一杯都唔夠,於是靈機一觸,不如用過雪條模做冰棒,你估成唔成功呢?今晚講座之後話你哋知。 仲有唔記得同大家講,有一枝好好味嘅青檸汽水低熱量飲品,感覺好清新,有機會行過M&S就去雪櫃探下佢啦!

《吃出形態》分享會

返咗尼喇!

很久... ...很久以前,介紹過一包薯片俾大家,但係轉頭就無得賣,減磅戰友們都唔知幾失望,但係今次大家等到喇!超低脂、勁少鹽嘅薯片返咗尼喇!知道包薯片再襲港要多謝邊個,咪我個friend囉,如果佢唔係今日遲大到,我就唔會無端端行入M&S啦! 講返包薯片先,一包只得85卡,脂肪幾多?竟然係0.7克,好多減磅小食通常有一個弊病,就係多鹽,但係這包薯片,只有0.09克-0.11克鈉質!但係大家要記住一句食低卡食物的口訣,食得多,即是一日2-3包,同樣會攝取過多熱量,一樣會肥。 天時暑熱,食小食又點少得一杯凍飲呢!上星期五係電台講過杯鮮榨橙汁+有氣礦泉水,有戰友即時一試,我今日再靈機一觸,用果蔬生活嘅紫色版+礦泉水+冰都唔錯,無咁甜,爽哂! 但係提提大家,橙色版果蔬生活較低糖低卡,間中飲下紫色,都可以嘅!緊記,食蔬果都係原個水果好。

老人牌好味小食

或者我實在經常係個Blog度介紹小食俾大家,令大家誤以為我好鍾意食小食,所以今日又有戰友放低咗一包脆脆片俾我。 介紹咗包脆餅先,雖然我唔係太好零食,但lee包都幾好味...唔係應該係好好味,(我d同事食咗大部份,佢哋話好味過其他牌子),最緊要係d鹽份都可以接受,食12塊,即1份五穀類+1/2份脂肪食物,只有少於200毫克鈉質。但係佢出沒嘅地方就真係少d,戰友話係太古城的前UNY,哈...我都未去過。 講返食小食嘅問題先,如果你平時沒有零食習慣(即是我),又唔需要特別買零食嘅,好似我lee個飯桶,晚餐食成碗半飯,又點會口痕呢!但係有80%減磅戰友都有零食習慣,又唔想佢哋一下子戒哂,所以先周圍選購啫!咁樣就多個選擇啦!但係記住,健康小食都唔可以當正餐,真係口痕先食啦!

可憐的米路仔

睇完醫生喇!醫生話隻眼仔有輕微潰瘍,可能係玩嘅時候太興奮,撞親,又或者自己唔小心整損,定係打架時俾Moo整親,而家醫生俾咗眼藥水同藥膏,仲要戴住個頭罩,你哋睇下佢個可憐樣,今晚希望可以早d返屋企陪佢啦!

milo 受了傷

好慘呀!昨天發現,milo變咗大細超,成日流眼水,唔知咩事。 但最奇怪係,隻眼仔唔舒服,都好好胃口,不過大家見倒佢個樣,就知佢都好唔舒服下,約咗睇醫生,一陣話你哋知佢病情如何啦! Moo同milo情同手足,都同主人一樣咁擔心milo,希望佢早日康復啦!

換咗喇!

這是大家努力的成果...睇下,剛好100個 昨晚又完成一場講座,好開心,散場之後,你估我去咗邊呢? 就係去咗惠康囉!但係中間有D阻滯,話說銅鑼灣公司樓下,有間惠康,咁方便,當然去lee間換啦!點你係我興高采烈抱住人家隻睡衣熊去換之際,個收銀姐姐話:『唔好意思,lee隻沒有貨!』知唔知咩叫一場歡喜一場空,唯有懷著失望的心情離開... 點知...行多兩步,希望就出現,事緣晚餐諗住食pumpernickel,經過明珠廣場間惠康,諗住撞下隻熊寶寶啦!點知真係俾我撞倒,咁就帶咗佢返屋企。 由於我想有1pair小熊,所以下一個目標係...好襯lee幾日嘅雨褸熊,大家努力呀!我對大家好有信心..... 由衷的...謝!

碗蕎麥麵飽到而家

今日食飯時間,諗住去打書釘,所以出咗外面食飯,行經世貿中心附近,見倒一間日式小店,再睇下個Menu,有蕎麥麵食,就吸引咗我入去,蕎麥麵營養價值高好多朋友都知,但我就鍾情佢嘅飽肚感覺,現在已是6點幾,仲飽緊,個麵唔錯架,最重要係牛肉唔算肥,減磅戰友啱哂,下次行過銅鑼灣試下啦!好似叫 bee japenese curry house!

無鹽的調味料

昨天係專欄介紹過一份比得包的做法,有讀者sent email俾我問d多用途調味料即是邊d,其中一種選擇,就係這枝百搭嘅多用途無鹽調味粉,我介紹過俾好多朋友用,大家用完都一致讚好,佢有咩用途,可以用來醃肉,醃魚柳一流,仲有做香草雞同豬都唔錯,做沙律的話,用來代替胡椒粉,又有一番滋味。

我間餐廳

這三天,在會展開餐廳(擺攤位),我間餐廳(攤位)d裝修唔錯,都有幾張枱,可以俾d朋友仔坐低傾下佢嘅減磅大計。但係這次參與,最重要嘅得著係見到大家真係好落力,有100%power,仲有一日,加油啦!(我一定會俾多d三文治大家食) 死啦!中咗facebook restaurant city 毒,有精神分裂,點算...

大家的支持,無言的感激

俾你哋睇下大家努力嘅成果,已經係98個,今日去咗惠康,探d朋友仔,心裡面15/16咁,都唔知應該換睡衣熊定雨褸熊,你哋話邊隻好呢?

週末好節目

今日有咩好介紹,咪就係一年一度嘅美容健身及化妝節,今年已經係尚營坊第三年參加,舉行日期就係星期五至星期日,中午12時至8時,會展嘅活動,一定有超級優惠比大家,要同大肚腩講再見嘅朋友,唔好錯過喇!

我沒有忘記

午餐食唔飽

再一次證明,如果個午餐食唔飽,你將會心思思,口痕又肚餓嘅程度,可以將成間七仔都吞到落肚,這個說法原來係真嘅! 話說今日午飯時間,有份好趕嘅稿要完成,於是食咗1個豬仔包就算,完成咗份稿,諗住落街行下,個人就心思思想食嘢,點知俾我買咗Lee包栗子,咁就同大家介紹下,減磅戰友,有時都會想食d零食,這包栗子是不錯呀!1包剛好是1份五穀類食物。

雜果涼粉冰冰冰

今日雖然矇矇查查,但係好熱,今晚食消暑涼粉真係極品,Lee個三星級酒店嘅涼粉冰,製作極之簡單,但都要準備材料先,我鍾意切1/2個火龍果、1個奇異果同8粒士多啤梨,仲有1碗涼粉,但係大家要留意,市面上的涼粉有D加有糖份,所以睇成份現配料表嘅時候就要小心。但係而家個涼粉未有味,所以加D脫脂奶再洒上代糖粉末就完成喇!