跳至主要內容

文章

顯示從 10月, 2008 起發佈的文章

新書《吃出形態》面世

等了一星期,第四個仔仔《吃出形態》於10月30日『出世』,佢都幾大隻,比上一胎《以營補營》大本D,訂咗書的朋友,快D上『尚營坊』攞啦! 仲未買,唔緊要,有緣的話,行過書局,就可以與佢碰面,跟住你會唔捨得佢,帶佢返屋企啦! 參加了下兩星期《再見大肚腩》講座的朋友,會場內可以優惠價HKD60買到,想知講座日期同時間,睇吓就知啦!但去之前,記得致電2891 0920留個位先。 11月6日(四)及11日(二) 銅鑼灣中央圖書館地下一號活動室晚上7時15分至8時45分 11月8日(六) 佐敦柯士甸道童軍中心1030室

南瓜節快樂

各位朋友,今天是南瓜節,有D咩活動呢? 如果沒什麼節目,就買個南瓜返屋介企應吓節啦!千奇唔好以為南瓜粉粉的,就熱量高,其實一杯南瓜蓉先得49卡,含豐富乙型胡蘿蔔素,在乾燥的日子,保持水份同油脂分泌十分重要架! 另外,今晚準備去蘭桂坊扮鬼的朋友,緊記酒精含高熱量,量力而為呀! 祝南瓜節快樂!

牠們就只有你

今日,一位客人問:『你的24小時好像比我的多,白天要接見無數的減磅客人,晚上既要寫稿又要上網寫blog,每週更要到電台做節目,回家更要與愛貓做運動,如此辛苦,其實你曾否想過將愛貓給他人照顧呢?』我打趣說:『何出此言!難道你想收養我的愛貓嗎?』她搖搖頭說:『只覺得你太辛苦吧!』 其實從我決定飼養寵物開始,我清楚知道,對她們的承諾是一生一世的,除了牠們的基本生活需要外,還有與她們玩耍及維持牠們的健康,有一句說話是我牢牢緊記的,『你或許有很多朋友,但你要知道,牠們就只有你!』所以就算我的工作有多忙,與牠們每天30分鐘的玩樂時段,是不可少的。 牠們第一張合照!

我真偉大

為了令大家知道食物的營養及熱量,很多時候,我要化身人肉銀針,才可以得知食物的詳細資料。今天,我的研究對象,就是陪著大家成長的雞尾包,嘩!佢嘅熱量十分驚人,有幾多?賣個關子先,下星期睇am730啦! 但係最慘係,我今日好偉大咁食咗個甜爺爺的雞尾包囉!

我的新客--Moai

有無覺得隻公仔好攪笑呢?我好鐘意佢架,你哋睇吓佢隻手,摸住個大肚腩,我諗佢真係要減咗個肚腩! 為咗佢嘅健康,我諗住幫吓佢,問題係,佢住係九州宮埼日南海岸,咪要飛去日本囉!真係開心,又有藉口返『老家』!哈哈! 大家有無覺得,佢個樣好似復活島的怪石,你講得啱,其實佢真係老翻,話說很久已前復活島個島主搵咗個日本人幫手,為了多謝佢,個島主就允許個日本人,係佢個家鄉做個老翻。其實我鐘意復活島D怪石多D,但無奈去復活島好貴啫,唉!金融海嘯,遲D先啦! 我是正版石像!

落少D油啦!

剛才睇阿蘇煮嘢!越睇越驚,第一,落8茶匙已經有D驚 ,D芋頭仲要係炸,屈指一算,這味風沙芋頭= 5個芋頭(每個雞蛋型大小)=400卡 8茶匙糖=160卡 約吸了6茶匙油(好保守估計)=270卡 即是830卡,肥死啦!希望同事Winnie這星期安然渡過!

