營養師黃凱詩的生活點滴

2012年6月29日星期五

薯仔沙律

夏天嘅胃口通常都唔好,所以都係決定在am730個專欄教大家做沙律。
做法很簡單的,可到www.am730.com.hk瀏覽今天廚神的專欄。
食譜上的份量,剛好是三份五穀及兩份肉類,相信很適合部份戰友的餐單。


但這個沙律的重點,應該是蛋黃醬,但蛋黃醬實在是太高熱量了,幸好現在有瘦身成功的蛋黃醬,我在Market Place買的,BB牌子的蛋黃醬也有減肥版的,我在CCsuper也見過。


減磅進行中,一次用1湯匙,Keep Fit的話,2湯匙也可以。
減肥前的蛋黃醬大約有60卡架。

2012年6月25日星期一

DIY麵包

我記得架!我記得我在面子簿講過,會將之前果個超軟麵包嘅食譜同大家分享,所以,決定今晚兌現咗佢。
上面張相,就係今晚的材料。
250克高筋麵粉,我試過,這隻牌子不錯的。
跟住,當然係包麵粉左手邊杯水,有180毫升,
個三兄弟小碟裡面,係左面的18克牛油、15克糖及4克鹽。
做麵包不能少的當然還有3克的酵母。
跟住就當然要將材料都放進麵包機中。

我就叫咗佢,明天9時正做好麵包叫我起身。
因為,這部機是有時間掣。


其實,而家好多朋友都鍾意自己做麵包,但我發現有一個問題,就係這些自家製的麵包,密度都會較高,換言之,就算方包的大小跟坊間的大小相約,但由於密度較高,熱量會隨之而上升,所以,最好根據食譜計算下每塊麵包包含多少碳水化合物才吃,先唔會愈食愈肥。

我就計咗以上食譜每塊麵包有113Kcal,想知點計,明天再教大家。因為,我要瞓喇!

2012年6月20日星期三

焗意粉大戰炒米粉

有無諗過,如果有一日,你喺飲食日記上面寫上你食完星洲炒米同白汁焗意粉,營養師唔會對住你囉囉唆唆呢?

而家有機會喇!仲可以親手做~

我同阿廚神Thomas,打算喺下星期三,同大家一齊做以下兩款無人諗過減肥都食得嘅食物,平日淨喺識煮湯米粉嘅戰友,就唔好錯過喇!

焗意粉大戰炒米粉

DIY菜式:白汁雞皇焗意粉及星洲炒米

日期:6月27日(星期三)
時間:晚上7-8:30

地點:九龍油麻地廟街2﹣8號昆鏡大廈2樓,港九酒樓茶室總工會,油麻地地鐵站C1出口
費用:尚營坊會員價$300,其他參加者$330( 已包括材料費用,二人一爐)



報名日期及方法:即日開始電話留位,報名熱線:2992 0148
電話留位後,請於一個工作天內,到任何一間尚營坊分店以現金繳交學費,即是說,你今天留位,明晚8時前需繳交費用,逾時的話,位置會讓給另一位朋友。尚營坊開放時間為週一至週五,11:30-20:00;週六11:00-16:30。

2012年6月13日星期三

糉之咪亂食

 我知道仲有D朋友想學包糉但又報唔到,所以我打算在這裡嘗試下教大家。點解話嘗試下,因為真係未必可以將咁複雜嘅包糭手法教到大家囉!
望下我前面這堆食材先。
當然要有糉葉啦!即是竹葉,在乾貨舖就有得賣架喇。


最重要的材料,當然係開邊綠豆同糯米。但係你要介紹健康糉喎,點解有糯米呢?好多朋友都覺得糯米係好肥,事實上,大家都誤會咗佢,糯米嘅熱量同白米係一樣的,只是糯米經常用來做一些高脂食物的食材,所以大家就錯覺糯米係肥膩的。
 竹葉買回來的時候是乾乾的,

所以包之前係要烚的,要烚幾耐,大約20分鐘啦!竹葉軟身就可以了,如果唔係,包嘅時候好容易斷的。


送個食譜俾大家睇下先啦!

材料(4隻分量)
做法
糯米 1
綠豆 1/2
鵪鶉蛋2
雞肉80
冬菇2
瑤柱2
大蝦米4
竹葉16
咸水草10
2茶匙
2茶匙
1
蒜蓉2茶匙
五香粉1茶匙

雞肉醃料:
五香粉1茶匙
豉油1茶匙

做法:
1.     將鹽加及五香粉入水中,製成鹽水。
2.     用鹽水浸糯米半小時;用清水浸綠豆半小時,備用。
3.     把雞肉洗淨,瀝乾,切絲,用醃料將雞肉醃好,備用。
4.     瑤柱及蝦乾浸至軟身,撕細,備用。
5.     冬菇浸軟,去蒂,切成四角,備用。
6.     鵪鶉蛋烚熟,去殼,切半,備用。
7.     燒熱鑊,下蒜蓉及油,炒熟雞肉、瑤柱絲、蝦乾粒及冬菇絲,盛起,備用。
8.     將竹葉及咸水草灼30分鐘至軟身。
9.     4片竹葉鋪開成十字形,再弄成圓錐形,放上糯米、綠豆、鵪鶉蛋、炒好的雞肉、瑤柱及冬菇包好,將葉尾收口,用水草扎實,放入熱水中烚45分鐘,即成。
睇完係咪都唔明點包呢!
唔緊要啦!糉,都係竹葉包住糯米啫,卷卷卷、扎扎扎,咪OK囉,都攪唔掂,就包這條上海糉,簡單好多。

包完之後,記住要去蒸架!上包糉班果D,我都準備咗D糉俾大家食,所以就叫咗阿接待員妹妹去叮糉,點知佢叮咗5分鐘後,就打開糉葉同我講,點解叮咗咁耐隻糉都咁生嘅?!
傻妹,隻糉未烚點叮呀!原來,佢攞咗我剛剛包完嘅糉去叮呢!

  
剛你包到人生裡面第一隻糭係好開心架,有相為證。


這是大家當天的製成品。


六月尾,我們會有另一個煮食班,密切留意啦!

2012年6月4日星期一

黃詩詩教你減肥稯


好喇!一切準備就緒,可以開始報名。今日個報導都有講啦!就算隻稯係好似好鬼健康,又有豆又有什麼高纖米,都未必健康,因為會有肥豬肉同咸蛋架!詳情去今日蘋果日報睇啦!http://hk.apple.nextmedia.com/news/art/20120604/16394929

咁都係好想食稯又點算呢!上星期都預告咗!我會親自聯同廚神Thomas先生,在今個週六同大家一齊做。
日期:6月9日(星期六)
A班:2:15﹣3:15PM
B班:3:30﹣4:30PM
費用:$90 (每人一份食材)
上課地點:銅鑼灣謝斐道482號信諾環球保險中心1201室
(港鐵銅鑼灣站C出口步行一分鐘即達)
報名方法:即日致電29920148留位,然後1個工作天內到尚營坊以現金交費便可。當然,你亦可以入數去恆生264﹣298316﹣883,再傳真入數紙來29920146,但當然要寫上你的大名啦!
快D報名喇!到時見!