營養師黃凱詩的生活點滴

2010年9月29日星期三

Life @ Sydney

這幾天,大腦處於完全休息的狀態,所以這次就跟大家分享分享多張照片,希望也為大家支點能量吧!

最興奮就是看見牠們,可愛之極...

也許我對所有貓及熊也是特別鍾情的,看著牠們熟睡的樣子,我也看了半小時多;

我研究了好一段時間,也不明白為何牠們總愛在Y型的地方睡過飽;

終於讓我等到牠們睡醒的時候,還要是買一送一的,一大一細,可愛之極...

也看看牠們的背影吧!

看得出牠是黑底白間的,還是白底黑間的?


但森林的王者,永遠都是牠,但我發現,牠的動靜,跟大細毛也是一樣的,畢竟也是貓吧!

多走一會,身傍竟然出現佢,嚇一跳...


或許動物們實在太受歡迎,連毛毛Boot都有牠們的影子。

但最令人陶醉的,還是食物,最重要是,它是整個悉尼,唯一一種比香港平的東西。

仲有佢哋,這個Trip,吃得最多的,應該是它。


還有我個friend...


除了動物、食物,還有藍天白雲,海洋及沙灘...

在這裡乾蒸了大半天,想帶他回家。

多謝收看^^

2010年9月17日星期五

故事一則

今日,係絕對絕對唔應該寫Blog,但係...壓力實在太大,大得令整個我都壓得死,所以決定娛人娛己,所以決定同大家講一個故事。

故事的主人翁有兩個,A君及C君;由於C君近日工作忙,於是C君在自己的面子簿上寫上: 想做死人咩~~於是,她的要好朋友就在Comment寫上: 十卜十卜!

數小時後,C君的工作完成了,再到面子簿留言,卻看到朋友仔的留言: 十卜十卜,想了一會...又想了一會,C君忍不住問精通倉頡的同事A君: 十卜十卜時什麼字的倉頡字碼?

A君立刻說: 即係Support呀! 是潮語來的,你老了... ...

看過這則故事,你懂得笑的話,恭喜你,你仍年輕;但若果你睇唔明,或者睇幾次先明,我相信你應年屆三十有多,但不需難過,因為最起碼,你今天有一個得著... ... 學咗一個倉頡字碼!!

(講個秘密俾大家知吖!唔好話俾人知呀~~A君是我的好助手車厘子小姐;C君是...自己估下啦!聰明人先估倒架^^)

2010年9月13日星期一

煲仔飯

有時候,懶起上尼,真係想將咩材料一齊放入煲,等佢一鑊熟,你話幾好,半個鐘後,就食得。

準備吓D材料先,今日想做肉片蒸菜飯,所以這裡有約120克肉片,半碗白菜仔及4隻乾冬菇,還有少許乾瑤柱、少許辣椒,這兩種材料是用來增加味道的。

首先,當然是切切切的工序,豬肉要切片,用豉油及多用途香草調味料醃好,冬菇切絲,白菜仔都係切絲,落唔落辣椒就自己決定啦! 我無椒不歡,所以點都要落...2隻咁多啦!

泡菜是前菜,看看成份若是沒有油就可以,有些配方會加麻油的,要小心,但泡菜的問題,主要是鈉質偏高,看看成份就更安全。

一切準備好就煮飯...

材料幾時落呢?經驗告知,個飯煲噴煙就可以落其他材料,但記住,菜要後加,約於加入材料後5分鐘,如果唔係,就會黃哂~

這就是未加菜之前的情況。
加完白菜仔,煮多一陣,伴勻,加調味,約1湯匙豉油啦! 如果唔係就無味喇^^


得咗!香噴噴的肉片蒸菜飯完成了,又簡單又方便,最重要係唔洗洗鑊嘛! 懶得你吖!

2010年9月10日星期五

卑鄙月餅!?

我相信大家一定食過迷你冰皮月餅,佢有幾大個你哋一定知啦,話說噙晚食完飯果陣,我同朋友去行吓超市,行行下,佢拉開個雪櫃,攞咗個迷你冰皮月餅出尼,望咗兩望個標籤,跟住同我講:嘩!好低卡,一個都係45卡咋! 聽完之後,我心諗: 有無咁少呀?!