分別

數天前,在『減得有營』講座完畢後,我當然不放過機會,宣傳一下我的新作《吃出形態》,席間,再有一位讀者問:『《吃出形態》與前作《以營補營》有何分別?』 整個晚上,我也在想,兩者有何分別呢?分別又真的這麼重要嗎?若果真的沒有分別,讀者會不感興趣嗎?究竟讀者真是要尋求分別嗎? 回想我的工作,10年前和現在,也在努力地為客戶們,達到減重目標,每天就在編餐單,與各位減磅戰友並肩作戰,工作形式每天依舊,天天也在重複著,我曾自問:『我感到苦悶嗎?』老實說,我的每天,仍感到精彩,我仍然深愛我的工作,雖然,她們找我的目的,同樣是減磅,但她們的遭遇、背景、故事也是不同的,那麼,每天其實不是在重複著,每天也可以是不一樣的。 《吃出形態》每一編文章,仍是根據我明天的所見所聞結集而成的,雖然每一篇也是在說健康、講減肥,但每一篇的背後,那個故事主人翁的遭遇也是不同的。所以有何分別,在乎你用那個角度看吧! 又這樣想,兒時,我愛看漫畫,每星期,我總愛耗盡我的零用錢,購買每一期的老夫子,看看大番薯與秦先生的遭遇,但若你現在問我,第一期的老夫子與最後一期老夫子,有何分別呢?其實我也說不出。 寫到這裡,回頭看看我的藏書閣,日本的旅遊書,達6本之多,這6本書又有何分別呢?其實分別真不大,因為喜歡所以想擁有,就是這麼簡單。 無論是《以營補營》,或是這部即將面世的《吃出形態》,我真的希望大家視它為一本散文/小說看待,因為由始致終,我只希望大家透過這些故事,輕鬆理解營養飲食的一切。 買過這部書的朋友,希望你能將他放在枕邊,因為我深信,一日一篇,你除了學會些簡單的營養知識外,你更可以輕鬆、愉快地進入夢鄉。

keep fit 成功

米路仔:死啦!頭先我見倒主人準備好個電子磅,我諗我哋又要上磅喇!點算呀!驚驚呀! 小毛毛:早就叫你做多d運動啦!成日掛住食,不過唔緊要,我知道主人是幫人減肥的,應該幫到你,我晚晚都見主人傻佐咁,同你跑來跑去,應該減倒d,唔駛擔心啦! 米路仔:主人準備抱起我喇!祝我好運啦! 小毛毛:我幫你睇吓幾多磅先!121磅!唔係!都未減主人的體重,佢好鬼fit,只得110磅,即是你係11磅。恭喜你呀!你無再肥,仲輕了0.2磅,你正在發育階段,算是不錯了! 米路仔:喵喵...... 小毛毛:你嘈咩呀! 米路仔:我瘦咗,都有d獎勵啩,喵主人兩聲,叫佢俾零食我囉! 小毛毛:無你咁好氣呀!

加鈣無糖豆漿

自從毒奶事件後,我不停為減磅戰友搜尋不加糖又添加鈣的豆漿,終於皇天不負有心人,諗住到Sogo逛逛,俾我再發現佢,它便是一包又低脂無糖又高鈣的豆奶,但最重要是,它是200毫升保鮮裝的,方便携帶。幾多錢?10元硬幣有找!

先睹為快

多謝各位網友、讀者及同事的投票,『封面一』高票當選。 而我的新作《吃出形態》也進行最後的生產階段,即將同大家見面。 有讀者問,新書《吃出形態》與前作《以營補營》有何分別,老實說,我問了自己半日,都唔知點答,於是我綜合了以下答案: 1.《吃出形態》是結集了我過去一年,在《am730》及《iMoney》刊登過的文章,因此如果你經常遲睡遲起,拿不到am730的朋友,同時若你從不買財經雜誌,這本書對你來說,是一本新書。 2.如何你每星期也有看我的專欄,你已是我的忠心讀者,這本書你更不應錯過。 3.如果你在過去一年,千方百計也減不了磅,我深信看畢這本書後,你最少可以減1-2磅。 4.如果你覺得生活苦悶,壓力沉重,看過這書,你應該會開懷歡笑。 無論如何,這本書的面世,要感謝的,除了是am730、iMoney及經濟日報出版社的協助外,還有這年來與我合作無間的DJ朋友蔡展輝及陳美思,但最重要的應是在背後默默支持我的讀者朋友及一眾減磅戰友。 在新書即將面世的日子,尚營坊及本人為多謝各位支持,明天至10月24日,若你親臨尚營坊訂購《吃出形態》一書,可享超級 優惠價$55 (原價$68),切勿錯過。 地址: 銅鑼灣謝斐道482號信諾環球保險中心1201室(地下鐵銅鑼灣站C出口徒步1分鐘即達) 九龍佐敦庇利金街8號百利金商業中心1601室(地下鐵佐敦站C2出口轉左徒步1分鐘即達)

尚營坊私房菜

上星期,在電台同大家講自製多士,係咪流哂口水呢? 點整!好簡單啫,首先要自備一個小型多士焗爐,跟住買一包全麥麵包,我配了低脂芝士、新鮮菠蘿及蘑菇,另外我為了令佢似pizza,所以加了茄膏,你哋睇吓,這份尚營坊私房菜是否很吸引呢?

最新消息

剛剛收到出版社來電,我的第四胎《吃出形態》趕著出世,所以今天要入『產房』,下星期便可以同大家見面喇! 個封面於數小時後揭盅,轉頭第一時間話你知!

健營食譜

鮮味冬菇蒸肉餅 材料: 免治瘦豬肉 160克/4両 冬菇 3隻 花生油 1茶匙 豬肉醃料: 豉油 2茶匙 生粉 2茶匙 胡椒粉 適量 做法: 1. 先將冬菇浸軟,去蒂切粒。 2. 用醃料醃豬肉,再加入冬菇粒拌勻。 3. 把豬肉盛於碟中,壓成肉餅狀。 4. 隔水蒸豬肉約15分鐘,即成。 有營指標:超市的免治豬肉,加入大量豬肉,千萬不要購買。 白飯魚瑤柱蒸水蛋 材料: 白飯魚 100克 瑤柱 4粒 雞蛋 2隻 蔥粒 適量 生抽 1茶匙 麻油 1茶匙 白飯魚醃料: 美極鮮醬油 2茶匙 胡椒粉 少許 做法: 1. 將白飯魚洗淨,瀝水後抺乾,用醃料醃15分鐘,備用。 2. 瑤柱浸半小時至軟身,撕開成絲狀;瑤柱水留下備用。 3. 把白飯魚、瑤柱及瑤柱水加入發好的雞蛋中,瑤柱水的份量要比雞蛋多1/3,再加入生抽及麻油調味。 4. 把蛋液倒進碟中,以中火蒸1分鐘,再轉慢火蒸至凝固,最後灑上蔥粒,即成。 豆腐肉絲雜菌煲 材料: 瘦肉 3両 硬豆腐 1磚 磨菇 10粒 金菇 1杯 鮮冬菇 4隻 西蘭花 8棵 蒜蓉 1茶匙 日式醬油 2湯匙 花生油 1/2茶匙 瘦肉醃料: 豉油 2茶匙 生粉 2茶匙 麻油 1/2茶匙 胡椒粉 適量 做法: 1. 將瘦肉切絲,用醃料醃瘦肉。 2. 硬豆腐沖水,切件備用。 3. 西蘭花洗淨,切小棵。 4. 磨菇、金菇及冬菇洗淨。 5. 沙煲燒熱後,下油爆香蒜蓉,煎香硬豆腐至金黃色,盛起備用。 6. 將瘦肉、西蘭花及菇類一同放進煲中,加入日式醬油略炒,蓋上蓋子煮5分鐘。 7. 最後將豆腐放回煲中,兜勻即成。 有營指標:硬豆腐鈣質較高,建議便用。 南瓜蒸雞柳 材料: 雞柳 3両 南瓜(小) 半個 蒜蓉 1茶匙 花生油 1/2茶匙 雞柳醃料: 鹽 1/2茶匙 胡椒粉 少許 花生油 1/2茶匙 做法: 1. 雞柳切片,用醃料醃15分鐘。 2. 南瓜洗淨,去皮去籽,切小件。 3. 把雞柳及南瓜放進碟中,下油,拌勻蒜蓉。 4. 南瓜雞柳以大火蒸15分鐘,即成。