驟眼望一望,係喎! 45卡......咪住,有古惑,睇清楚D,你都算奸囉! 食用份量竟然係1/4個冰皮月餅,那麼一個即係180卡! 又玩分數數字遊戲,邊度有香港人一次食1/4個冰皮月餅架! 除咗我囉! 你不如寫1/8個22.5卡,個數字仲細。

做吓統計吖!你話你哋平時一次食幾多吖!起碼都1/2個啦~~大把人一次食兩個都面不改容啦~

戰友們! 小心小心...

2010年9月9日星期四

全包宴

經朋友介紹,發現公司附近開了一間自選三文治沙律店,實在太好了,以後若果要食『全包宴』,又多一個選擇。

好些朋友經常用一個『挨』字,去影響食麵包三文治的感覺,好似上個星期,我又到這家店吃三文治,然後放照片到面子簿,朋友紛紛話:『做咩咁慘挨麵包呀?』

其實是挨與否,只是心態吧! 而且吃三文治,也可以有不同變化啫!你睇下...

有比高包(Bagel),一個差不多是3份五穀,而且只要烤一烤,風味完全唔同哂!

仲有好似一個枕頭的意大利包,咁咪多D花款囉!唔信你睇吓我個午餐同晚餐,都好鬼吸引吖!

不過食麵包果陣,記住唔好混醬囉,如果唔係,真係減肥變增肥,點解?因為兩湯匙醬汁,已經等於1碗飯的熱量囉,咁加法,咪隨時肥咗都唔知咩事!

不如大家試下睇,知唔知戰友可以揀咩餡料啦^^

2010年9月3日星期五

黑名單?!

果個人鬼鬼祟祟,成日將個貨架嘅嘢翻來覆去,睇完一大輪,又唔買,個個禮拜都見倒佢,知唔知咩人尼架!--這是超市中理貨員的對話。



俗語有云:隔牆有耳,更可況,只係隔住個貨架。話說,為咗要寫稿寫Blog,仲要準備d講座,一得閒,我都要去超市視察吓d食物嘅營養標籤,先話到俾大家知10粒燒賣=兩碗飯,從前,我會買d肥死你食物返公司慢慢研究,但近來我發覺唔係好掂,次次買d肥死你食物返尼,自己又唔想食,但又唔想送俾人食,所以,我決定唔買,就偷影啦! 或者用個iPhone記低d資料,但次次都俾d姐姐呀哥哥仔啤住我,我真係怕...有一日,d超市會blacklist我囉~你哋話可以點呢?



好! 講番今日偷影的成果先,我今日想同大家講,千奇要小心一d黃黃哋色嘅麵包,因為會有較多糖同油架,好似這片好似叫蜜糖麵包一樣,一片有2.8克脂肪及3.8克糖了,一般的白麵包,約有1.x克脂肪及1.x克糖,多些比較,就可選些較低熱量的產品了,值得一提的是,由於麵包製作要用上自發粉,成份中有碳酸氫鈉,所以這些鈉是很難避免的,唯有在其他的食物處減鹽吧!



另外,我需要澄清,雖然我會將貨架的食物翻來翻去,但翻過後,我會將佢哋整整齊齊放回原處的~~

2010年9月1日星期三

一套有4本架~~~

而家香港人咪好鍾意儲印花嘅,儲下儲下就有一套玩具呀、公仔呀、刀仔等等啦! 但問題係,如果你人緣唔好朋友少的話,想儲齊哂,就真係有D困難~~

不過今日介紹嘅,好易就儲倒一套,佢就係我黃詩詩嘅營養叢書咁啦! 佢一套呢,暫時係有4本架,唔需要儲印花,你只需要用68蚊,就可以換倒一本,去尚營坊換,仲有嘢送,就係我尼個"作者仔" (容祖兒係歌星仔,咁我又做作者仔先,哈哈)嘅親筆簽名一大個。其實我本小小作品已經喺各大書局有售喇~~多謝支持啦!