較可口又低脂的芝士

這幾天,有一位新成員加入我公司,佢就係一部小型多士焗爐,於是這個星期,便貪新鮮,自製多士做午餐,機緣巧合下,我遇到這牌子的芝士,佢比其他低脂芝士,香味及奶味都十足,比其他牌子更好,於是咪介紹給大家囉! 今日,我做了一份蘑菇芝士燒牛肉多士,見住D芝士慢慢溶入燒牛肉中,睇到都好味,唔記得話俾大家知,上面仲加咗茄膏,不知幾好味,係咪流哂口水呢?你哋都試下啦!

全身有18處傷痕

前天,是小moo moo一生以來第一次洗白白,那天我先為她剪指甲,減低我毀容的危機,接著安排了一盆和暖的水及毛巾,一切嚴陣以待,首先,為了讓他先適應水溫,我為他的小肉球,先清洗一下,怎料,他慘叫一聲,當時心想:『沖涼啫,唔駛咁驚啩!』隨後,他不漸掙扎,加上慘叫,而我的身上就多了18處傷痕,跟住好戲在後頭,變成一隻濕水貓後,下一步,當然要吹乾啦,一開風筒佢又驚,於是跑來跑去,我張床慘變水床,最後用了1個小時,我間房先打回原型。 小圖便是洗白白後,受驚過度的moo moo,發現自己無哂D味,好唔開心。但成身傷的我仲慘呢!

看條碼知產地

早前,大家被三聚氰胺嚇得半死,於是對奶類食物;以致對產於內地的產品都怕怕,其實又有否方法得知食物在那裡『出世』呢? 上星期,我收到一個電郵,該電郵引述原來從條碼上,可得知該食物是那個國家製造的,以下是部份資料,希望可幫到大家啦! 00-13 加拿大及美國 45,49 日本 50 英國 93澳洲 94新西蘭 471 台灣 489香港 690-692 中國內地 880南韓 885秦國 890印度 893越南 955馬來西亞

我的減肥餐

經過歷時一星期的生日飯後,我的體重竟升了3磅,於是唯有安排一個減肥餐俾自己啦! 要將自己的體重『微調』,我為自己安排了薯仔番茄雜菜湯,你哋睇吓,係咪好吸引呢? 其實要長久保持體重,最重要的,是自己的控制能力及面對現實,我經常說,一個人不會無緣無故在一兩星期內體重上漲10磅而懵然不知,問題在於你有否經常監察自己的體重,一般來說,Keep Fit的朋友,兩星期磅一次便可以了。 我的減肥餐的材料: 番茄2個、薯仔一1個、洋蔥1/2個、紅蘿蔔1/2個、瘦肉3兩、少許豉油及胡椒粉 我吃減肥餐,moo moo 食大餐!

我的生日蛋糕

各位讀者、朋友、減磅戰友,是日是小女子牛一,不如大家一齊食蛋糕啦!望梅止渴都好幾有用架! 除了蛋糕之外,仲有好多讀者送來的祝福及食物,大件事,肯定肥幾磅,點算! 無論如何,還是要多謝各位的厚愛,對專欄的支持,我當然會努力,幫大家減磅成功啦!

慢工出細貨

上圖: 一號封面 上圖:二號封面 新書--吃出形態的準備工作已接近尾聲,今日開始揀封面,自問沒有藝術細胞,所以見到D設計都有D頭痛,首一批封面,給我很清雅的感覺,因為背景全是白色,看後,我擔心白雪雪在報攤不起眼,你哋知啦!又唔係D咩大作家,一個作者仔,D讀者見唔到,無人買,咁點算,於是加咗D色落去,希望吸引D啦!不如咁,大家一齊參與,以下有1及2號兩個參選封面,不如大家投票,右面有個投票站,選一個封面啦!

可憐的大小毛

Moo: 嗚嗚!唔知點解,主人這個星期成日掛住D一張張白字,又唔同我哋玩,平時佢一返到屋企,就同我玩波波同毛毛,我都唔知幾開心,Milo你睇吓,成床都係紙,唔知主人係咪唔錫我哋呢? Milo:係啦!主人成日話我肥,迫我每日同佢跑來跑去做運動,但這幾日佢無同我跑喇!阿哥,不如咁,我瞓係D紙上面,咁佢咪做唔倒嘢,就有時間同我哋玩啦! Moo:千奇唔好呀,主人會嬲,過多幾日啦!主人得閒D可能會同我哋玩呢!

閒來做麵包

上個月,在iMoney專欄中,教大家做麵包,有幾位讀者問詳情,為咗令大家知道整個過程是怎樣,我找了一段短片,希望可以幫倒大家,在這個重陽假期,可以有d手作仔啦!哈哈!成功了記得留返一個俾我呀! http://www.nisshin.com/life/komugiko_club/meikan/04/index.html

黃色暴雨下的布袋澳

今天是我的第二餐生日飯,食大餐地點,就是老遠的布袋澳。 係咪好奇怪呢?西貢也有海鮮餐食,點解要去布袋澳呢!原因很簡單,因為阿蘇介紹完囉!阿媽睇完,就提議去,點知,貴人出門招風雨,仲要係黃色暴雨,我哋駕車由沙田出發,爸爸做柴可夫,雖然車來車往,但最終都濕身,最搞笑就係,因雨勢太大,加上香港吹東風(布袋澳在香港東面),有d位滴水,所以都幾狼狽,你哋睇吓就知,好彩我哋個位好正,風平浪靜,我哋食咗好多嘢,唔知這個生日會重幾多磅呢? 係咪好奇怪點解營養師會食海鮮餐呢?其實我想話比大家知,若果你成功減完磅,又或者體型標準,你可吃多一點的,但當然你需懂得節制啦! 減磅朋友們,努力加油,目標達到後,可多吃一點,但仍要緊記多運動呢!

乳牛的話

唉!這個九月真慘,由9月16日開始,D人好次怕咗我D奶咁,而家我唔知幾谷,D奶無人要,唔谷就奇啦! 不過好彩,香港好似有個叫做食物安全中心的機構,每日都抽D奶去化驗,聽營養師講,佢D減磅戰友成人飲開D奶都無事,希望件事快D過去,因為我D奶畢竟都是人類攝取鈣質的主要來源。 以下個表是營養師睇咗網頁後,綜合給大家的資料,睇吓自己隻奶是不是榜上有名啦! 「三聚氰胺」測試合格樣本 寶萊脫脂牛奶飲品 (1公升) 安佳Shape-up脫脂奶 (1公升) 雀巢牛奶公司脫脂奶 (1公升/250毫升/236毫升) 維記高鈣脫脂牛奶飲品 (946ml/236毫升) 保利脫脂奶 (1公升/250毫升) 農場鮮奶新鮮脫脂牛奶 (1升) Greenfield脫脂奶巴士德消毒 (1公升) 十字牌脫脂牛奶飲品 (946毫升) 雀巢三花即溶脫脂奶粉 First choice UHT 脫脂奶 (250ml/1L) 安佳膠原蛋白高鐵高鈣脫脂奶粉 (750公克) 雀巢三花即溶脫脂奶粉 400g